عندك شاحنه وما عندك وقت التابعها وتوفر لها عمل تفضل

27 thoughts on “عندك شاحنه وما عندك وقت التابعها وتوفر لها عمل تفضل”

1. هلا بن ظبيان

   كلامك كله صحيح ومعروف من قبل الناس اللي تشتغل في نفس المجال والله ايعين على اللي ياي في الدرب من قوانين ترهق قطاع النقل في الامارات بالاخص من ارتفاع لسعر الديزل بغير مبرر فرض رسوم الطريق بمبالغ مبالغ بها فترات المنع الطويله وفترات الانتظار الاطول على محطات الديزل التي تصل في بعض الاحيان الو 10 ساعات بدون مبالغه عند نفاذ الديزل من المحطه والانتظار لحين وصول الامدادات وهناك الكثير من الصعاب .
   لكن اللي عنده شو يسوي والصعوبات في كل شغله واذا استوى تحديد الوزن الاسعار بتتغير اتماتيكي والله يعين قطاع البناء لانه اول من بيتضرر وبترتفع الاسعار بشكل مخيف .
   لو تقرا ردي رقم 19 وظحت الن عرضي للي عنده اوردي ومبتلش بوحده والدريول ماخذ راحته والى الشغل مب متوفر عنده واللي يتصل يقول ابا اشتري اوضحله المشاكل والصعوبات اعرف واحد عنده شاحنه 2008 من ثلاث اشهور واقفه ما امحصل له سائق مثال بسيط قاعد يدفع الاقصاط والشاحنه واقفه .
   بالتوفيق للجميع .

2. السلام عليكم ورحمة الله وبركاته
   اخي العزيز صاحب الموضوع واخواني اعضاء المنتدى الكرام حياكم الله ومرحبة بكم
   شركات النقليات وما ادراك ما النقليات
   معلومة منتشرة بين اغلب الناس وحسب معتقداتهم انه النقليات سيارة او معدة تستأجرها منك شركة وتسلمك مبلغ معين من المال لكن من تعمق بهذا المجال يكتشف انة من اصعب المجالات واكثرها تعقيدا
   لذلك اخواني بالله انصحكم بدراسة الموضوع من جميع النواحي لانة بصراحة مب اي واحد يقدر يصمد ويتحمل اتحدى اي شركة نقليات بدولة الامارات العربية المتحدة سواء كانت شركة كبيرة او صغير انها تضمن لك دراسة جدوى لهذا المشروع وتكون فية الدراسة دقيقة 100% وضع النقليات متقلب ومتغير وكل يوم قانون وكل يوم تعليمات جديدة وكل امارة تشتغل على كيفها والديزل طالع نازل وزحمة بالتحميل وزحمة بالتنزيل او ماشي مواد او ماشي سائق والتواير كل يوم بأرتفاع والحمولة زايدة والمخالفات ما شاء الله والنقاط السوداء من صوب يعني بالعربي النقليات ما اضمنها يوم واحد لين قدام والضربة القويه يوم بيتطبق قانون الاوزان المحورية ومن عام 1989 لين الحين وهو في تأجيل ليش الشاطر يفهمها ………
   ارجوا من صاحب الموضوع والاخوان لا يفهموني غلط انا ما اريد غير النصح وبس …..
   وأي واحد عندة استفسار انا جاهز وهذا رقمي 0504913135

3. شو العقود الي عندك؟وكم مدته؟
   وعلى كم الطن؟
   وما هو الخط للشاحنه يعني من وين بتحمل ووين بتودي؟
   هل ينفع تستأجر الشاحنه؟ وكل شي عليك يعني تعطيني الصافي فقط

4. uupppppppp

5. السلام عليكم
   بالنسبه للشباب اللي التصلو على ويدورون شاحنات بيشتروهن .
   في عرض وكالة احدى الشاحنات موديل 2008 يبون 50000 دفعه اولى وشهريا 20000 لسنتين

   بيبقا عليك الصندوق جديد بحدود 170 الف ماموث او اطلس او جوركا .
   انا شخصيا ان شاء الله باخذ ثنتين .
   اللي شجعني لي صاحب ماخذ منهن 5 حبات بنفس الطريقه من دخلهن اتسدد وخلال سنتين صفن لك .
   اللي ايشوف في نفسه الجديه يتواصل معاي وبعطيه المعلومات كامله .
   بس الواحد يستند لثلاث اشهور يقدر يدفع 20000 شهريا لو سمح الله السياره اتاخرت في الشغل بسبب عدم توفر السائق او اي سبب اخر وبعدين ان شاء الله بتسد من دخاها وبتصفي المقسوم بعد .
   بالتوفيق

Comments are closed.