السلام عليكم ورحمة الله
طبعا شفتوا الاعلان هالموضوع الله يسلمكم ينقسم لقسمين
الاول للمشاريع التجاريه
الثاني جائزة التميز التجاري 50 الف درهم
المهم نبدا
الله يسلمكم في الكثر من التجار المبتدئين يفتحون لهم مشاريع او محلات وفي النهايه اللي يحصل ان يخسر
مع ان يكون دارس المشروع صح ومضبطه وصارف عليه بس في النهايه ماينجح ويتعجب:kkww9:
او يكون المشروع في استراتيجه خطا واللي يوصل له في النهايه الخساره والديون ومايقدر ان يسكر المحل لان بيكون مديون فيتم في الخساره ومايدري شيسوي :uuutt:
المهم سمعوا الفكره الله يسلمكم ان كل واحد عنده مشروع وخسران او يمر بنفس الظروف نفتح له هالموضوع ان يعرض تجربته ويقول خسايره لوين وصلت :064:
وبعدها يقولون الاعضاء نصايحهم وشنو احسن طريقه واحسن حل ان المشروع ينجح فيه ويوقف مره ثانيه:efsf7:
طبعا بنستعمل اكثر من استراتجيه عشان يوقف المشروع
ومنها استراتيجة التسويق الوهمي
استراتيجيه اعادة التمويل بس مب يعني ان يجيني واحد يقول لي مشروع خسران وعطني مية الف وانا برجع المشروع احسن لا هالكلام مايصير لازم يقول مشروعه ووين مشكلته وشلون نعالجها خطوه بخطوه على مايحتاج المشروع
استراتيجيه اعادة الجدوله
انزين وعقبها الله يسلمكم يشتغل المشروع من جديد ويوقف مره ثانيه ان شالله
طبعا في جايزه وقدرها 50000 لكل مشروع يوقف مره ثانيه صح ويصحح اموره بعد مايطبق النصايح مع اعضاء المنتدى من خبراتهم ورؤيتهم ( حلوه رؤيتهم صح )
ولازم كل عضو كتب موضوعه ان يتعاون مع عضو ثاني سواء انا او اي شخص يشوف ان يقدر يتعاون مع الشخص عشان ينجح موضوعه يعني لازم تكون في متابعه لحظيه مباشره بين اكثر من عضو يعني اثنين ثلاثه خمسه مو مشكله اي عدد المهم ان يكون في تعاون لين ينجح المشروع مره ثانيه اووكي:hhhrr5:
المهم عقب ثلاثه شهور الى ست شهور بنشوف اكثر مشروع نجح ووقف مره ثانيه واستخدم احسن استراتجيات لتصحيح اموره
وبيكون له جائزه 50000 لانه قدر ان يرجع يصحح اموره
بتقولون ليش الجائزه بقول لكم تسويق لي وهالشغله من فنون التسويق لاني ان شالله قريب بطلق مجموعتي الاستثماريه فاحب ان استفيد من الافكار ومن التجارب ومن كل شي يفيدنا للمستقبل وفي نفس الوقت اعلن عن مجموعتي
وبسمي الجائزه ( جائزة منتدى الامارات للاوراق الماليه للتميز التجاري برعاية مجموعه نايف الاستثماريه )
يالله عاد ياصاحب المنتدى ادفعوا لي مخلي لكم اعلان مجاني :vb_comean
وبالتوفيق للجميع اي احد يبي يشارك يكتب لنا موضوعه مباشره ونشوف الاستراتيجيات اللي تساعده الى ان يتفق مع عضو ثاني يساعده بكل شي وبعدها نسجلهم مع بعض ويراسلوني
وفي النهايه الكل بيستفيد اول شي نجاح المشروع وثانيا الجائزه في حال وصل للتميز وقدر ان يرفع ارباحه بفتره قصيره:hhhrr5:
وصحيح لاتنسون تعرضون الموضوع بالايملات وبالمنتديات عشان تزيد التجارب والافكار وفي نفس الوقت بتتعلمون التسويق اكثر واكثر لان كل مشروع نجاحه بتسويقه
المهم اذا حد بيعلن عن الجائزه يكون بنفس مسماها (( جائزة منتدى الامارات للاوراق الماليه للتميز التجاري ))
وبانتظار مشاركتكم وتجاربكم وبالتوفيق للجميع ان شالله
لازم الواحد يكسب الزبائن وينمي علاقاته وياهم
قريت كتاب من فتره مضمون الكتاب انه لاتجعل الزبائن علاقة عمل واجعلها صداقه
يعني اذا كانت عندك علاقة عمل بتخلص على طول بعد انتهاء العمل
لكن اذا كانت صداقه فهي ما بتخلص حتى بعد انتهاء العمل وراح يجلب لك المزيد من الاعمال
اذا مجالج بالفساتين بس نقدر بعد نشوف له حلول ثانيه وافكار حلوه بس قولي لي شنو تخصصج بالضبط بس فساتين او شنو بعد
واذا على انج تتعاملين مع محلات تقدرين بعد تعرضين عليهم هالشغلات فبنفس الوقت بتزيد عمولتج اكثر بعد 🙂
تأخرة بالرد:
مشروعي حقيقة يضم عدة اشياء يعني كل ما يخص تجهيزات الافراح ممكن اقدمها.
