عندك مشروع خسران او ماعرفت تسوقه+جائزه 50 الف درهم للتميز التجاري

249 thoughts on “عندك مشروع خسران او ماعرفت تسوقه+جائزه 50 الف درهم للتميز التجاري”

1. [quote=نايف;1119497]
   فانا افترح الحين ان انتي تتوجهين لجهات محدده مثل محلات الماركات العالميه ومراكز تجهيز المؤتمرات ووكالات السيارات والبنوك والمسارح واكثر الاماكن اللي يتعاملون فيها موظفينهم مع الجمهور..

   طبعا طريقة التوجه لهم بتكون بالفاكسات وبالايملات لكن شنو بتكتبينهم لهم وشو بتقولين لهم هذا يعتمد عليج واحنا ان شالله بنساعدج في الطريقه اكثر

   بصراحه مافهم هالنقطه…ممكن توظحها شوي اكثر؟؟يعني شو العلاقه بين الصالون والهشي؟؟كيف اقدر استفيد منهم؟؟

2. انزين اختي ام شيخه للحين كل شي تمام وانتي تقريبا قطعتي نص الطريج وخلينا نحدد نقط سريعه

   الايجابيات:1- بداية بالشغل الخارجي 2-مستوى تقديم الخدمه ممتاز 3-وجود زباين ثابتين
   السلبيات: 1-موقع المحل البعيد 2-الاعلان ضعيف

   اوكي يعني الحين عندنا الايجابيات اكثر يعني نقدر نستمر وفي نجاح قريب ان شالله صح 🙂

   ونحتاج الحين ان نحول النقطتين السلبيتين الى ايجابيتين وتقريبا في نقطه خلصنا منها وهي الموقع البعيد لان صار في شغل للمحل باقي عندنا شي واحد وهو الدعايه والاعلان

   وطبعا الدعايه والاعلان لمشروع عادي ماراح يكون ناجح بقوه بحكم ان الكثير من المحلات تقدم نفس خدماتج فتحتاجين شي ثاني اضافي يدل على تميزج وفي نفس الوقت الناس يعرفون مستوى شغلج

   انزين الحين فكري معاي ام شيخه شنو نقدر نسوي انا بقترح بدايه كم شغله وانتي حاولي تكملينهم اوكي لان طبعا الموضوع لازم الكل يستفيد منه بطريقه ان يفكر هو نفسه وباقي الاعضاء بحلول مش انا اللي اقدم الحلول لكن بعطيج البدايه وان شالله خطوه خطوه نكملهم

   فانا افترح الحين ان انتي تتوجهين لجهات محدده مثل محلات الماركات العالميه ومراكز تجهيز المؤتمرات ووكالات السيارات والبنوك والمسارح واكثر الاماكن اللي يتعاملون فيها موظفينهم مع الجمهور..

   طبعا طريقة التوجه لهم بتكون بالفاكسات وبالايملات لكن شنو بتكتبينهم لهم وشو بتقولين لهم هذا يعتمد عليج واحنا ان شالله بنساعدج في الطريقه اكثر

   وبعدها يبدا الاعلان بالجرايد وغيرهم من وسائل مقروئه

   ولازم تعرفين شنو اللي بتقدمينه لهم وشلون تخلينهم يتعاقدون معاج

   وطبعا هذا كله مابيكلفج وايد بس لازم تعرفين شبتسوين وبانتظار مشاركة كل شخص عنده صالون او عنده خبره بالدعايه والاعلان والتسويق عشان الكل يستفيد من الموضوع اللي بنتكلم فيه

3. انا هذا اللي احاول اسويه يا اخ نايف اني اعتمد على الشغل الخارجي اكثر من الشغل في الصالون…..لكن عندي مشكله اساسيه بعد وهي الدعايه…….ماعرف كيف اسوي دعايه…بالرغم من انه شغل العاملات الحمدالله وايد اوكي ومعظم اللي تعامل معانا مدح في شغلنا وصاروا من زباين الصالون……اما بالنسبه لتغير موقع الصالون فهالشي صعب اولا لان مافي شواغر ثانيه وثانيا لاني المبلغ اللي كنت املكه حطيته فالصالون وخلص يعني مثل ماتقول خلاص مافي راس مال ابدا حاليا….يعني الاشياء اللي انا احتاجها….هي محاوله تعديل وضع الصالون بدون الحاجه لراس مال او عالاقل يكون شي بسيط اذا كان لابد…….

