السلام عليكم ورحمة الله
طبعا شفتوا الاعلان هالموضوع الله يسلمكم ينقسم لقسمين
الاول للمشاريع التجاريه
الثاني جائزة التميز التجاري 50 الف درهم
المهم نبدا
الله يسلمكم في الكثر من التجار المبتدئين يفتحون لهم مشاريع او محلات وفي النهايه اللي يحصل ان يخسر
مع ان يكون دارس المشروع صح ومضبطه وصارف عليه بس في النهايه ماينجح ويتعجب:kkww9:
او يكون المشروع في استراتيجه خطا واللي يوصل له في النهايه الخساره والديون ومايقدر ان يسكر المحل لان بيكون مديون فيتم في الخساره ومايدري شيسوي :uuutt:
المهم سمعوا الفكره الله يسلمكم ان كل واحد عنده مشروع وخسران او يمر بنفس الظروف نفتح له هالموضوع ان يعرض تجربته ويقول خسايره لوين وصلت :064:
وبعدها يقولون الاعضاء نصايحهم وشنو احسن طريقه واحسن حل ان المشروع ينجح فيه ويوقف مره ثانيه:efsf7:
طبعا بنستعمل اكثر من استراتجيه عشان يوقف المشروع
ومنها استراتيجة التسويق الوهمي
استراتيجيه اعادة التمويل بس مب يعني ان يجيني واحد يقول لي مشروع خسران وعطني مية الف وانا برجع المشروع احسن لا هالكلام مايصير لازم يقول مشروعه ووين مشكلته وشلون نعالجها خطوه بخطوه على مايحتاج المشروع
استراتيجيه اعادة الجدوله
انزين وعقبها الله يسلمكم يشتغل المشروع من جديد ويوقف مره ثانيه ان شالله
طبعا في جايزه وقدرها 50000 لكل مشروع يوقف مره ثانيه صح ويصحح اموره بعد مايطبق النصايح مع اعضاء المنتدى من خبراتهم ورؤيتهم ( حلوه رؤيتهم صح )
ولازم كل عضو كتب موضوعه ان يتعاون مع عضو ثاني سواء انا او اي شخص يشوف ان يقدر يتعاون مع الشخص عشان ينجح موضوعه يعني لازم تكون في متابعه لحظيه مباشره بين اكثر من عضو يعني اثنين ثلاثه خمسه مو مشكله اي عدد المهم ان يكون في تعاون لين ينجح المشروع مره ثانيه اووكي:hhhrr5:
المهم عقب ثلاثه شهور الى ست شهور بنشوف اكثر مشروع نجح ووقف مره ثانيه واستخدم احسن استراتجيات لتصحيح اموره
وبيكون له جائزه 50000 لانه قدر ان يرجع يصحح اموره
بتقولون ليش الجائزه بقول لكم تسويق لي وهالشغله من فنون التسويق لاني ان شالله قريب بطلق مجموعتي الاستثماريه فاحب ان استفيد من الافكار ومن التجارب ومن كل شي يفيدنا للمستقبل وفي نفس الوقت اعلن عن مجموعتي
وبسمي الجائزه ( جائزة منتدى الامارات للاوراق الماليه للتميز التجاري برعاية مجموعه نايف الاستثماريه )
يالله عاد ياصاحب المنتدى ادفعوا لي مخلي لكم اعلان مجاني :vb_comean
وبالتوفيق للجميع اي احد يبي يشارك يكتب لنا موضوعه مباشره ونشوف الاستراتيجيات اللي تساعده الى ان يتفق مع عضو ثاني يساعده بكل شي وبعدها نسجلهم مع بعض ويراسلوني
وفي النهايه الكل بيستفيد اول شي نجاح المشروع وثانيا الجائزه في حال وصل للتميز وقدر ان يرفع ارباحه بفتره قصيره:hhhrr5:
وصحيح لاتنسون تعرضون الموضوع بالايملات وبالمنتديات عشان تزيد التجارب والافكار وفي نفس الوقت بتتعلمون التسويق اكثر واكثر لان كل مشروع نجاحه بتسويقه
المهم اذا حد بيعلن عن الجائزه يكون بنفس مسماها (( جائزة منتدى الامارات للاوراق الماليه للتميز التجاري ))
وبانتظار مشاركتكم وتجاربكم وبالتوفيق للجميع ان شالله
اختي ام شيخه
خلي في البدايه اسم صالونك معروف او متداول عند الاغلبيه
سوي بروشرات ووزعيها عن طريق الجرايد الاعلانيه لمناطق معينه انتي تريدينها
حددي في الاعلان شي مميز او شي يثير الفضول لدى اللي يقرون الاعلان على الاقل يحثهم انهم يتصلون او يستفسرون
ويوم يتصلون لا تعطيهم الصافي او خل الفضول يزيد عندهم لين ما يسوون زياره للصالون وهني انتي يبدا شغلك في الجوده والتميز عسب تكتسبينهم كعملاء دائمين
اهم شي التركيز على الدعايه
بس قبل الدعايه لازم تكوني متمكنه من الكادر اللي عندك
اعطيكي مثال حق بروشور سويته لصالون في العين واشترك في اسبوع المرور في العين مول
وجذب له زباين وايدين
والبروشور في المرفقات
مرحبا اخوي اول شي تسلم على افكارك الخيال ماشالله
وثاني شي انت وينك من زمان المفروض كنا نشوف افكارك وطريقة تفكيرك في الموضوع من بدايته ماشالله عليك والله يعطيك الف عافيه
وبخصوص اساليب التسويق اللي تكلمت عنها ماشالله عليها حلوه وممتازه وماتكلف شي كثير وتوصل بسرعه
اما بخصوص طريقة ان تخلي فضول عند الزباين صراحه عجبتني عجبتني الفكره من قلب ووايد حلوه وصحيح كلامك ان الواحد لازم يكون متمكن من الكادر اللي عنده ومع الاعلانات والتسويق الناجح بنوصل لاهم شي يساعد في نجاح المشاريع ويرد لها الروح
صراحه اشكرك من قلب واهنيك على تفكيرك وان شالله نشوف مشاركتك دوم في هالموضوع لانها ماشالله تدريجيه وحلوه ولها قيمتها
على جذي انا ماراح اعرض اي افكار الحين لان ماشالله افكاركم مكفيه وموفيه وبدينا نشوف مشاركات اكثر للاعضاء في الموضوع وهذا اللي كنت اتمنى ان نوصل له بس طبعا دايما بنكون مع بعض في التفكير لنوصل لاحلى الحلول التسويقيه ..
وشكرا لك مره ثانيه وبالتوفيق ان شالله
و
أخوي نايف تقبل تقدير واعجابي بافكارك النيره وانا اسف لاني تاخرت بتشجيعك لاني توني شفت الموضوع وانا اشد على ايدك بافكارك الطيبه
وحاب ازيد ويمكن يكون شي بسيط ومعروف اللي هو بالنسبه للتسويق لاي مشروع
الدعايه يا اخوان هي اهم بند من بنود التسويق لاي عمل تجاري مهما كان حجمه والعبره بالتسويق هي كيفية ايصال سلعتي او عملي للجمهور
في اليابان دائما في دراساتهم يضعون 50% من رأس المال دعايه واعلان وفي امريكا 75% من راس المال
العبره ليس بان انتج او اصنع شيا بل كيف اوصل هذا الشيئ للجمهور والمستهلك
وسائط الاعلان حاليا كثيره في زمن التكولوجيا
منها المقروء والسموع
الصحف والمجلات والانترنت وتوزيع البروشورات
والاروع من هذا بان اتصالات اصبحت تقدم وسيلة دعايه واعلان عن طريق ارسال رسائل ام ام اس
على شكل دعايه طبعا بعد ان يتقدم صاحب العمل بطلب الاعلان
وتذكرو شيئ يا اخوان التفكير بالنجاح في اي عمل اهم من الربح المادي لان لو نجح المرء بما يعمل تصبح الماده امر ثانوي
تقبلوا وافر احترامي
مرحباا اخووي اول شي يشرفني مرورك وتشجيعك وتسلم ماقصرت
وثاني شي افكارك صراحه حلوه ماشالله وكأنك تفكر بنفس تفكيري ان اهم شي الدعايه ولو وصلت لخمسين بالميه من راس المال وانا بعد اتخذت نفس هالطريقه اخلي الدعايه في دراسة الجدوى نفسها واخلي لها من 30% الى 50% من راس المال لان هي اهم شي بالمشروع وهذا ان شالله اللي الحين نبي نوصله للجميع
ونتعاون في ان نوصل لاحسن اساليب التسويق والاعلان
اما بخصوص اعلانات الام الام اس تراها فكره حلووه ووممتازه وانصح الجميع فيها وترى هالاعلانات ماتكلف شي وانا في شركة الاتصالات اللي بطلقها خليت هالشغله فيها لان شي اساسي وبيكون شي حلو واستفيد منه بعد
وفي نهايه كلامك عجبني تفكيرك بان التفكير الناجح اهم شي وحتى اهم من الربح المادي والحمدالله نشوف كل الاعضاء يفكرون بنفس هالطريقه
يهمهم النجاح بعملهم وفنون تسويقه اكثر من الربح المادي مثل اللي نلاحظه على الاخت ام شيخه ماشالله عليها وباقي الاعضاء في ان يهمهم نجاح مشاريعهم اكثر من مايهمهم الربح المادي
وبالتوفيق للجميع ان شالله واشكر مرورك ومساهمتك بافكارك معانا
اخ نايف مازلنا بانتظار افكارك المفيده لنا…..وحبيت اوظح نقطه للاخت مهره………حاليا انا ابدا ما افكر في الربح….او بمعنى اصح مايهمني الربح…..اهم شي عندي هو تجاوز الخساره واعتقد في فرق فالمعنى بين هالشيئين…….
اما بخصوص الفئات المستهدفه لحد الحين بصراحه مب قادره استوعب استيعاب كلي لها النقطه…لاني مب عارفه كيف احددها واوصل لها…….
تدرون شو المشكله عندي؟؟الحمدالله قدرنا نكسب رضا عدد جيد من الزباين من خلال خدماتنا……..لكني مب عارفه كيف اطور هالرضا عندهم انه يفيدنيي اكثر واكثر……….والسبب هو جهلي في اسلوب الدعايه…….ماعرف كيف اجذبهم بالكلام……..فاذا في طرق ثانيه تفيدنا او تغنينا عن الكلام هالشي بيساعدني وايد
هلا اختي ام شيخه
كلامج حلو في ان انتي تفكرين كيف تطلعين من الخساره وبخصوص الفئات المستهدفه بوضحها اكثر واكثر ان شالله
بس الحين الحمدالله بدينا نشوف مشاركات الاخوان وكلها مشاركات احلى من بعض وفيها فايده كبيره وننطلق الحين في اساليب وفنون التسويق اللي هي الدعايه وبالتسويق بتعرفين كيف تستهدين الفئات اللي نتكلم عنها وفي نفس الوقت بنشوف طريقه ان انتي تجذبين زباينج بس انا اشوف الكلام حلو لكن في اساليب التسويق اللي الكل بدا يعيطنا من افكاره ماشالله عليهم
وماقصرتوا شباب ويعطيكم الف الف عافيه
alqnnas_reeal_estate
اخوي صح لسانك سبقتني في الكلام اللي عندك
في هالاعلان مثلا
قامت الناس تسال عن المكياج او التساريح Vip
وهو نفس العادي مع اضافة لمسات خفيفه تميز الاسم بس
ارجو اني اكون وصلت المعلومه