عفواً امي ما بعطيج حقج !

السلام عليكم ورحمة الله وبركاته

طبعاً سبق وعرضت شغل ماما الغالية في موضوع
سابق وكانت الصوره غير واضحه

وطبعاً طلب مني الجد الكبير للمنتدى ( متعني

ومتصرف ) مشكور عرض بعض من اشغال

الوالده الله يحفظها

وطبعاً لانشغالي الدائم ما قدرت اروح واصور بس
يبتلكم بعض من اشغالها البسيطه اللي موجوده

في كاميرة ماما

بس بعطيكم نبذه عن الوالده

ماما الله يعطيها العافيه عاشقة لشيء اسمة

( تراث) يعني اذا بتودونها مكان واختفت عنكم

بتحصلونها يالسه عن اي متحف والا اي منظر قديم

الحمد الله ماما اسمها معروف في عالم التراث
وعشان العادات والتقاليد بتحفظ على الاسم في
المنتدى

تم التعاون مع امي الغاليه في مسلسلات رمضان
العام الماضي في الازياء والزينه للتراث

وكذلك تم التعاون معها في بعض الملابس للاغاني
الشعبية وغيرها

وها السنه ان شاء الله في مسلسل راح ينزل
تراثي تقريباً الازياء من تصميم الوالده

لا تنسون الوالده ،، صممت كوشه لمجة وحده على
طراز تراثي قديم مع جميع الاكسسوارت وزهبة

العروس والكل ماشاء الله مدح شغلها ( مب

جني سويت دعايا حق ماماتي وايد ) تستاهل

الغالية

طبعاً انا سرقت كيمرتها بس بصراحه الصور مب

عاطيتنها حقها والسبب ان امي مب وايد ويا

الصور

بعرض بعض الصور لين ان شاء الله اتفيج واصور

روحـــــــي

نقول بسم الله الرحمن الرحيم

طبعاً شغلها روحها من تطريز وبراويز وفي اشكال

ثانيه في البراويز

يعني براقع ، بشوت صغار ،، غتر ،،، الخ

الصوره مب واضحه

شغلات جديمة ركزو في الصوره اهم شيء المنظره المدوره

اتركم تتسلون مع الصور وطبعاً برجع لكم بعد يومين ان شاء الله بصور واضحه وتفصيلية للاعمال والاشغال اليدوية

واسمحيلي يا امي جان قصرت في حقج

واسمحولي عالقصور في عرض الصور وطرح الموضوع