بسم الله الرحمن الرحيم
مرحبا اخواني شحالكم , قبل فتره صادفت مشكله عندي بالموتر

gx 2001

كانت مشكلتي عباره عن صوت صفره بالسياره صادفتني المشكله بالسعوديه ودخلت السياره عند وكالة تويوتا ابو جميل يعني وطلع معاي الفني وجرب السياره وقال لي يمكن انه قير ويمكن دفريشن لازم تترك السياره وطبعا هناك السيارات بالهبل وما كان عندي وقت رحت الصناعيه عندهم ورحت تقريبا اربع ورش كبيره عندهم واتفقوا ان الصوت دفريشن
رجعت الامارات ورحت الصناعيه ( مصفح ) ودرت بين الورش حد يقول لي دفريشن وحد يقول قير لان الصوت على قولتهم بين البينيين
في النهايه طفشت وكتبت عن المشكله بالمنتدى وردوا الاخوان ما قصروا , المهم بعد هالمقدمه رحت مصفح مره ثانيه ورحت قراج عادي مب متخصص بالدفريشن بس هو لشخص اعرفه كلمت الميكانيكي وجرب السياره وقال مليوون بالميه كارونه , قلت له شو الحل لازم تبديل ولا تتصلح قال بخبرك بشي

نزل زيت الكارونه وشوف اذا في قطع حديد كبيره الكارونه يبغي لها تبديل اما اذا بس نفس الرمل امورك طيبه بس غير الزيت من 90 الى 140 لانه اثقل وبيخف الصوت وماله داعي تغيرها بس اذا حاب تغير غير عشان الصوت
المهم

قلت والله بو هنووود هذا خبير وراعيها عدل ما كذبت خبر ورحت المعروف وقلت لها ابغي زيت 140 للدفريشن , اشتريته ورحت عند محل تبديل الزيت وقلت له نزل الزيت وركب 140 واذا تقدر تشوف اذا في قطع حديد او لا

ما قصر نزل زيت الدفريشن وقام يدور عن قطع وفعلا لقيت حديده بحجم 3سم

قلت بس كلام الهندي هو الحل
ركبت الزيت الجديد 140 مخصص الدفريشن وقف جنبي واحد من الشباب وقال لي الطيب , قلت له سم طال عمرك ؟

قال فلان قبل 3 ايام تقريبا بدل زيت الدفريشن وامس ضرب عنده الدفريشن وتفتت كارونته !!؟؟

قلت له يا ابن الحلال متأكد ؟

قال والله بس هو ركب زيت 90 العادي قلت له الحمد لله انا بركب 140 ما عليك

المهم ركبت الزيت وتوكلت الصوت يا جماعه ما تغير قلت مب مشكله اهم شي ركبت زيت اقوى

وثاني يوم حسيت انه في صوت مثل قرقعه خفيفه بالسياره

واليوم الثالث طلعت مع الاهل ورحت دبي الصوت زاااد في الخط والله كأنه مني فولد منطر وقام الصوت يزيد

وانا ولا داري امشي 160
المهم بالرده زاد اكثر, ثاني يوم رحت الصناعيه ووقفت محل قزوزات عشان الصوت لأني ظنيته شرخ بالمني فولد, الفني شيك السياره وفتح الفلتر مال القزوز لانه قال اذا الفلتر كان متعبي من الاوساخ يطلع صوت في الممشى ويوم شيك عليه (الفلتر) قال لي نظيف مافيه شي ولا في شرخ بالسياره ؟؟؟
وقف واحد من الشباب اعرفه خبرته بالموضوع وجرب السياره وقال هالصوت غريب بس مب مني فولد ولا اظنه قير , سير عند عوض كارونه .
المهم سرت عند ريال في مصفح اسمه عوض يلقبونه كارونه والشاهد الله هالريال طيب وراعي صنعه وشغلته كارونات اللي عنده مشكله بالدفريشن يسير له
المهم طلعت ويا عوض بالسياره ومن سمع الصوت قال اكيد مبدل زيت الدفريشن ؟؟ قلت له هي نعم قال البارحه واحد راعي فتك سوى نفس حركتك وقبل كم يوم راعي ستيشن وتستوي وايد بين الشباب
قلت له شو الحل , قال لازم تغير الكارونه الزيت اللي ركبته خفيف وايد ومب مال دفريشن كسر لك الكارونه وفعلا يا جماعه بطل الكارونه ويمكن طلع اكثر من 10 قطع حديد كبار منها

شريت كارونه يديده وركبتها وركب معاها زيت خاص قيمة اللتر منه 50 درهم وهذا اللي المفروض الواحد يستعمله .

………………………………………….. ………………………………………….. ………………….

اذا صادفتوا مشكله بالدفريشن لا تنزلون زيت الدفريشن وتبدلونه ابد والاوساخ اللي بالزيت لازم الواحد ما ينظفها اللي مثل الرمل لانها تكون بين التروس تحميها .
وسألت الريال عن سبب تأكل الكارونه وخراباتها قال :

اول شي اللعب بالسياره (تفحيط وغيره من الحركات اللي تلعن السياره بشكل عام
ثاني شي غيار عكسي غلط مثلا يكون الواحد بسرعه ومن خامس
يرده ثاني بالغلط بدل الرابع
وخبرته لو نزلت الموتر وركبت تواير 900 هل يأثر بالكارونه قال لا عادي ما يخصه
اتمنى انكم تستفيدون من هالمعلومه
هاي تجربتي وهذا الموقف اللي استوى لي مع الكارونه وحبيت انبهكم يمكن البعض يعرف عن هالشي والبعض ما يعرف وبصراحه ما احب اللي مر علي يمر على حد منكم وهالمعلومات للإستفاده للجميع
وسلامتكم

متأسف على الاطاله

9 thoughts on “عندك مشكله بالدفريشن (صوت)او حاب تستفيد بمعلومه تفضل وما بتندم.”

  1. يا جمااعة الخيير … الحل بسيط ..

    اذا حسيت انه الدفريشن فيه صوت … اول شي وده عند محل يفحصه … واذا قالك الكارونه تعبانه ..

    سير الوكاله … وخذ آيل دفريشن من عندهم … واذا تبا توفر على عمرك ..

    حط فالدفريشن قريززز … مب وااايد .. يعني كبر خاشوقه صغيره ..

    بتشل الصوت وو بتريح الدفريشن

  3. علوم الصناعيه وايده

    وخرابيطهم كثيره كل واحد بيقولك شي

    المهم ان الواحد مايستعجل

    يمره على محل محلين و3 و10 و20 لوتقدر

    ولي تقنبعه خله يشتغلك فسياره

  4. السلام عليكم ,,,,,

    الحمدللــــــه عسلامتك خوي وسلامة قيرك ودفريشنك,,,

    بس ياخوان ترا عوض كارونه نصاااب من الاخر
    ونحن نوديله مواتر تصليحها مايكلف وماشالله مايقصر يبا زووود

    مره وديناله نيسان يباله تبديل كرنكيس تحت وهو ماطاع بأقل من 450 درهم مع انه نحن امبدلينه عنده قبل واخترب
    وقلت لأربيعي خلنا نغير كراج
    والله رحنى قراج ثاني ترتوب ركب كرنكيس وعباه ايل تقريبا 140 درهم وشغل مضبووووووط

Comments are closed.