يعني اتعامل مع امهاتنا الكبار في السن واخذ عنهم البخور والعطورات والعود وابيعه عن طريقي وافيدهم واستفيد من خبرتهم.
اخذ فساتين الزفاف والسهره والحناء من البنات واعرضه للإيجار او للبيع حسب رغبتها ولي نسبتي.
اما بطايق الدعوه وانا اتعامل مع مطابع بالعموله وبعد لي افكاري الخاصة بالبطاقات الفنية وحسب ميزانية العرسان.
اتمني اني وضحت الصوره اكثر…
السلااااام عليكم
مهره كلام حلو ولو ان كان بلهجه شديده على اخوانا بس ترى مب شرط ان تخلف لكن في اللي مايعرف واحنا مافتحنا هالموضوع الا للتعليم وندور الفرص
وصحيح كلامج بخصوص التسويق عجبني واايد لان اهم شي التسويق وانا ابي تطلع فنون التسويق هني انا للحين ماقلت شي لان ابي اشوف مشاركات باقي الاعضاء
مش شرط الخسران هو اللي يتكلم المفروض حتى اللي ماعنده مشروع يعطينيا من افكاره والناجح بعد يعطينيا من افكاره ونشوف حلول تسويقيه اكثر لان التسويق معروف هو سر نجاح كل مشروع ومثل ماقلتي في الدول الغربيه يكون صناعه بحد ذاته واستراتجية الزبونه الوحده اللي قلتيها ممتازه وحلوه وايد بعد والله يعطيج العافيه عليها وياليت لو كل شخص يقول لنا عن طريقه او فكره وحده
وعن اللي يقول مابي ابدا صغير بيكون غلطان صحيح لان مثل ماقلتي موقع جوجل وفي مشاريع كثيره بعد بدت صغيره والحين ماشالله اشهر من نار على علم
في النهايه ما املك غير اني ادعي لوالديج بالرحمه والمغفره امين يارب العالمين
وشكرا على اهتمامج باخوانج والمشاركه وبالتوفيق ان شالله اختي المهره
أول شي ماعندي مشروع ولا غيره…
بس بما انه الموضوع له في التسويق حابه اقولكم انه التسويق علم وبحر كبير نحن في الواقع متخلفين فيه وهذا شي مب غريب علينا حيث اننا امه عرفت التخلف وحبته محبه غريبه وحالفين مانتركه..التسويق في الدول المتطورة هو صناعه بحد شاته حاله حال صناعة السيارات وغيره…والفكر التسويقي عندنا محدود بمنشور او كتيب او إعلان مع إنه اللي يفكر بمخ نظيف ممكن يوفي على عمره وايد ويضرب بحصى وحده عشرين طير بو طيرين بس المهم انه يعرف شو الهدف اللي يبى يوصله هل انا كصاحبة صالون مثلاً استهدف سكان المنطقه الفلانيه بس والا الفئة الفلانية من المجتمع او أو أو تحديد الفئة المستهدفة وايد مهم لانك من خلالها بتحدد الطرق المناسبة للوصول لهاذي الفئة وهكذا والواحد مب بس يكون هدفه الربح المادي انا لو كسبت رضا زبونه وحده وهاي الزبونه توجهها للصوالين محدود فأنا على أقل شي ضمنت انها طالعه من عندي راضيه ومرتاحه من اسلوب وعمل العاملات عندي ومن هني بتخبر خواتها وجاراتها وبنات عمات خالات يدتها يعني تسويق طيب بالنسبه لي وهكذا لازم يكون فكرنا مش في حجم المكسب اللي بحصله من وراء هالزبون في هالزيارة اليتيمه يعني اكبر مخي شوي و اوجه العاملات عندي بالطريقه الامثل للتعامل مع الزباين
وللي يقول ما ابى ابدأ صغير معلومه تقول موقع جوجل وهو من اكبر المواقع البحثيه في العالم كان مجرد مشروع تخرج لمالكيه….
وفقنا الله وإياكم لما يحب ويرضى
(( من يقرأ كتاباتي الرجاء منه الدعاء لوالدي بالرحمه والمغفرة))
والله من واراء القصد
هلا فيك اخوي trading_line
وتسلم على مرورك وتشجيعك وان شالله الكل يستفيد منه ونوصل لاحسن الافكار
ويشرفني مرورك اخووي 🙂