شحالكم أخواني و خواتي؟؟؟
انا عندي فكرة بسيطه و ابغي رايكم فيها عشان تخبروني كيف ممكن اطبقها و ماعرف إذا في حد مسونها من قبل يعني محد يقول ((سرقت فكرتي دخيلكم..)))
فكرتي هي إني اسوي جلابيات رجالية ب ماركات أو شعارات اندية ..بتسألوني كيف؟؟
يعني بطبع على الجلابية شعار الماركات مثل ديور و قوتش و اجنور و شعاات الاندية (لا تقولون تقليد ماركة..لأ لأ لأ أنا القصد الابتكار و التغيير و اظن في ناس وايد يقلدون الماركات)))…بأكثر من فكرة يعني مب نفس الديزاين يعني مرة على الكتف و مرة على الكم و مرة على المخبئ و مرة منثور على الجلابية كلها
بس في مشكلة>>>>
أنا ماابغي اسويها الجلابية جاهزه..يعني تكون قطعه ماابغي اقيد الزباين بقياسات اللي تعجبه القطعه ياخذها مب مفصله و يفصلها بالقياس اللي يبغيه..
أو إذا ماينفع ياليت تخبروني شو ممكن اسوي أو شو القياسات اللي ممكن تمشي أكثر
اللي ابغيه منكم الحين تخبروني كيف ممكن اطبق هالفكرة و إذا في حد يعرف مكان يسوون هالشي اللي هو طباعة الشعارات((((و ابغي اعرف شو الأحسن الطباعة أو الخياطه؟؟؟)))
ماراح اقول مثل البعض محد يسرق فكرتي بس راح اقول اللي ياااخذ فكرتي حلاااااااااااااااااال عليه و الله من قلبي لانه كل واحد رزقه عند الله,,,,
و اسمحولي على الاطالة..
و دعواتكم لي بالتوفيق…
من رأيي…
فكرة الماركات ما بدوم …أما الاندية تراها دائمة..وبالذات اذا كانت أندية اماراتية واوروبية ومنتخبات..
بس مثل هالمشارييع لازم يكون عندج ابتكار وتصميم يتماشى مع الموضة..
لأن كل فترة ولها موضة…
بس من رايي…
لو تكون البداية في البيت وتبيعين عن طريق المنتديات ….
لأن بداية البيت مريحة ولا تبى رخصة وعمال ومصاريف وفواتير كهرباء ومشاكل عمال ومن هالكلام…
واذا نجحتي..
وأفتحي لج كاونتر صغير نفس اللي بالمولات…بس يكون المول عليه اقبال من جميع الجنسيات..
يعني خطوة بخطوة …
ومثل هالطابعات….موجوده اعتقد في محلات الكمبيوتر…واذا ماشي ..أسأليهم وهم بيخبروج..
يعني انتي صممي عن طريق الفوتو شوب ..واطبيعها…وانتي والخير رباااعه …^_*
بس أها هل هالله فينا…وما اتشبي الاسعار علينا..
خليها مناسبة وتكون في متناول الجميع وبالذات لي أنا ..خخخخ
اخوي حمد اسعدني مرورك..أنا هذا اللي ابغي اسويه إني آخذ جلابيات رجالية و احط فيها أفكاري بأشياء معقولة مش مبالغ فيها….
مشكوووور اخوي و جزاك الله ألف خيرررررر
اختي تفحة عطر
مشروع الله يوفقك خاصه اذا انتي شفتي الاقبال عليها ,,,,,,,,
عندي فكره على الشعارات الي انتي محتاره على اللاصق او الخياطه ,,,,,
شوفي الجلابيات المصريه مثل جلابيات ( حلاوه ) وغيرها من الشركات المصريه المتخصصه بالجلابيات القطنيه
منها تعرفين الطريقه الحديثه لللصق والصور الجميله لانها حقا تسوى الواحد يطلع عليها ,,,
فكره اخرى
ممكن تاخذين منهم جلابيات بدون اي شعار وتركبين افكارك عليها ,,,,
موفقه بأذن الله
ثااانكس ورقة مالية…
تسلمين على هالرد..
و ان شاء الله راح احط كم دزاين بس ابغي ادرس الفكرة عدل
فكرة جميلة , خاصة شعارات الاندية
افضل انج تسوي دزاينات فالبداية ,, تعرضي شغلج فيهم ,, يعني تفصلي اج كم دزاين بقطع مختلفة
والي يبي , بيطلب منج
ممكن تفصلي له على حسب القياسات , او انج تنتجي القيساسات المعروف s , m l , xl , xxl xxxl
وصوري واعرضي شغلج ,,
بالتوفيج انه شاء الله