السلام عليكم
بغيت اعرف هل يوجد بنك في الامارات يسوي عملية التورق مثل البنوك في السعودية
لاني سالت المشايخ واهل العلم في الامارات ومركز الفتوى في الامارات وقالوا ان هذه العملية حلال
لان البنك ياخذ او يشتري سلعة مثل الحديد او الارز باسمي ثم يقوم هو بالبيع ويعطيني الكاش
وانا لا اريد ان اخذ سلفة من البنوك الربوية
اذا اي واحد من الاخوان عنده اي معلومة بهذا الخصوص ارجو ان لايبخل بالمشاركة
ولكم جزيل الشكر
اعتقد مافي
قارن بين البنوك الإسلامية
ونسبها وعند تأجيل القسط كم الرسوم
بس نصيحة
خذ تمويل أسهم من مصرف أبوظبي الإسلامي
أفضل بنك صراحة
وبالله التوفيق
ولا تنسى صلاة الاستخارة
مصرف ابوظبي الإسلامي
اللي يعطون كاش بنظام التورق عندك مصرف دبي وبنك النور
مصرف ابوظبي الاسلامي يسمون العملية مرابحة اسهم يشترون لك أسهم وانت تبيعها وتاخذ فلوسها
اما بنك دبي الاسلامي ومصرف الهلال فما يعطوك كاش لكن لو تريدهم يمولون لك شي مثل قاعة عرس فتعطيهم كوتيشن وهم يتفاهمون مع الجهة ، يعني مايعطوك كاش في إيدك ..
في النهاية خلك بعيد من القرووووض
اذا ذاكرتي ما خانـتـني كل البنوك الاسلاميه في الدوله تتبع نظام التورق مثلاً للقروض الشخصيه ، المرابحه مثلاً لتمويل السيارات ، والمضاربه مثلاً للحصول على الارباح من الودائع عشان تخلي المعاملات اسلاميه،،