رجاءا ابغي اعرف شوه من العيادات المتخصصة في عمليات الليزك لأني ابغي اسوي عملية و مش عارف وين اسويها الصراحه…
وياريت تفيدوني بعيادات مضمونه و مجربه… ابغي النظر يرجع 100% بإذن الله
ما ابغي عيادات اي كلام والتكاليف مش مشكله عندي….
سنيــــــاري :hhhkkk:
26 thoughts on “عمليات الليزك لتعديل النظر”
Comments are closed.
أخوي انا انصحك تسويها في الاردن الطب ممتاز عندهم انا سويتها من سنتين ولحد الحين ماشاء الله 6|6 وما تكلف الكثير الحين تكلف حوالي 3000 درهم وأنا سمعت انهم الحين عندهم جهاز احدث من اليزك
والله يوفقك
انا سويتها في المغربي في دبي من سنه عند دكتور هشام ب تقريبا 10000 درهم و الفحص ب 550
طبعا قبل لا تسوي العمليه استخير عن المكان
ثانيا لازم يكون نظرك ثابت و الا ماشي فايده…لان لو ينزل بيرد ينزل عقب العمليه و جنك ما سويت شغل
ثالثا و هاي عقب العمليه…قطرات اشكال و انواع كل كمن ساعه…لالالالالالالا تهملهم و لا تفكر تأخرهم لو خمس دقايق…وايد ناس يستهينون في هالموضوع..و يقولون خلاص نشوف واضح و نفاد ينفد القطره.. و في النهايه عينهم اتم جافه طول عمرهم و قطرة العين دوم شالينها وياهم
العمليه بسيطه و ما تاخذ الا دقايق معدوده و ترد البيت ترقد…و تنش بخير و لا جنه شي مستوي…انا نفس يوم العمليه فليل سرت اتحووط اجرب عيوني اليديده << فرحانه بعد
و بالتوفيق
مرحبا
عليك بالمستشفى المغربي في بوظبي
اخوي سوا عملية هناك
ونظره الحين 6/6
:eetgjh:
تبى نصيحتي ..
لاحد يقص عليك ويقولك سوها في مستشفى .. العسكري ..
توقع بؤبؤة عينك بتروح فيها :064:
انا يالغالي سالفتي سالفه ..
انا نظري مييييييييييييييح
الله يسامح الي دهن سيري وخلاني اقتنع ان اسوي العمليه بهالمستشفى
تم يزن على راسي العمليه ببلاش احمد ربك هاي فرصه سوها مابتندم ببلاش ببلاش ببلاش .. عاد انا اسمع ببلاش اتشجع اكثر وتم يزن علي لين ماقتنعت وتوكلت على الله ..
طبعا عقب الفحوصات وعقب المراجعات يه يوم العمليه
الدكتور الي بيسوي العمليه باكستاني ..
وانا راقد على السرير .. واتامل بويه الدكتور ..شفته لابسه نظاره ..
قلت له :دكتور
قالي :نعم
قلت له : ليش انته لابس نظاره وماسوي العمليه
ابتسم وقال : انا مرتاح بالنظاره
قال: انته الحين اي عين تبانا نبدا يها .
قلتله : انا ابى اسوي عين وحده بس اليمين ( عشان اضمن عيني الثانيه تكون صاحيه )
قالي ماتبى العينين قلتله لا .. قالي على راحتك
الله وكيلك سويت العمليه ..
تخيل 4 شهور عيوني تغرغر ..الدموع ماتوقف 12 قطره عاطيني وكلهن مامنهن فايده
النظاره الشمسيه صبح وليل على ويهي ..لان عيني ماكانت تتحمل اي ضوء
حمد ربي اني سويت عين وحده
مابقولك ماتعدلت .. هي الحين زينه بس مب 6/6
اما اليسار البس عدسه فيها ..
مترقع .. عين عدسه وعين اونه اونه اونه ليزر
انا انصحك مثل مانصحك المقاول 44
في بانكوك عملياتهم مضمونه ومريحه .. ومابتكلفك غير 3 الالف درهم ..
اعرف وايدين وقريبين مني سووها هناك وهم والخير ارباعه .
ومايمنع انك تمر واتشوف العياده الي ذكرتها اختنا سيما ..
صدق ذكرتني .. الحمد الله على السلامه ياسيما .. ان شاء الله النظر 6/6 الحين .:)
واتمنى لك التوفيق يالطيب
انا سويت العملية ف عيادة الشفا بعد من شهرين.. صراااحة؟ الدكتور ممتاز..و أعرف وايد ناس مسويين عنده.. و يمدحونه..! أنصح كل من يبا يسوي هالعملية.. يدخل بقلب جامد عند هالدكتور.. بس قبل كل شي.. الاستخاااااااااااااااااااااارة..!