شدتني بعض المواضيع عن عدم التزام وكالات السيارات بالمواعيد او الخدمة
في طريقة سهلة لاكن فعاله
الاولى عن طريق وزارة الاقتصاد لانة المسؤل الاول عن الوكالات وعن العروض وحتى عن شركات التامين وكل الوكالات
والطريقة الثانية الي انا اتبعتها
كانت عندي سيارة و اخترب عندي القير و الضمان كان منتهي بس السيارة كانت مش ماشية وايد
رحت للوكاله و قالولي ادفع 35000 علشان القير
قمت رسلت رساله للمصنع و بكلشي و بحالة السيارة و التشييكات
بعد يومين ياني ايميل من المصنع و وافقو انهم ايبدلون القير مجانا و بعد كلمو الوكاله وتم تبديل القير بدون ما اتحمل ولا درهم معنه الضمان كان امخلص
بعدين كلكم اتعرفون شو صار في وكالة العتيبة لما سحبو منه الوكاله لانة كانت خدمتة سيئه
الطريقة انه اي واحد حس انة الوكاله ابخستة يرسل ايميل للمصنع ويكتب فية كل شي او بيانت السياة بالكامل
اذا كل الاشخاص الي كاتبين في المنتدى عن لفطيم او عن غيرة اتبع هاذا الاسلوب صدقوني بتحصلون الخدمة اتغيرة 180 درجة
بس الموظوع يبالة 5 دقايق تدخل الموقع الرسمي مال الشركة طبعنا مش مال الوكاله و بتحصلونة حتى لو عن طريق الجوجل بدل المذلة او بدل اللعوزة او بتشوفون الوكاله ابروحها تتصل فيكم و تتاسف منكم
خلونا شوي نتفاعل ولا كل واحد ايحط ايدة على خدة او يشكي
هاذا من حقكم او بس من المقصة علينا
والله ايوفق الجميع
والسموحة
هلا اخوي .. والله فكره
بس والله انا بهدلوني وكالة البي ام .. ماخذ سياره من 2004 .. من ما اشتريتها و البريك يطلع صوت .. و كل مره اخبرهم ولا يسوون شىء .. اقولهم بدلوه يقولون ما يحتاج .. اقولهم ليش يسوي صوت ؟ يقولون ما اعرف شو من الماي و التراب والخرابيط .. قالولي يباله تنظيف وسرت دفعت 400 درهم تنظيف .. و رد الصوت .. واستسلمت للأمر الواقع .!!! ولا قبل اسبوعين بدلولي البريك .. اول يومين اوكي .. عقبه يطلع صوت اكثر عن السفايف القبليه .!!!! والله طفرت من ما اسير عندهم و يوقفون سيارتي .. يعني يبالي استأجر سياره اسبوعين و اخلي موتري عندهم .. !!
ما عرفت الحل !!
كلامك صحيح اخويه .. وانا اوافقك الرأي ..
بس لو تتوفر ايميلات الشركات او الارقام ..
وبعدين ممكن الشركة التي كلمتهم تجاوبوا معاك .. يمكن غيرهم ما يتجاوب !!
وعساك على القوة
أتمنى لو شخص فيكم يحط عنوان وايميلات الشركات ..تيويوتا ولكزس وغيرها من الشركات ..
هالشي بيسهل على الزباين يتخاطبون ويا الشركات بشكل مباشر في حال التقصير من قبل الوكيل..
بخبرك سوالف
مره واحد من الربع يبا يشتري الزجاج الخلفي لجمس سوبر بان راح وكالة بن حموده حصلها 3500 درهم مع أنتظار شهرين
فكان واحد من الربع بالصدفه في السعوديه وأتصلبه وقاله هاتها لي من الوكاله تعرف بكم 600 درهم شوف الفرق من الوكاله
بن حموده ألي في العين معتمد أعتماد كلي على سياير الشرطه وأسوأ ناس تشتغل فيه كله كذب في كذب وأسعار نار شوف الوطنيه ولا ليبرتي كيف فرق أحسن بوايد
خذ السالفه الثانيه
أخوي ماخذ أودي ماعليها ضمان على أساس يبى يبيعها
حصله عطل تمت تقطع عند الدواوير فرااح الوكاله علي و أولاده في العين
قالوله عندك قطعه في القير يبالها تبديل
قيمتهااا 15000 ولا بعد طلب من ألمانيا
فأخوي أجل الموضوع وجرب وكالة النابوده
باتت ليله وحده عندهم وأتصلوبه قالوله خلصة
كم تتوقع خذو منه ؟؟
أقولك 250 درهم فقط
طلع القير أوكيه بس بدلوله فلتر بترول
في هذي الحاله شووه أتسوي لو أخوي بدل القطعه 15000 ولا تصلحة شووه بيسون بعدين ؟؟
فيه مهندسين زباله عندنا في الوكالات هندي بررع يعرف أكثر عنهم
كلامك صحيح بس لازم هم يوفرون علينا بدون الأتصال بالشركات كل مره نشتكي لعوزه أشياء كبيره يمكن الواحد يشتكي بس أشياء صغيره أنته تتعايز بسبب الروتين أو الأنتظار بلا سياره
أنا معاك في ألي قلته