عندما يقال لا يوجد في البنك كاش

15 thoughts on “عندما يقال لا يوجد في البنك كاش”

1. يا أخوي ساعات العين الحمرة هي اللي بتمشي معاملاتك..

   أنا شخصيا في العيد اللي طاف وصلت عند الصراف لنفس البنك
   وطلبت منه 250 درهم فئة خمسات…رد علي “ما عندنا خمسات” جان اقوله بنك اشكبره وعرضه ما عنده خمسات ..بس بصوت عالي شوي…قالي تريا شوي…كلم زميله اللي حذاله…وخذ من الخمسات وخلص معاملتي…

   الزبدة …احنا ما ياين نشحت..هذاي بيزاتنا …والبنوك تحصل اجرة 25 درهم كل شهر لقاء الخدمة…

   خذ نصيحتي..وراويهم العين الحمرة وبتشوف الفرق..

2. تم سحب 10.000 درهم من حسابي بواسطه شيك لم يصدر مني ولا اعرف عنه شي ويوم راجعتهم قلتلهم ابا صوره عن الشيك طلع الشيك من ريال ثاني وطبعا توقيعه يختلف عن توقيعي والاسم غير وكل شي يختلف كيف سحبوه مادري

   المهم قالو اسفين وبنرد لك البيزات في الساعه اليايه وعقب ساعه تم سحب 10.000 ثانيه من رصيدي الين طلع صوتي ردو الـــ20.000 الي تم سحبها بالغلط

   البنك هوه بنك……….. الاسلامي

3. بنك فاشل و أنا الغيت حسابي من سنة 1991
   و كنت اعاني من نفس المشاكل بالضبط و كانوا وايد معقدين بالنسبة لقرض سيارة و تمويل بناء الفيلا.

   و اتوقعت انهم اطوروا مع الزمن لكن للأسف للأسواء.

   اذا ما عندهم كاش في الافرع الصغيرة شي عادي المفروض تروح الفرع الرئيسي في الشارقه او دبي احسن لك ويا هل البنك النحيس.

   عمليات النصب من سنة 1997
   عمليات التزور
   عمليات الاختلاسات
   عمليات وهميه
   تغير مجلس الادارة مليون مرة
   2 من المدراء في السجن الاول ايام 1998 و الثاني في الوقت الحالي.

   بما معناه بنك فاشل لكن اول بنك اسلامي و يحصل دعم حكومي للأستمراريه فقط لانه اول بنك و نحن نحب الرقم ( 1 ).

4. كلما نفتح موضوع عن البنوك , فالكل يذم هالبنك ونادر ان حد يمدحه ! معقوله لهالدرجه معاملته سيئه
   زين ان نحن نستفيد من تجارب الاعضاء مع البنوك
   بس الى الآن ولا بنك بعد اتفق عليه الكل

5. لازم يعدلون من معاملتهم ولازم يحترمون الزباين

Comments are closed.