بسم الله الرحمن الرحيم
السلام عليكم ورحمة الله وبركاته
اشحالكم اخواني واخواتي
عساكم مرتاحين
حبيت أستفسر لأني لي ألحين ما أعرف هل الاجابة اللي حصلت عليها صح او خطأ
سمعت من بعض الأعضاء بارك الله فيهم أن عملية ربط المعدة تكون مجانية لمن يحمل بطاقة ثقة ضمان
خذت اجازة من الدوام على اساس اني هذا الاسبوع أسير بوظبي مستشفى النور عند الدكتور الطائي
وللأسف زهبت الدوا قبل الفلعة
عقب ما خذت الاجازة وانا فرحان وكل ما اشوف حد اقوله تراني بسوي عملية ربط المعدة ببلاش 
اتصلت في شركة ضمان واسألهم
قالوا بس تتعالج في مستشفيات حكومية يعني مب مستشفى النور
الحين ابا اسأل
هل هذي المعلومة صح ؟
واذا صح وين أحسن مستشفى حكومي في بوظبي يسووون العملية ؟
وكيف الأعضاء يقولون بلاش ؟
يمكن اقدر افيدك بشي
بس شوووف ياخوي
انا اخويه عمره 15 سنه ووزنه 150 وكان طوله 177
الي يحصل ان الدكتور يظهر كتلة الجسم اذا كانت فوووق ال 40 يطرش تقرير لثقه ويسون له
انا اخوي سوو له ع حساب ثقه مجانا ولا دفعنا ولا درهم عند الدكتور عبدالسلام في مستشفى النور واذا تبغي اي استفسار راسلني ع الخاص وحاظر ومن عيوني ياطويل العمر
توضيح
بطاقة ثقة هي برنامج من شركة ضمان تتعالج ببلاش في الحكومي والخاص
بطاقة ضمان بالبرامج المعززه هي بطاقه تكون بالالوان التاليه ( اخضر ، ازرق ، سلفر ، ازرق غامق ) وهي تغطي الحكومي والخاص وطبعا مب كل شي مجاني
بالنسبه لسؤالك اذا كنت تجميليه .. فما تغطيها
اتصل على ثقه نفسهم ولا تتصل على ضمان لان موظفين ضمان مالهم خبره كبيره بالبرنامج الخاص بالمواطنين و من بحكمهم ( ثقه )
كيف يعني ربط معدة ؟
إذا تجميليه ترى مايصير
اخوى سير العين مستشفى توام اهلى سواوها هناك و الحين الحمدلله
سمعت من بعض الأعضاء بارك الله فيهم أن عملية ربط المعدة تكون مجانية لمن يحمل بطاقة ثقة ضمان
اخوي .. مافي شي اشمه بطاقة ثقه ضمان
بطاقه ثقه تختلف عن بطاقة ضمان
بطاقة ضمان .. للعلاج في المستشفيات الحكوميه على مستوى الدولة
بطاقة ثقه .. لمواطنين امارة ابوظبي ومن في حكمهم للعلاج في المستشفيات الحكوميه و الخاصه
__________________