عندما يتغير عليك أعز الناس

16 thoughts on “عندما يتغير عليك أعز الناس”

1. حصلت معي من انسانه غاليه عندي وانا الى الان عاجزة عن استيعاب ما حصل

   مصدومه جدا من موقفها …احاول ان ابرر لها ولكن لا اجد ما يفسر لي تصرفها

   داخل قلبي انا مسامحتنها ولكن لا اضن بان معاملتي لها ستعود كما كانت

2. إلي مايباك لاتصيح تبغيه

3. والله لاتم وراه وراه لين ما اعرف السبب

   ما بيصد عني الا لسبب كبير…… واذا انا كنت غلطان بتاسف

   لانه مثل ما قلت صديق عزيز … وكلمة صديق كلمه لها معنى كبير جدا عندي

4. 
   هيه مر علي للأسف

   ولمعزة هالشخصية عندي سألت عن سبب الجفاء وما وصلني اي رد منها غير الصمت

   مر اسبوع .. عقب وصلني اعتذار ورديت ثاني يوم اسأل عن الاسباب ما وصلني رد !

   انا بالعادة طبعي ما اسوي سالفة لحد يعني الناس ما يهموني وايد

   لكن هالشخصية عشت معاها نجاحي ودراستي وسعادتي كانت رفيقة دربي ! او يمكن اظنها كذلك

   بس عرفت ان الصمت هو افضل حل

   امممممم الحين ما اعرف عنها اي شي

   غير انها على قيد الحيــاة !!

   رغم انها اتعرف اني احبها

   واعرف انها يمكن اتحبني !

   بس خلاص شو بنسوي

   الله ما كتب علينا المذلة

   وكلت أمري لله

   وما زلت من يوم “صمتها” المجهول الى هاللحظة ما نزلت ايدي ونا ادعي الله

   والى هاللحظة والله ما اعرف شو اللي صار ! ولا ابا اعرف شي !

   وشو اللي بيصير

   غير اني في شهر شعبان ترفع الأعمال الى الله تعالى

   وما احب ان يرفع عملي الى الله وبيني وبين حد اي شحناء

   سامحتها عشان نفسي مب عشانها تستاهل

   وعشان قلبي يكون بخير وصافي

   ومسحت دمعتي بنفسي وكتمت حزني

   واستغنيت بالله عن كل حد

   ولملمت قوتي كلها وحاولت اني ما اهتز ابدا

   وما تتخيلون من بعدها

   مع انها شخصية وحدة بس !

   الله عوضني بالصحبة الصالحة واللي صدق حسيت معاهم بمعنى الأخوة والاخلاص والثبات !

   عرفت ان الله اراد فيني خير كبير

   وكم من محنة حملت في طياتها منحة

   وعرفت معنى حديث الرسول صلى الله عليه وسلم ” احبب حبيبك هونا ما عسى ان يكون بغيضك يوما ما وابغض بغيضك هونا ما عسى ان يكون حبيبك يوما ما “

   الله من فوق سبع سماوات يشوفنا ويعرف شو في قلوبنا وهو القادر انه ينقي القلوب ويصلح ذات البين يارب

   شكرا اخوي ع الموضوع ” الموجع”

5. هذي هي الدنيا ..

   تلقى الجفا والصد .. من أقرب الناس لك .. بسبب !! وبدون سبب ..

   لكن .. خلك في الدنيا .. عابر سبيل ..

   مريت في حياة هالشخص .. وبتمر في حياة أشخاص غيره ..

   اللي أخطيت في حقه .. اعتذرله وحاول تصفي اللي بينكم ..

   واذا أخطأ في حقك .. سامحه واقبل اعتذاره ..

   الدنيا فانية .. الشخص بيبقى وياك سنين .. وبتفقده في لحظات ..

   لا تخلي لحظات الزعل تنهي سنين الود والعشرة اللي بينكم ..

   والسموحة ..

Comments are closed.