السلام عليكم و الرحمه

شخباركم و جيف انتوو

تعالوو يطولي بعماركم حلولنا هذه المعضله

الحين انا اكل عدل << يعني الاخضر و اليابس لووول

و ارقد عدل و من وقت يعني 11 اكون راقده << مقيمه الرقاد سلمكم الله حتى وصلت لين الوحش الاخير لووول

لكن خل يدق السنطور الصبح ..مااااااااااا اروووووووم افج عيوني …انش مشلقه و ادعم كل اليدران اللي في حجرتي من التسطيل لين ما ازهب …بس من اركب السياره خلاص تمام يطير الرقاد يوم اوصل نص الدرب

الحين بعد البحث و التقصي..اكتشفت ان شي نوعين من الناس

انسان صباحي : ينش الصبح نشاط و مشتط يبا يشتغل و يتم على هالحاله لين المغرب و عقب خلاص يهور

انسان ليلي: هذا الصبح ينش بالعافيه و يتم مسطل طول الصبح ..لين تستوي الساعه اربع العصر هنيه يرد النشاط و عادي يتم نشيط لين بعد منتصف الليل

الحين شوفولنا حل لنشة الصبح …احيانا كنت عادي انش بدون عذاب

بس هالاسبوووووووووووع كل يوم اسحب عمري غصب من عالشبريه ..مع ان دوامي مب من وقت يعني انش من الرقاد 8 او سبع و نص اذا متحمسه وايد

كوفي و جربنا
اعلي صوت الاذاعه لين ما اييني صمخ بعد جربت

قالو كلي تفاحه تيب النشاط ..كلت درزن تفاح ماشي فايده

قلت خلنا نشوف الاخوان و الاخوات في المنتدى خصوصا اللي صار لهم سنين يداومون شقا ينشون الصبح..و هل في شي يسهل هالموضوع ؟ خصوصا نشة يوم الاحد من عقب الويكند

في انتظار ردووودكم

49 thoughts on “عطوني حل”

  2. انا اؤمن بالمنبه الداخلي بعقل الإنسان

    حتى لو رقدت الساعة 3، واضبط الـ Alert اللي فمخي اني ابا انش الساعة 7.30 الصبح عشان اذاكر، بنش بدون منبه/ ومصحصح

    وهذي نعمه عظيمة من ربي

    جربي يمكن تمتلكيين هالنعمه و ماحسيتي فيها

    اما عن طريقه برمجة الـ Alert المخموخي… >>

    شوف اذا عندي شي حماسي..رحله ..حفله ..تجمع فرنداتي

    هيه بنش

    بس حق الدوام هالمنبه المخموخي ما يشتغل مووووووووووووووول لووول

    يشتغل جان تبا الصدق بس اطنشه لان ابا ارررررررررررررررقد


    __________________

  3. بشتغل محلل نفسي اليوم لوول

    شوية اسئلة يمكن يساعدونج في تحليل مشكلتج

    1- عندج جيوب انفية؟ لها تأثير وايد على نشة الصبح

    2- غرفتج باردة؟ افضل درجة ما بين 22.5 -23 عشان يوم ينش الواحد ما يكون جسمه متكسر وايد

    3- متى اخر مرة نظفتي فلتر المكيف (سيرفيس) ؟ المايكروبات تلعب دور..

    4- اذا رقدتي بنفس التوقيت في يوم اجازة، تنشين روحج بنفس توقيت الدوام؟ ولا ما تنشين الا عقب الساعة 1- 2 الظهر؟

    5- اذا كانت الاجابة نعم على السؤال الاول؟ احتمال انج ما تحبين دوامج يمكن بسبب بيئة العمل او ضغط العمل ولهذا السبب يوم الدوام مالج رغبة تنشين بسبب التأثير النفسي الباطني (متعوبة عليها).. ولكن يوم الاجازة اتنشين من صباح الله خير بكل نشاط (انا من هالنوع وامر بنفس السالفة لان مالي خلق اداوم ومحتاج راحة )
    6- اذا كانت الاجابة لا، اذا انت/انتي من النوع الكسول وتفضلين حياة الليل اكثر من النهار ويزداد نشاطج بالليل (خفاش) مع عدم حبج للتقيد والالتزام

    مع تحيات
    د. دون كيشوت
    عيادة دون كيشوت النفسية

    1. هيه عندي جيوب انفيه اموت منهم كل دقيقتين خشمي متسكر

    2. لا ما احب البرد وايد

    3. ماعندي اي فكره

    4. انش بتوقيت الدوام بس ارد ارقد عمري

    و الحين احب دوامي نوت باد ات اووول

    و صح انا من النوع الكسول و احب السهر ..يبالي اشتغل ناطور بيكون احلى

    هاه شو الاكتشاف العظيم الحين ؟


    __________________

  4. انا عكسج بالضبط !!

    مابغي انش الصبح من وقت
    تحصليني ناش ومسبح ومخلص واتريا نص ساعه لين ماظهر من البيت بعد !!

    والله انا حاله غريبه

    اصدقين مرات يوم الواحد يتم يفكر فالنشه وانه لازم مايتاخر على الدوام ينش بدون منبهات وبدون شي
    يعني قبل اذكر اذا عندي موعد الصبح او شغله معينه . والله ماعتمد على المنبهات انش روحي
    ابقق فالساعه اشوف ناش قبل الموعد بساعه !!

    فانتي الله يعينج . ان شاء الله حد يقدر يفيدج

    والله ربيعتي شراتك

    نحن ناشين مسطلين و مادين بوز

    و الحبيبه يالسه ترمس و تشرح و تناقش و نحن نطالعها بنظرات حقيره هههههههههه

    بعدنا loading >>>

    و نسير ندور اكل و الحبيبه متريقه و مخلصه اشغالها كلهم الصبح

    و كاشخه و متعدله و نحن لابسين اي شي مفرور على ارض الحجره من البارحه فليل هههههههههههههه


    __________________

Comments are closed.