السلام عليكم ورحمة الله
طبعا شفتوا الاعلان هالموضوع الله يسلمكم ينقسم لقسمين
الاول للمشاريع التجاريه
الثاني جائزة التميز التجاري 50 الف درهم
المهم نبدا
الله يسلمكم في الكثر من التجار المبتدئين يفتحون لهم مشاريع او محلات وفي النهايه اللي يحصل ان يخسر
مع ان يكون دارس المشروع صح ومضبطه وصارف عليه بس في النهايه ماينجح ويتعجب:kkww9:
او يكون المشروع في استراتيجه خطا واللي يوصل له في النهايه الخساره والديون ومايقدر ان يسكر المحل لان بيكون مديون فيتم في الخساره ومايدري شيسوي :uuutt:
المهم سمعوا الفكره الله يسلمكم ان كل واحد عنده مشروع وخسران او يمر بنفس الظروف نفتح له هالموضوع ان يعرض تجربته ويقول خسايره لوين وصلت :064:
وبعدها يقولون الاعضاء نصايحهم وشنو احسن طريقه واحسن حل ان المشروع ينجح فيه ويوقف مره ثانيه:efsf7:
طبعا بنستعمل اكثر من استراتجيه عشان يوقف المشروع
ومنها استراتيجة التسويق الوهمي
استراتيجيه اعادة التمويل بس مب يعني ان يجيني واحد يقول لي مشروع خسران وعطني مية الف وانا برجع المشروع احسن لا هالكلام مايصير لازم يقول مشروعه ووين مشكلته وشلون نعالجها خطوه بخطوه على مايحتاج المشروع
استراتيجيه اعادة الجدوله
انزين وعقبها الله يسلمكم يشتغل المشروع من جديد ويوقف مره ثانيه ان شالله
طبعا في جايزه وقدرها 50000 لكل مشروع يوقف مره ثانيه صح ويصحح اموره بعد مايطبق النصايح مع اعضاء المنتدى من خبراتهم ورؤيتهم ( حلوه رؤيتهم صح )
ولازم كل عضو كتب موضوعه ان يتعاون مع عضو ثاني سواء انا او اي شخص يشوف ان يقدر يتعاون مع الشخص عشان ينجح موضوعه يعني لازم تكون في متابعه لحظيه مباشره بين اكثر من عضو يعني اثنين ثلاثه خمسه مو مشكله اي عدد المهم ان يكون في تعاون لين ينجح المشروع مره ثانيه اووكي:hhhrr5:
المهم عقب ثلاثه شهور الى ست شهور بنشوف اكثر مشروع نجح ووقف مره ثانيه واستخدم احسن استراتجيات لتصحيح اموره
وبيكون له جائزه 50000 لانه قدر ان يرجع يصحح اموره
بتقولون ليش الجائزه بقول لكم تسويق لي وهالشغله من فنون التسويق لاني ان شالله قريب بطلق مجموعتي الاستثماريه فاحب ان استفيد من الافكار ومن التجارب ومن كل شي يفيدنا للمستقبل وفي نفس الوقت اعلن عن مجموعتي
وبسمي الجائزه ( جائزة منتدى الامارات للاوراق الماليه للتميز التجاري برعاية مجموعه نايف الاستثماريه )
يالله عاد ياصاحب المنتدى ادفعوا لي مخلي لكم اعلان مجاني :vb_comean
وبالتوفيق للجميع اي احد يبي يشارك يكتب لنا موضوعه مباشره ونشوف الاستراتيجيات اللي تساعده الى ان يتفق مع عضو ثاني يساعده بكل شي وبعدها نسجلهم مع بعض ويراسلوني
وفي النهايه الكل بيستفيد اول شي نجاح المشروع وثانيا الجائزه في حال وصل للتميز وقدر ان يرفع ارباحه بفتره قصيره:hhhrr5:
وصحيح لاتنسون تعرضون الموضوع بالايملات وبالمنتديات عشان تزيد التجارب والافكار وفي نفس الوقت بتتعلمون التسويق اكثر واكثر لان كل مشروع نجاحه بتسويقه
المهم اذا حد بيعلن عن الجائزه يكون بنفس مسماها (( جائزة منتدى الامارات للاوراق الماليه للتميز التجاري ))
وبانتظار مشاركتكم وتجاربكم وبالتوفيق للجميع ان شالله
اختي ام شيخه
خلي في البدايه اسم صالونك معروف او متداول عند الاغلبيه
سوي بروشرات ووزعيها عن طريق الجرايد الاعلانيه لمناطق معينه انتي تريدينها
حددي في الاعلان شي مميز او شي يثير الفضول لدى اللي يقرون الاعلان على الاقل يحثهم انهم يتصلون او يستفسرون
