عملية الليزر للعيون بدون الم في دقيقتين ( اسوأ تجارب حياتي)اللي تلوع جبودهم لا يدخلون

مرحبا صبايا و شباب..صبحكم الله بالنوووور و السرووور

طبعا اغلبكم تعرفوون اني سويت ليزر لعيوني من كم سنه في المركز المغربي و العمليه ناجحه 100% الحمدلله

بس بخبركم عن العمليه اللي استوت قبل ..اسوأ موقف مريت فيه في حيااااااااااتي العلميه و العمليه لوول

اللي تلوع جبده لا يقراااااااااااااا..يدق باك و يظهر بليز

الموهيم نظري بدا يضعف و انا في اعدادي و بديت البس نظاره << الوحيده في العائله مادري شو مشكلتي

الموهيم على هاييج الايام و انا مراهقه …ماشي ليزر ما ليزر و خرابيط

الوالده الكريمه الله يطول بعمرها خبروها عن مطوع باكستاني يزور الامارات في هاييج الايام و مقيم في قصر احد كبار الشخصيات …و يدتي الله يطول بعمرها و يخليها لنا خبرت امي ان المطوع قرا عليها و كف عليها و على عيونها و تمت تشوف عدل << على قولتها رمسة عيايز ..و عند العيايز كل شي يايز

و جان امي تركبني السياره و نسير نشاوح عند المطوع المعجزه ..و كان المطوع يالس في ملحق.. و يوم دشينا يمييييييييييع الحريم ميلساااااااااااااات و بالدور و حاله ..و نتريا دورنا كمن ساااااااااااعه في صدعة الحريم << قر قر قر قر قر

قلنا على هالزحمه و الدووور و العفسه بيظهر هذا هو المسكت

الموهيم يا دورنا …و دخلنا على المطوع المعجزه ..و حاطله مترجم و حاله و مسوي حق عمره كبرت بخت …و هو يالس على كرسي …قالولها هالبنيه ما تشوف عدل << يعني انا …و يلسوني على ركبي تحت و هو على الكرسي مجابلني …و قال خلاص انا بعالجها و بتستوي ميه ميه و لا فراخ القمعيه << بالباكستاني قال لووول

و يقرا قران و يقولي طاعيني و انا مبحلقه فيه << شكلي كان وايد كيووت موول مالي داعي ..و شوي و الا تيني قذيفه صاروخيه في عيني !! انصرعت كنت بهجم عليه اصفعه ..انت تتفل عليه …و تنقز امي من بعيد و تي تزخني و تقول طاعييييييييييييه ..و انا مابااااااااااااااااااااااااا….و اطالعه و يعطيني من هالقذايف الخايسه و الله بمووووووت << اكتب القصه و اهاوع خخخخخخ

الموهيم خلص الحبيب من القرايه و التتفيل في عيني …و انا بزووووووع ابا امسح ويهي ..و امي ما تخليني و ريحة التفاااااااااااااااااال على ويهي <<اهاوع صدق الحين ترا هههههههههههه

لا و بقايا اكل بعد مب بس تفال ..و ابا امث ويهي و امي ما تخليني و انا اتهاوع من الارف …ركبوني السياره و يلست اناعر و حالتي تعيسه ..و عقب خذت الكلينكس بكل مذله و يلست امثث ويهي و امي مب طاااااااااايعه << صدقوني لو اوصف من اليوم لين باجر محد بيتخيل حالتي المأساويه في تلك الساعه

المووووهيم تتوقعون نفعت العمليه !!

لا طبعا …حسبي الله عليه من مطوع فاشل …تأثرت نفسيتي و حالتي استوت ارف و نظري شرات ما هووو

و هاللي يسمع رمسة العيايز ..و يصدق هالخرابيط الفاشله

الموهيم اللي يبا رقم المطوع عشان يسوي العمليه يراسلني على الخاص << خخخخخخ اتمصخر المطوع روحه على هاييج الايام كان شيبه ما يندرابه جان ما مات و انتهى امره << جنه عاد صدق حد يبا رقمه عقب الارف اللي سواه فيه هههههههههههههههههههههه