على واولاده و النابوده!!

19 thoughts on “على واولاده و النابوده!!”

1. السلام عليكم

   الله يعينكم يا اخواني و يعينا فياكم

   لكن نحن بدال ما نرمس هنيه المصنع ما درابنا ولا درا بمشاكلنا .. اضني احسن انه نوجه هذا الكلام حق المصنع و عن المشاكل الي نواجها من اسعار و معامله و سيرفس .. يمكن نقدر نغير شي او نوصل حق المصنع رساله او صوره عن الي حاصل عندنا في الدوله بشكل عام و اسمحولي مجرد مداخله لكن انا ما ارضى ولا اضني حد يرضى بالي يصير فينا و يستغلونا من كل جهه صحيح هم لازم يستفيدون لكن هب يفسقون علينا نحن من اسعار و معامله

   والله كريم

2. الله يعينكم والله … الصراحة انا من عشاق الاودي…
   بس يوم اني سمعت اسعار الخدمة غالية عندهم و المذله من صوب… قلت خلني على الياباني … ابرك لي…. ولا اذل عمري….

3. حتى لو متاخر — صراحه اتعس وكالة وانا عن نفسي عانيت معاهم يوم اشتريت باسات وافتكيت منها وبعتها لانه تصدقون حتى شركة التامين رفضت تبيملي مره ثانيه بسبب غلاء السعر- يعني انا انكسرت الجامه الاماميه يوم يينا على التصليح سعر الجامه 800 درهم شغل ايدهم 1500 درهم وهذا كله مكتوب في الفاتور وغير الخدمه التعيسه والتعامل التعبان

4. توني كاتب هذي المشكله في موضوع ثاني بس بعيدها لك

   أخوي ماخذ أودي بدون ضمان

   صارت أتقطع السياره بعض المرات على الدواوير

   رحنا وكالة علي وأولاده

   قالو مشكله في القير وقيمتها 15000 وبعد شهر من ألمانيا

   فما أستعجلنا وأجلنا السالفه
   قال بجرب النابوده

   راح النابوده وعطاهم السياره
   باتت السياره ليله وحده عندهم
   وصلحو العطل 250 درهم طلع فلتر بترول

   وأحنا كنا نقول لعلي وأولاده يمكن تكون مشكلة بترول قالو لا مشكلة في قير

   عشان نحل هذي المشاكل مثل الأسعا و سؤ المعامله

   لازم تكون هناك منافسه

5. طال عمرك في امريكا كل مدينه فيها اكثر من وكيل وكل واحد ينافس الثاني على تقديم افضل سعر وخدمه للعميل مع انه عليهم ضرايب تاكل نص ارباحهم
   وفي دارك احتكار من الدرجه الاولى وفوق هذا لا ضرايب ولا رسوم ولا يحزنون بل بالعكس تسهيلات للتجار من الحكومه مب طبيعيه وشوووف النصب على خلق الله >>> يرفع لك سعر السياره دبل والغم مواصفات نص اللي في امريكا
   حسبي الله عليهم

Comments are closed.