ويوم يتصلون لا تعطيهم الصافي او خل الفضول يزيد عندهم لين ما يسوون زياره للصالون وهني انتي يبدا شغلك في الجوده والتميز عسب تكتسبينهم كعملاء دائمين
اهم شي التركيز على الدعايه
بس قبل الدعايه لازم تكوني متمكنه من الكادر اللي عندك
اعطيكي مثال حق بروشور سويته لصالون في العين واشترك في اسبوع المرور في العين مول
وجذب له زباين وايدين
والبروشور في المرفقات
أخوي نايف تقبل تقدير واعجابي بافكارك النيره وانا اسف لاني تاخرت بتشجيعك لاني توني شفت الموضوع وانا اشد على ايدك بافكارك الطيبه
وحاب ازيد ويمكن يكون شي بسيط ومعروف اللي هو بالنسبه للتسويق لاي مشروع
الدعايه يا اخوان هي اهم بند من بنود التسويق لاي عمل تجاري مهما كان حجمه والعبره بالتسويق هي كيفية ايصال سلعتي او عملي للجمهور
في اليابان دائما في دراساتهم يضعون 50% من رأس المال دعايه واعلان وفي امريكا 75% من راس المال
العبره ليس بان انتج او اصنع شيا بل كيف اوصل هذا الشيئ للجمهور والمستهلك
وسائط الاعلان حاليا كثيره في زمن التكولوجيا
منها المقروء والسموع
الصحف والمجلات والانترنت وتوزيع البروشورات
والاروع من هذا بان اتصالات اصبحت تقدم وسيلة دعايه واعلان عن طريق ارسال رسائل ام ام اس
على شكل دعايه طبعا بعد ان يتقدم صاحب العمل بطلب الاعلان
وتذكرو شيئ يا اخوان التفكير بالنجاح في اي عمل اهم من الربح المادي لان لو نجح المرء بما يعمل تصبح الماده امر ثانوي
تقبلوا وافر احترامي
اخ نايف مازلنا بانتظار افكارك المفيده لنا…..وحبيت اوظح نقطه للاخت مهره………حاليا انا ابدا ما افكر في الربح….او بمعنى اصح مايهمني الربح…..اهم شي عندي هو تجاوز الخساره واعتقد في فرق فالمعنى بين هالشيئين…….
اما بخصوص الفئات المستهدفه لحد الحين بصراحه مب قادره استوعب استيعاب كلي لها النقطه…لاني مب عارفه كيف احددها واوصل لها…….
تدرون شو المشكله عندي؟؟الحمدالله قدرنا نكسب رضا عدد جيد من الزباين من خلال خدماتنا……..لكني مب عارفه كيف اطور هالرضا عندهم انه يفيدنيي اكثر واكثر……….والسبب هو جهلي في اسلوب الدعايه…….ماعرف كيف اجذبهم بالكلام……..فاذا في طرق ثانيه تفيدنا او تغنينا عن الكلام هالشي بيساعدني وايد
اول شي السلام عليكم……..مشكور اخ نايف على تفاعلك معانا ومحاولة تقديم النصايح…….ثاني شي حابه اشكر الاخ trading_line وما تقصر على عرظك الحلو لتقديم المساعده……اعتقد انه فعلا بدا الموضوع ياخذ مفعوله وبدأ الاخوان يتفاعلون معانا وانشالله يكون هالموضوع فاتحة خير علينا كلنا…..
بالنسبه للصالون…من امس وانا افكر بشكل جدي كيف ممكن اطور من نفسي او اني اسوي دعايه للصالون وكان اكثر شي لافت انتباهي فالفتره الاخيره هو اعلان الاخ trading_line
اللي هو الدعايه عن طريق الsms……….هاذي هي اول خطوه ببداها عشان اتخطى الخساره اللي انا حاليا فيها……….ادعولي بالتوفيق……..ومره ثانيه اشكر الاخtrading_line
على العرض الاكثر من رائع
اول شي مرحبا بكل اللي انضموا لنا مثل مايقولون بالاذاعه (:
سويت نس كلام حلو وفكره ممتازه ان نطور علاقة العمل لعلاقة صداقه وتفكير ممتاز
البسمه ماشالله على تفكيرج حلو وانتي ماشيه بالطريق الصحيح
وبخصوص الافكار التسويقيه انا اليوم مابعرض افكار لين اشوف افكار كل اللي يشاركون معانا وعقبها بنعلق عليهم ان شالله وحده وحده مع حلول تسويقيه اسهل واقوى لكل اللي خلوا تجاربهم بس بالبدايه ابي اشوف حلول الاعضاء لان ماشالله اشوف بدت تطلع افكارهم الحلوه (: