السلام عليكم
ملاحظ من كم يوم سالفة السيارات الرخيصة وخاصة السيارات المرغوبة
مثل الرنج واللكزس والنيسان بسعر ارخص عن الوكالة بوايد
وكلمة السر
عطني فلوسك وعقب 3 ايام و4 ليالي بتوصلك العروس الكزس 570
————————-
السوق والتجار مايخلى من تجار قمة في الامانة والثقة بس الوقت مايساعد وكثرة النصابين ماترحم
لاتخلى السعر الرخيص يغريك وتدفع فلوسك مقابل شيك مايسوى كلنيكس مستعمل
—————————–
خلاصة الكلام اي موضوع فية سالفة شيك ومن هالسوالف بينحذف
واذا صلخوة الاعضاء من حقهم يسألون ويستفسرون
وسلامتكم
الرجاء عدم التعرض
لأي عضو بالاسم
الموضوع للنقاش والخروج بفائدة
بيض الله ويهك بوعسكور
وتسلم يمناك ومشكور على التنبيه
دام انه السيارة زيرو ومن وكالة موجوده في الدولة
يعني بالعقل المفروض يكون التسليم فوري سلم واستلم هب عقب 3 ايام.
والشي الثاني لازم يكون عند الشخص البائع اوراق السيارة من الشهاده الجمركية وعقد البيع من الوكالة .
والشي الثالث هو انه لو هالشخص عنده مواتر بهالاسعار اللي ماتدخل العقل ويبا يبيع بسرعه بيسير عند اقرب معرض وبيبيع له وبياخذ عمولة من المعرض بعد على الاسعار اللي يباها له. مب بيي وبيحط اعلان فالمنتدى .
هذا اكبر دليل على انه هالسوالف كلها جذب ومصخره.
ابشرك
بعد ماسجل السيارة واخلص تمرين ذيج الساعة يسير يشوف الفلوس في حسابه
ولا يحلم غير هل الرمسة
صحيح انة الجهات الامنية هب مقصرة
بس هب انفر فلوسنا وانقول خلاف والله نصبو علينا
المفروض يكون فية توعية لهذة الامور
يزاك الله خير