اعتقد معظم اللي عندهم اف جي متاذين من صوت الحزام.. على كل حركة يون اتقول
في قنبلة موقوتة فالسيارة!! لووووووووووووول..
الحل في التخلص من هذا الصوت باتباع التالي:
1- ضع المفتاح على الأون ( بدون تشغيل السيارة )
2- اضغط على عداد الكليومتر الى ان تطلعلك كلمة DOD
3- ضع المفتاح على OFF (بند السيارة)
4- ارجع وضح المفتاع على الوضعية on مرة اخرى مع مرعاة الضغط على زر عداد الكيلومتر ل10 ثواني تقريبا
5- اسحب حزام الامان وركبة وفكة مرة ثانية( لا اتشل ايدك عن العداد خلال هذي العملية)
6- بعد تحرير الحزام على طول بتطلعلك كتبة في الكيلومتر ON اضغط مرة ثانية ليتحول الى OFF
7- ضع المفتاح على off (بند السيارة)
8- لقد تخلصت من انذار الحزام
9- أدعيلي 
ملاحظة:
* هذي الطريقة قد تنفع معظم الموديلات الجديدة من التيوتا
* لاعادة تشغيل منبة الحزام استخدم نفس الطريقة بس بالعكس يعني اختار ON
مشكور عالتذكير….
لا اخوي انا ماجربت بشكل شخصي ع الاوريون .. لكن الشباب قالوا انها تصير.. ويوم ماضبطت وياك .. حبيت اتاكد بروحي من الموضوع واكتشفت انه ماتضبط مع الاوريون و الكامري .. و أعتذرت عن المعلومة الخاطئة اللي نقلتها لكم عن تجارب الآخرين..
بس ياخوي الله يعلم اني حتى الآن ادور وابحث عن طريقة لفك الصوت الخاص بالاوريون والكامري والسيارات اللي طلبو مني اصحابها ايجاد حل لهم .. واذا عرفت شي يديد اوعدك انك اول واحد بتوصلة الطريقة..
وتقبل تحياتي
زين اخوي انت قلت انها تضبط على الاوريون و يرببها و نجحت
أخوي جرب الطريقة التالية..
1 اركب سيارتك البس الحزام قبل لا اتشغل السيارة (خل السويج على الوضعية off)
2 بعدين حط السويج على الon بعد لبس الحزام
3 طبعا بتطلعلك الاضواء التحذيرية في الطبلون لمدة 10 ثواني تقريبا وبعدين يختفن مثل ليت الايرباج والايبي اس والحزام واشياء اخرى..
نحن ماعلينا من الأشياء الاخرى علينا بليت الحزام!!!
أول ما يطفي ليت الحزام…. فك الحزام وركبة وفكة وركبة وفكة وركبة .. وبعدين اطفي السيارة
وان شاء بيروح الصوت
ملاحظة:
العملية لازم اتصير بعد اختفاء ليت الحزام ب 60 ثانية
الحينة في طريقة لفك صوت سيارات الفورد…هذا اللي لقيتة حتى الآن.
اللي يبغي يعرف يآمر أمر..