4. عليكم السلام ام شيخه

   طيب الله يسلمج نشوف هني ان عندنا نفس المشكله مثل ماقلتي معاج ومع الاخ مون

   لكن من معنى كلامج ان انتي للحين مش راضيه تعترفين بخساره المشروع وهذا شي حلو ان الواحد يحاول ويحاول بس المفروض انه مايحاول عكس التيار صح

   الزين في الموضوع ان عرفنا المشكله واذا عرف الداء عرف الدواء

   انزين طبعا انا نصحت مون باضافات على النشاط وبعطيج نفس النصيحه لكن معاج بما ان الصالون في منطقه نائيه وبنايه قديمه لازم بالبدايه نحل هالمشكله وفي طريقتين لحلها

   الحل الاول هو ان تغيرين المكان
   الحل الثاني ان يكون المكان عباره عن موقع لكن ماتستقبلين الخدمات فيه لكن يكون لانطلاق الخدمات منه

   مثل نشوف محلات الليموزين والتكاسي عمرنا مارحنا لهم اللي يصير ان نتصل لهم وهم اللي يوصلون لنا الخدمه

   يعني يكون شغل الصالون ان هو اللي يروح للناس مش الناس اللي يروحون له

   ونحتاج بهالحاله لشغلتين اول شي نضيف كم شغله على النشاط ونحاول ان نخصص في شي غير شغل الصالون الاعتيادي ومثل ماقلت تجهيز الناس للمناسابات الخاصه ومش شرط ان مناسبات مثل العرس واعياد الميلاد لكن في مناسبات ثانيه كثيره الناس تحتاج تجهيز خاص فيها حتى للسفر او الاجتماعات او التمثيل …. الخ

   احنا بالبدايه بنحاول نشوف لج وللاخ مون شي ثاني تتخصصون فيه ويساعدكم

   وعندنا بعد التسويق الوهمي اللي هو قبل لاتبدين بالمشروع نجس نبضه في السوق ونشوف مدى الحاجه له وطريقه تسويقه

   انزين يعني الحين بنبدا بجدوله من جديد للمشروع ونعتبر ان الصالون توه فاتح وننسى موضوع الخساير ونبدا على الامكانيات الموجوده حاليا

   وبخصوص الرواتب للعاملات بنغير فيهم بعد على حسب طلعاتهم وشغلهم يعني بيكون في راتب اساسي لكن بيكون راتب بسيط ونزيد عليه العموله لكل شغل يصير عموما الشرح يطول فاللي بنسويه الحين بنبدا خطوه خطوه عشان لايصير الشغل ثقيل او مش مرتب

   وبالتوفيق ان شالله اخوي مون واختي ام شيخه ولا انسى بعد بنحاول ان نسوي تعاون بينكم في حال تخصصنا في موضوع النشاط لكن قولي لي بالاول وين يصير صالونج …؟

5. السلام عليكم…..
   مشروعي الفاشل:صالون نسائي في العين
   اسباب الخساره:اعتقد وجوده في منطقه نائيه وارتفاع رواتب العاملات ويمكن بعد عمر البنايه اللي موجود فيها الصالون لانها وايد جديمه
   حاليا افكر اقفل لكن بعده عندي امل اني ممكن اغير الوضع
   مشكلتي ومشكلة الاخ مون تقريبا وحده ونتمنى نلاقي لها حلوووووووووووووووووول

Comments are closed.