السلام عليكم
عساكم بخيـــر؟
بغيت آخذ رايكم..ناوية آخذ سيارة ومحتارة..
حبيت الـ E 350 Coupe ، شكلها روعة بس مش عملية (بابيـــــن) والسعر شوي عالي،
الحين افكر في Audi Q5 ، شو رايكم فيها، من ناحية الـservice و قوة السيارة؟
و كم سعرها اذا حد عنده فكرة؟
مشكوريــــن 
المرسيدس بتتلعوزين ويا تجييكاته نار
الانفنتي مشكلة الصوت في البريكات هي ويا المورانو الجديدة
اللكزس زبالة ومافيها ثبات وبريكاتها كجرة
عليج بالبي ام
والاودي سعره بسرعة يطيح وقطع غياره نار x نار
لا يعلا على المرسيدس واللكزس … المرسيدس فئة 350e أو S والتركيز على الأربع أبواب فقط وإبعدي عن الكوبي حتى يقعد معاكي أطو ل فترة وما تملي منه بسرعة…. والله يوفقك طبعا لا تنسي الإستخارة قبل شراء أي سيارة,,,تحياتي
اختي تبين راي
نيسان فتك اسود بيج من داخل فتحه منزل من جدام طيات 97 من ورى وكاله هدرز بيب نص يونجب واتحدى حد يصف
ههههههههههههههههههههههه انصحج اختي بالكزز اي نوع منه وانتي يكيفج
و انا بعد رايي مثل اري اخواني اللي فوق ما اشجعج تاخذين الاودي و اكيد المرسيدس احسن من الاودي سوى الكوبي او الاربع ابواب – الله يوفقج
يا طويلة العمر حدّدي السعر اللي تقدرين عليه …
عسب يعطوونج الراي بالسيارة على حسب امكانيتج
المرسيدس حلووو .. وابتعدي عن الكووبي .. التأمين غالي جداً للسيارة الكوبي .. وثانياً مب مريحه لو حد ركب معاج ..
عندج الاكس سكس .. بي ام … حلوة وشي نوعين 8 سلندر … و 6 سلندر ..
الثمانية اغلى عن الستة سلندر .. وعن الاسعار بصراحه مادري كم سعرها
عندج انفنتي —— 8سلندر fx50 S
او انفنتي——- 6 سلندر fx35
الرنج الاسبورت حلووو …
اللكزس .. gs 430
او Ls 460
واللكزس الفورويل بعد وايد حلووو .. ولكن يمكن كبير شوية عليج لو مب متعودة اتسوقين فورويل شرات الاستيشن والنيسان ..
وفالنهاية لا تستعجلي باتخاذ القرار … لانج انتي اللي بتدفعين البيزات .. وانتي اللي بتسووقين السيارة
‘ والسموحه على الاطاله … الله يوفقج ويحفظج ..
شوي شوي عن السرعه …