السلام عليكم ورحمة الله
طبعا شفتوا الاعلان هالموضوع الله يسلمكم ينقسم لقسمين
الاول للمشاريع التجاريه
الثاني جائزة التميز التجاري 50 الف درهم
المهم نبدا
الله يسلمكم في الكثر من التجار المبتدئين يفتحون لهم مشاريع او محلات وفي النهايه اللي يحصل ان يخسر
مع ان يكون دارس المشروع صح ومضبطه وصارف عليه بس في النهايه ماينجح ويتعجب:kkww9:
او يكون المشروع في استراتيجه خطا واللي يوصل له في النهايه الخساره والديون ومايقدر ان يسكر المحل لان بيكون مديون فيتم في الخساره ومايدري شيسوي :uuutt:
المهم سمعوا الفكره الله يسلمكم ان كل واحد عنده مشروع وخسران او يمر بنفس الظروف نفتح له هالموضوع ان يعرض تجربته ويقول خسايره لوين وصلت :064:
وبعدها يقولون الاعضاء نصايحهم وشنو احسن طريقه واحسن حل ان المشروع ينجح فيه ويوقف مره ثانيه:efsf7:
طبعا بنستعمل اكثر من استراتجيه عشان يوقف المشروع
ومنها استراتيجة التسويق الوهمي
استراتيجيه اعادة التمويل بس مب يعني ان يجيني واحد يقول لي مشروع خسران وعطني مية الف وانا برجع المشروع احسن لا هالكلام مايصير لازم يقول مشروعه ووين مشكلته وشلون نعالجها خطوه بخطوه على مايحتاج المشروع
استراتيجيه اعادة الجدوله
انزين وعقبها الله يسلمكم يشتغل المشروع من جديد ويوقف مره ثانيه ان شالله
طبعا في جايزه وقدرها 50000 لكل مشروع يوقف مره ثانيه صح ويصحح اموره بعد مايطبق النصايح مع اعضاء المنتدى من خبراتهم ورؤيتهم ( حلوه رؤيتهم صح )
ولازم كل عضو كتب موضوعه ان يتعاون مع عضو ثاني سواء انا او اي شخص يشوف ان يقدر يتعاون مع الشخص عشان ينجح موضوعه يعني لازم تكون في متابعه لحظيه مباشره بين اكثر من عضو يعني اثنين ثلاثه خمسه مو مشكله اي عدد المهم ان يكون في تعاون لين ينجح المشروع مره ثانيه اووكي:hhhrr5:
المهم عقب ثلاثه شهور الى ست شهور بنشوف اكثر مشروع نجح ووقف مره ثانيه واستخدم احسن استراتجيات لتصحيح اموره
وبيكون له جائزه 50000 لانه قدر ان يرجع يصحح اموره
بتقولون ليش الجائزه بقول لكم تسويق لي وهالشغله من فنون التسويق لاني ان شالله قريب بطلق مجموعتي الاستثماريه فاحب ان استفيد من الافكار ومن التجارب ومن كل شي يفيدنا للمستقبل وفي نفس الوقت اعلن عن مجموعتي
وبسمي الجائزه ( جائزة منتدى الامارات للاوراق الماليه للتميز التجاري برعاية مجموعه نايف الاستثماريه )
يالله عاد ياصاحب المنتدى ادفعوا لي مخلي لكم اعلان مجاني :vb_comean
وبالتوفيق للجميع اي احد يبي يشارك يكتب لنا موضوعه مباشره ونشوف الاستراتيجيات اللي تساعده الى ان يتفق مع عضو ثاني يساعده بكل شي وبعدها نسجلهم مع بعض ويراسلوني
وفي النهايه الكل بيستفيد اول شي نجاح المشروع وثانيا الجائزه في حال وصل للتميز وقدر ان يرفع ارباحه بفتره قصيره:hhhrr5:
وصحيح لاتنسون تعرضون الموضوع بالايملات وبالمنتديات عشان تزيد التجارب والافكار وفي نفس الوقت بتتعلمون التسويق اكثر واكثر لان كل مشروع نجاحه بتسويقه
المهم اذا حد بيعلن عن الجائزه يكون بنفس مسماها (( جائزة منتدى الامارات للاوراق الماليه للتميز التجاري ))
وبانتظار مشاركتكم وتجاربكم وبالتوفيق للجميع ان شالله
مشروعي مب فاشل ولكن أتمنى أنه ما أخسر فيه لأن حقيقة موضوع رفع الأجارات المستمر في دبي هو هاجسي الوحيد وخوفي المستمر…
فالحمد لله لدي زبائن…
اسفه نسيت اذكر مشروعي: هو عباره عن تجهيزات أعراس مثل تأجير فساتيين الزفاف والسهره وليلة الحناء+تأجير الكوش وبطاقات الدعوه…وأشياء مختلفة.
المهم أنتظر منك النصيحة لكي لا أصل للفشل بعد مجهود دام 5سنوات.
مع الشكر
هلا البسمه ومرحبا فيج اول شي تستاهلين نجاح مشروعج وبالتوفيق ان شالله والله يعطيج العافيه ولا تخافين على مشروعج كفايه خبره خمس سنين اظن انها بتساعدج وايد ان شالله
بس بعطيج فكره وترى مجربينها وكان لها نجاح حلو وكبير وبتكون بدايه تسلسل افكار وان شالله نشوف لج شغلات احسن بعد سواء مني او من باقي الاعضاء
انتي تطبعا تجهزين الكوشات وغيرها صح يعني من شغلج ترتيب الورد وتجهيزه على الكوشات اووكي
تقدرين ان انتي تتعاقدين مع الوزارات او المؤتمرات مثلا شلون :
شوفي الحين اذا عقدوا مؤتمر مانشوف على الطاوله ورود وتشكيلات حلوه ..
