عمليات الليزك لتعديل النظر

26 thoughts on “عمليات الليزك لتعديل النظر”

1. يا مرحبا مليووووووووون
   اتمنى اتكون بخير ان شاء الله
   مجرد نصيحة:
   لا اتسوي هالنوع من الجراحه في الصيف ويفضل اتسويها في الشتاء
   اذا نظرك جدا ضعيف يفضل ما اتسويها في البلاد ولا اف بانكوك ( لانهم هب فالحين في العيووون)
   ويفضل تنتظر لان جراحة الليزك استوت قديمة وحاليا في جراحه اقوى منها واعتقد العضوة الاماراتيه اتعرف عنها
   وعلى فكره اذا سويت جراحة الليزك لا تتوقع ان طول العمر راح يتم نظرك ثاقب ، اتوقع ان بعد 3 سنوات راح يرجع نظرك يضعف
   سوها في الاردن ، ايران، البحرين، امريكا ..

   نصيحه بانكوك لااااااااااااااااااااااااا عندنا وايد ناس سوهاا اف بانكوك وما نجحت
   والسموحه

   http://64.246.56.223/vb/showthread.php?t=55109

2. السلام عليكم
   سلمك الله انا اوؤيد كلام الاخ نوط ينطح نوط اتوكل على الله وسير افحص عندهم الاستشاره مجانيه ولو ماقتنعت انت مب خسران ولا فلس:^22:

3. مشكورين على الردود… كفيتوا و وفيتوا…

   بس تبون الصراحه أنا لما سألتكم ماكنت ادري وين اسوي العملية… بس ألحين محتار وين أسويها

   بس انا بديت افكر في بانكوك… قلت بالمرة اسوي عملية ليزك و فحص كامل و سياحه :wegr4:

   يعني اضرب ثلاث عصافير بحجر…. شو رايكم :efsf7:

   سنيـــــــــــاري

4. انا سويت في امريكا و الحمدلله من 2001 و نظر 6 على 6 و ما انصحك تسوي في البلاد لان عدد الي تبهدلو عند المغربي و غيره كبير..

   سمعت في الهند و ايران افضل من البلاد….

5. تبى نصيحتي ..

   لاحد يقص عليك ويقولك سوها في مستشفى .. العسكري ..
   توقع بؤبؤة عينك بتروح فيها :064:

   انا يالغالي سالفتي سالفه ..
   انا نظري مييييييييييييييح
   الله يسامح الي دهن سيري وخلاني اقتنع ان اسوي العمليه بهالمستشفى
   تم يزن على راسي العمليه ببلاش احمد ربك هاي فرصه سوها مابتندم ببلاش ببلاش ببلاش .. عاد انا اسمع ببلاش اتشجع اكثر وتم يزن علي لين ماقتنعت وتوكلت على الله ..

   طبعا عقب الفحوصات وعقب المراجعات يه يوم العمليه
   الدكتور الي بيسوي العمليه باكستاني ..
   وانا راقد على السرير .. واتامل بويه الدكتور ..شفته لابسه نظاره ..
   قلت له :دكتور
   قالي :نعم
   قلت له : ليش انته لابس نظاره وماسوي العمليه
   ابتسم وقال : انا مرتاح بالنظاره
   قال: انته الحين اي عين تبانا نبدا يها .
   قلتله : انا ابى اسوي عين وحده بس اليمين ( عشان اضمن عيني الثانيه تكون صاحيه )
   قالي ماتبى العينين قلتله لا .. قالي على راحتك
   الله وكيلك سويت العمليه ..
   تخيل 4 شهور عيوني تغرغر ..الدموع ماتوقف 12 قطره عاطيني وكلهن مامنهن فايده
   النظاره الشمسيه صبح وليل على ويهي ..لان عيني ماكانت تتحمل اي ضوء

   حمد ربي اني سويت عين وحده
   مابقولك ماتعدلت .. هي الحين زينه بس مب 6/6
   اما اليسار البس عدسه فيها ..
   مترقع .. عين عدسه وعين اونه اونه اونه ليزر

   انا انصحك مثل مانصحك المقاول 44
   في بانكوك عملياتهم مضمونه ومريحه .. ومابتكلفك غير 3 الالف درهم ..
   اعرف وايدين وقريبين مني سووها هناك وهم والخير ارباعه .

   ومايمنع انك تمر واتشوف العياده الي ذكرتها اختنا سيما ..
   صدق ذكرتني .. الحمد الله على السلامه ياسيما .. ان شاء الله النظر 6/6 الحين .:)
   واتمنى لك التوفيق يالطيب

   ألله يشفيك
   أنا مثلك بس بمرض ثاني
   يوم تفحص عنهم يقولولك كلشي سليم
   ويوم رحت بانكوك قالولي إنت ماتفحص تر فيك كذا وكذا
   والدكتور مستغرب من مستشفياتنا وتقاريرهم الحلوة
   صدقني يجربون علينا

Comments are closed.