السلام عليكم و الرحمه

شخباركم و جيف انتوو

تعالوو يطولي بعماركم حلولنا هذه المعضله

الحين انا اكل عدل << يعني الاخضر و اليابس لووول

و ارقد عدل و من وقت يعني 11 اكون راقده << مقيمه الرقاد سلمكم الله حتى وصلت لين الوحش الاخير لووول

لكن خل يدق السنطور الصبح ..مااااااااااا اروووووووم افج عيوني …انش مشلقه و ادعم كل اليدران اللي في حجرتي من التسطيل لين ما ازهب …بس من اركب السياره خلاص تمام يطير الرقاد يوم اوصل نص الدرب

الحين بعد البحث و التقصي..اكتشفت ان شي نوعين من الناس

انسان صباحي : ينش الصبح نشاط و مشتط يبا يشتغل و يتم على هالحاله لين المغرب و عقب خلاص يهور

انسان ليلي: هذا الصبح ينش بالعافيه و يتم مسطل طول الصبح ..لين تستوي الساعه اربع العصر هنيه يرد النشاط و عادي يتم نشيط لين بعد منتصف الليل

الحين شوفولنا حل لنشة الصبح …احيانا كنت عادي انش بدون عذاب

بس هالاسبوووووووووووع كل يوم اسحب عمري غصب من عالشبريه ..مع ان دوامي مب من وقت يعني انش من الرقاد 8 او سبع و نص اذا متحمسه وايد

كوفي و جربنا
اعلي صوت الاذاعه لين ما اييني صمخ بعد جربت

قالو كلي تفاحه تيب النشاط ..كلت درزن تفاح ماشي فايده

قلت خلنا نشوف الاخوان و الاخوات في المنتدى خصوصا اللي صار لهم سنين يداومون شقا ينشون الصبح..و هل في شي يسهل هالموضوع ؟ خصوصا نشة يوم الاحد من عقب الويكند

في انتظار ردووودكم

49 thoughts on “عطوني حل”

  1. السلام عليكم اختي

    انا اراي اتجربين تتعشين الساعه ثمان ونص والساعه 10 بالكثير على الشبريه وعلى صلاة الفجر ان شاء الله تنشين وبعد الصلاة اتسوي رياضة بيتيه وبعدين ريوق خفيف خبز خمير وعسل وشاي حليب
    وان شاء الله اتكوني نشيطه

    وشكرا

    صدقني

    صدقني

    اذا حطيت راسي على المخده قبل الساعه 11 مستحيل ارقد

    انا عندي ارقد الساعه 11 يعني اووووووووووووووووه من وقت يعني جني ديايه

    و اصلا اخذلي وقت ارقد عمري اغنيلي هووو هووو يالدهدوووه لين ما ارقد ههههههههههههه < < سوالف
    __________________

  2. وطي راسج وارتاحي ويوم تحسين انج زينه قومي وسوي رياضة دوري على البيت30 مرة وسوي الضغط 20مره وشكري الناس 10 مراة علشان ايسر الله دربج
    ………………تحياتي

  3. صراحة انا سيم سيم

    يعني مثلج تماما

    اقوم الصبح كان جبل فوق ظهري

    وطبعا بعد ما ادق على غفوة في منبه التلفون عشر مرات

    احيانا ارقد من وقت بس لازم التسطيل الصبح

    بس طبعا تسطيل السهر غير

    والسهر يكون في الاغلبية من رقدت الظهر

    بس انا من النوع الثاني لاني لو ناش الساعة 6 الصبح عادي اسهر لين الساعة 3 في الليل

    وشكرا على الموضوع اختي بي بي

    هيه والله نفس الاحساس

    و نفس الحركه انا ادق على سنوز مليون مره لين اخر شي يبند المنبه روحه ..يقول هاي ما عندها نيه تنش لووووووووووول

    الله يعين


    __________________

  4. والله فكره حلوه بس مستحيل اسويها

    اصلا لو طبقتها بفقد حياتي الاجتماعيه

    يعني اخلص دوام اربع و نص و اوصل البيت خمس

    ست سبع ثمان و ارقد يعني شو حياتي 3 ساعات

    و متى بظهر و متى بحاوط و متى بشوف ربيعاتي

    بس بيني و بينج هاي اسويها مره في الاسبوع بس جي عشان ارتاااااااااااااح ..لكن كل يوم وايد صعب

    يسلمووو على الاطلاله الحلوه

    انا بعد اخلص دوام اربع

    بس لما مايكون لي خاطر للحياة الاجتماعية انام بدري واقوم بدري والحياة حلوة

    ولما يكون لي خاطر للحياة الاجتماعية انام متأخرة واقوم غصبا عن اللي يابوني وانا مسطلة

    بصراحه والله محتارة ماادري شو الاهم الحياة الاجتماعية ولا راحتي

    بس بيني وبينج راااااااااااااااااااااااااااااااحتي اهم

    __________________

  5. السلام عليكم اختي

    انا اراي اتجربين تتعشين الساعه ثمان ونص والساعه 10 بالكثير على الشبريه وعلى صلاة الفجر ان شاء الله تنشين وبعد الصلاة اتسوي رياضة بيتيه وبعدين ريوق خفيف خبز خمير وعسل وشاي حليب
    وان شاء الله اتكوني نشيطه

    وشكرا

Comments are closed.