عطوني حل

49 thoughts on “عطوني حل”

1. 1. هيه عندي جيوب انفيه اموت منهم كل دقيقتين خشمي متسكر

   2. لا ما احب البرد وايد

   3. ماعندي اي فكره

   4. انش بتوقيت الدوام بس ارد ارقد عمري

   و الحين احب دوامي نوت باد ات اووول

   و صح انا من النوع الكسول و احب السهر ..يبالي اشتغل ناطور بيكون احلى

   هاه شو الاكتشاف العظيم الحين ؟

   

   اي اكتشاف عظيم يطولي بعمرج لووول

   لا بس حبيت اسهل عليج وعلى الباقيين تحديد اساس المشكلة من وين اذا كان عامل نفسي او بيئي من خلال الاسئلة..انتي بنفسج بتعرفين المشكلة من وين اذا راجعتي الاسئلة

   العامل البيئي: السؤال الاول والثالث مرتبطين مع بعض والسؤال الثاني يضاعف من المشكلة واللي هي جيوب انفية

   العامل النفسي: اما بيئة العمل واللي تسبب احباط بالتالي عدم الرغبة بالنهوض او كسل من الشخص نفسه

   دام ان عندج جيوب انفية..خلي الخدامة تمسح غرفتج بكل تفاصيلها وما تخلي ذرة غبار في غرفتج بالذات الستاير لو تودينهم الدوبي احسن..وثاني شي واللي هو مهم جدا تنظيف فلتر المكيف كل اسبوعين.. بالكثير شهر اذا كان من النوع سبليت وتسوين سيرفيس للمكيف كل سنة واذا كل 6 اشهر احسن اذا كنتي تستخدمينه في فترة الشتاء..وتقدرين تشترين من الصيدليات الكبيرة جهاز لتنقية جو الغرفة من المايكروبات..جربي وعلى ضمانتي بتلاحظين بتردين تتنفسين بشكل طبيعي وبترقدين وانتي مرتاحة..لانه اذا خشمج مسكر تنقص عنج كمية الاوكسجين وبالتالي اييج خمول واحيانا صداع..

   طبعا انا مريت بكل هالاشياء..ما كنت اقدر انش الصبح..بس من سويت عملية جيوب انفية قبل 4 سنوات ارتحت الحمدلله..لكن ردت لي في الفترة الاخيرة بسبة الغبار والجو التعبان..

   
   __________________

2. عادي شي سهل

   عن نفسي اداوم يوم كامل من خمس الفجر لين اليوم الثاني واكون مرات ماراقد ولا في الخاطر

   بس نصيحتي

   الدش الي تاخذينه يكون باااااااااااارد مع شويه مكعبات ثلج جربي وخبرينا النتيجه

3. انا عكسج بالضبط !!

   مابغي انش الصبح من وقت
   تحصليني ناش ومسبح ومخلص واتريا نص ساعه لين ماظهر من البيت بعد !!

   والله انا حاله غريبه

   اصدقين مرات يوم الواحد يتم يفكر فالنشه وانه لازم مايتاخر على الدوام ينش بدون منبهات وبدون شي
   يعني قبل اذكر اذا عندي موعد الصبح او شغله معينه . والله ماعتمد على المنبهات انش روحي
   ابقق فالساعه اشوف ناش قبل الموعد بساعه !!

   وأنا نفس حالتك بالضبط

   انش على صوت الاذان بدون منبه

   اصلي وأسبح واتريق و أداوم قبل وقت الدوام بنص والا ربع ساعة (دوامي من 7 لين 2)
   ايلس اقرا الاذكار والجريدة من النت وعقب ادش المنتدى ^^

   والساعه 2 والا 2 وخمس أنا في البيت أحلى شي

4. طولي بعمرك

   الموضوع ما يباله سهل وايد

   مثل ما تقتنعين انه لازم تتحوطين وتتمشين وتشوفين ربيعاتج

   خلي عندج القناعه انج تنشين الصبح وسبحان الله اي شي يتعود عليه الشخص خلال 21 يوم خلاص ما يقدر يودره

   يعني لي ضاري ينش الفجر ويصلي الفجر وما يرد يرقد ف هذا شي ممتاز

   قدمي تنازلات لي اشياء علشان تكسبين اشياء ثانيه

   في مره قالها شيبه وانا اتبع المقوله هذي لين اليوم

   يقول لا تكثر من الرقاد وشوف الحياه كيف علشان تتعلم تراك بتعيش فيها وقت من الزمان ولاحق على الرقده لي ما بها نشه

   طبعا الاخوان كفو ووفوا ولاكن

   حطي في بالج اول شي انتي شو تبين ومقتنعه منه بتسوينه بدون ما تشعرين بكسل ولا غيره لنج شي هذا تبينه

   وبتوفيج

5. والله كلام دون كيشوت صحيح طلع دكتور وأنا مب عارف

   أقول اختي ،، أنا بعطيج تجربتي مع هذا الشي

   لا ترقدي اكثر من 6 ساعات بالليل .. اذا رقدتي اكثر من 6 ساعات بتحسي بخموووول

   اتوقع لو رقدتي الساعة 11 ونشيتي على صلاة الفجر مابتحسي بالرقاد ،، انا عن نفسي ارقد ع ال 11 وأقوم لصلاة الفجر وما أشوف الشبرية الا الساعة 11 بالليل ..

   طول اليوم نشاط وكرف بس ما أحس بتعب الحمد لله ..

   وحتى لو ان الوقت من بعد صلاة الفجر الى موعد دوامج طويييل بس ترى الرقاد في هالوقت يخلي الواحد كسلاااان

   انتبهي لساعات النوم وحاولي تضبطيها .. بالتوفيق لج

Comments are closed.