عفواً شركة إتصالات ..!! إلى متى

29 thoughts on “عفواً شركة إتصالات ..!! إلى متى”

1. السلام عليكم ورحمه الله وبركاته

   اخوي انا ادري انك منقهر من سالفه الا مساوه بس السبب ليس جشع اتصالات كم يعتقد الجميع … السبب تقني بحت…

   خلونا نرجع للماضي شوي ايام الدايل اب … كانت السرعه 56 ك فقط لان المودم كان يستخدم خطوط الهاتف وكان التحويل بين اشاره الانلوغ الى اشاره الديجيتال واعتقد تتذكرون ايام ما كنتوا تشغلون تلفون البيت عشان الانترنت … لاكن بعدين تم حل المشكله بالاستغناء عن الانلوغ وعمليه التحويل الي تاخذ حيز كبير من السرعه … والحل كان ADSL ومعناها خط رقمي غير متماثل والاشاره هيه ديجتال بأستمرار … طبعا الي خلاها تنتشر بسرعه انها تستخدم خطوط الهاتف السابقه وهذا وفر على شركات الاتصالات وضع بنيه تحتيه جديده … بحيث توصيل خدمه الشامل كان سريع وبأستخدام وايرات النحاس…

   الشامل كان سريع وممتاز على ايامه خاصه الي مسوين ابقريد من الدايل اب اكيد راح يحسون بالفرق الكبير في السرعه … لاكن الشامل لها سلبيات عديده ….

   السلبيات :

   استقبال البيانات يكون اسرع من ارسالها بنسبة 2/1

   كل ما ابتعدت عن اقرب كبينه DSLAM تكون السرعه الافتراضيه المتاحه اقل ….

   في بداياتها كانت سرعه التنزيل القصوى وماعتقد حد وصل لها بحكم المسافه هي 8 ميغا بايت و الارسال 1 ميغابايت (سنه 1998)

   تحميل 12 ميغا و ارسال 1.3 (سنه 1999 الى 2001)
   تحميل 12 ميغا و ارسال 1.8 (سنه 2005 )
   تحميل 24 ميغا و ارسال 3.5 (سنه 2008 ) ADSL2+

   الجدول معناه انك ما تقدر توصل سرعه 30 ميغا بأستخدام الشامل لان التقنيه اصبحت قديمه جدا … واسرع شي تقدر توصل له بحكم التأثر بالمسافه هو 16 ميغا فقط !!!

   ************************************************** ********

   الحين خلنا نتكلم شوي عن خدمه ال elife والتقنيه الي فيها ….

   خطوط الفايبر كانت في الماضي مكلفه جدا واتذكر انها كانت تقتصر فقط على الدوائر الحكوميه لاني شايف بعيني عندهم اجهزه الفايبر مع الاخذ بالاعتبار ان هيكل الانترنت الرئيسي هو فايبر (internet backbone)

   في الفتره الاخيره وبسبب الازمه العالميه وانخفاض الاسعار ودخول الصين القوي في التقنيه تعاقدت اتصالات مع احد الشركات الصينيه في استيراد خطوط فايبر بسعر اقل من خطوط النحاس وقريبا مدينه ابوظبي راح تكون اول مدينه في العالم مع بنيه تحتيه كامله بالفايبر (المشروع تكلفته 5 مليار )

   الفايبر سرعته 1.25 جيجا وحط في بالك انه لا يتأثر بالمسافه …(المسافه القصوى 20 كيلو) ولا يحتاج مقويات اشاره ولا اي جهاز للطاقه بينك وبين اتصالات …(نسيت اقولك الشامل مسافته القصوى اقل من 4 كيلو )

   وفوق هذا خط واحد من الفايبر يقدر يوصل اجهزه التلفزيون في بيتك بقنوات عاليه الوضوح HD (اكثر من تلفزيون واحد) ويعطيك انترنت سريع يصل الى 100 ميغا (10% من قوته الافتراضيه) و فوق التلفزيون و الانترنت يعطيك خدمه الهاتف العاديه وهذا سبب تسميه الخدمه Triple Play

   المسأله هي مسأله وقت لا اكثر … لان خطوط النحاس راح يتم التخلص منها بالكامل وراح يتم التحول الى الفايبر وتأكد انك بتحصل خط فايبر قريبا جدا وقبل سنه 2011 !

   اكيد في ناس الحين مستغربه ليش اتصالات وضعت ليمت على التحميل بسعه 100 جيجا فقط !

   السبب هو ان كل خط فايبر واحد وسرعته 1.25 جيجا يتم تقسيمه الى 32 خط بأستخدام جهاز اسمه سبليتر … هذا يعني انك مشارك مع البيوت الي جنبك في الخط لاكنك ما تحس ابدا بشي … و 32 منزل وكل واحد مشترك 30 ميجا يعني 960 ميغا واغلب الاحيان لا يشترك الجميع بالباقه الاعلى …. اذا الجميع مشغل التورنت وينزل بالسرعه القصوى 24 ساعه الى اخر الشهر اكيد بتتأثر الخدمه … وان شاء الله تكون وصلت المعلومه !

   تحياتي للجميع
   (تم ارسال هذا الرد من خلال خط فاير من شركه دو )

2. السلام عليكم

   لا يا خوي أنا مستعدأدفع 300 درهم على الشامل بسرعة 2 أم ولا أشترك في خدمة elife … ما قريتو عن العرض صح
   خدمة elife زينه بس إنتبهو مكتوب unlimite** ونجمتين عدالها ومعناها تحت بتحصولنه أن لك بس 100 جي بايت تنزل
   وبالمعنى الأصح إتصالات تعطيك فراري بس تقولك خذها بشرط أنك أسوق بس 20 ك/ س هذا الفرق بين الشامل والإي لايف
   يعني الشامل مثل سيارة كرولا بس أسوق عليها إنشاء الله 180 ماشي مشكلة بس الفراري ما أسوق فيها إلا 20 ك

   تحياتي

   يا سلام عليك ياخوي

   نفس الخدعه في خدمة البلاك بيري في دو ..

   يعني يقولون لك unlimite** بس عقب يكتبون تحت ان عندك 10 جيجا بس ..

   الله المستعان

3. اخوي اذا الفايبر واصل بيتكم
   روح اشترك 8 ام ب 299 للشهر ويعطونك خط ثابت ببلاش + 20 دقيقة تحدث بلاش كل شهر واذا عديت ال 20 دقيقة تنحسب التكلفة العادية

   الان الاتصالات ارخص من دو

4. والقهر بعض الاوقات يكون خلل في الانترنت من الاتصالات وكيبلاتهم وانت نفس الشي تدفع نفس الاشتراك شهريا

   والقهر ان بعض الاوقات تحس ان الانتر نت عندك مال اول دايل اب وبعد تدفع نفس قيمة الاشتراك شهريا

   والقهر والقهر والقهر مافي اي فايده غير للعيادة والصيدليه (( ضغط مرتفع )) بس

   عيش حياتك وشوف دعياهم في مصر كيف يوفرن كل الخدمات وابلاش ونحن حتى اذا بتلغي لازم تدفع .. لووول

5. مادام مافي شركات داخل السوق بيتم الاحتكار

Comments are closed.