وفي مكاتب المدراء الكبار او في حلقات التلفزيون او البرامج المباشره نشوف نفس الشي الطاولات عليها ورد وتشكيلات حلوه
الفكره ان انتي تقدرين تراسلينهم وتجهزين لهم الطاولات وقاعات المؤتمرات بالورود والتشكيلات الثانيه الحلوه
وترى مجربينها الطريقه حلوه ونجحت من تتعاقدين اول مره مع مؤتمر او برنامج او قاعات الفنادق وتسوين شي حلو ترى بيصير عليج طلب حلو وبيزيد هالشي على نشاطج عشان يثبت شغلج
وطبعا مانوقف على هالفكره بس لازم نزيد الافكار بعد بس في النهايه كلها افكار حلوه وخفيفه وماتتعب وايد ومردودها ممتاز وبالتوفيق اختي البسمه
مرحبااا مره ثانيه وثالثه
اختي ام شيخه مافي شي صعب ولازم ان انتي تجربين كفايه ان انتي تمشين على الطريج وبتوصلين ان شالله ويقول لج مب شرط ان الذهب يكون في نهايه السلم يمكن يكون على اطرافه 😉
يعني بمجرد ان انتي تفكرين تطبقين شي بتلقين الف شي وشي وبانتظار تطبيقج العملي لو على الورق عشان اعطيج طرق ثانيه اسهل بتكون عليج انه شالله وان شالله بيشاركون باقي الاعضاء بس ان الموضوع توه يديد بس ان شالله قريب نشوف كل المشاركات 🙂
مشروعي مب فاشل ولكن أتمنى أنه ما أخسر فيه لأن حقيقة موضوع رفع الأجارات المستمر في دبي هو هاجسي الوحيد وخوفي المستمر…
فالحمد لله لدي زبائن…
اسفه نسيت اذكر مشروعي: هو عباره عن تجهيزات أعراس مثل تأجير فساتيين الزفاف والسهره وليلة الحناء+تأجير الكوش وبطاقات الدعوه…وأشياء مختلفة.
المهم أنتظر منك النصيحة لكي لا أصل للفشل بعد مجهود دام 5سنوات.
مع الشكر
هي اخ نايف الحين فهمت انت شو تقصد…..فكره حلوه لكن مادي اذا تنفيذها بيكون سهل والا لا؟؟لكن هل تعتقد انها بتنجح معاي؟بالذات ان صالوني مش تخصصه المكياج….يعني عادي نسويه لكن مب هو الشي الاساسي عندنا….يعني هل تعتقد ان باقي الخدمات بتلاقي رواج فالمجالات اللي ذكرتهن لي؟؟
شو انواع الدعايه الثانيه اللي ممكن اسويها؟؟
واتمنى ان نلاقي تفاعل من الكل مب بس شخص او شخصين بس عشان الفايده تعم الكل……
فانتظار حلول وردود……
بالبدايه يعجبني اهتمامج وهذا شي يدل ان انتي تحاولين ان تصححين الوضع لتجارتج
والعلاقه بين نشاط الصالون وبعض الاماكن اللي حددتهم ان انتي بتسوين شي غير عن المالوف هني لكن مشهور في الدول الغربيه ودايما اذا الواحد يبي يبدع بشي يحاول ان يجمع كل الافكار في تخصصه
المهم اللي بتسوينه انتي عند ماتكلمين هالجهات بتتعاقدين معاهم مثلا المسارح تتعاقدين معاهم ان انتي تجهزين الممثلين للمكياج او المساعده في مكياجهم وتجهيزهم وزينتهم
ونفس الشي مع الجهات اللي تتعامل مع الجمهور طبعا يحتاجون ان يكون شكل الشخص اللي يتعامل مع الجمهور يطلع بشكل مرتب وحلو فمثلا تقدرين تتعاقدين معاهم ان انتي تجهزين موظفينهم للقاءات الهامه او الاجتماعات الكبيره مثلا صفقات البنوك الكبيره او اجتماعات كبيره في شركاتهم او تجهيز زينة الموظفين اللي يلاقون كبار الشخصيات للصفقات الكبيره
وحتى بعد عندج المضيفات تقدرين ان انتي تخلينهم يطلعون باحسن من الشكل المعتاد وتقدرين وانصحج ان انتي تراسلين شركات مثل الخطوط الجويه القطريه لانها دوم تهتم بالتطوير والافكار الجديده بكل اشكالها وبعد ماننسى شركة رويال جت لتاجير الطيارات..
اللي تسوينه الحين ان انتي تغيرين نظام الشغل الخاص فيج من ان يكون صالون عادي يخدم فئه وحده !!
الحين بتخلينه صالون لكن مش للمكياج العادي بس بيكون للخدمات الخاصه في المراسم والمؤتمرات
يمكن تشوفين الفكره شوي صعبه لكن من تبدين منها بتكون سهله اهم شي تعرفين شلون تراسلينهم وشلون تعرضين لهم نشاطج وطريقة تعاقدج معاهم حاليا انتي لاتتعاقدين مع احد كفايه تعرضين خدمتج وتشوفين الطلب عليها شلون بيكون وبعدها نقدر نحدد طريقة التوجه كيف بتكون والموظفين الي بتحتاجينهم
عاد الحين الدور عليج ان انتي شنو بتقدمين بالضبط وشلون وشو بتحتاجين وهالفكره ترى ناجحه سواء انتي سويتيها بس او كل الصالونات اللي تعرفينهم لان الفكره جديده في المنطقه فالكل يقدر يستفيد منها عشان جذي انا اخلي الافكار معروضه على الكل ..
وان شالله تكون الصوره اتضحت الحين اكثر