عندى 100 الف قلت بشترى باص و باجرة شو رايكم

13 thoughts on “عندى 100 الف قلت بشترى باص و باجرة شو رايكم”

1. وانا مع اخوي سمارت وتقدر تضرب ضربتك مثلا كفكرة بسيطة من طلاب الجامعة مثلا وبسعر اقل من إلي يوديهم بصورة مبدئية

   انا اذكر راعي الباص إليك ان يودينا الجامعة بدا بباص واحد واحينه عنده اكبر شركة في راك وها كله لانه بدا وما قال بكنسل

   انا بعد اقولك لا جازف اول دور لك عملاء تقدر اتسوق لهم الباص ويا كثرهم بس شغل عقلك وبتمشي امورك وتقدر حتى اتسوي بالباص فكرة يديدة مب موجودة في امارتك يا خويه لا تخل الهنود والبتانية يسبقونا ونحن عيال البلاد انخاف ونتراجع لأتفه الاسباب ادرس الموضوع من كل اليوانب وتوكل على ربك اهم شي التوكل يا خويه

   وربي يوفجك المهم بشرنا ان فتحت المشروع

   دعواتنا الصادقة لك بتيسير الامور يا رب

2. أخوي,

   انت سألت هنا لكن ممكن انا اسألك , كم من الأخوان اللي في المنتدى بشكل عام عنده شركة باصات و يستطيع يعطيك الرد الصحيح؟ و اذا كنت بتكنسل اي فكرة بسبب انه فلان قال لك كذا فأعتقد انك راح تواجه مشلكة في انك تبتدي اي مشروع؟
   الآن نظرة على المشروع :
   _ انت ما ذكرت في اي امارة راح تبتدي المشروع؟فيه متغيرات كثيرة يتعنمد عليها نجاح المشروع او فشله؟
   _ المشروع راح يكون من حر مالك أو تمويل؟
   _في حالة التمويل ؟ كم نسبة المرابحة؟
   _ السائقين كيف راح تكون عقودهم؟
   _ أخوي اسئلة كثيرة و متغيرات اكثر .

   بالنسبة لرأيي الشخصي , المشروع ناجح بشرط التركيز على شريحة معينة ( هل لاحظت عدد الأشخاص اللي صارت وظايفهم في ابوظبي و لازالوا ساكنين في دبي , طبعا لاحظت ايضا انه في نسبة من السيدات ؟ ) انا ما اقول لك هنا ان الفكرة 100% ناجحة , اللي اقوله ادرس المشروع صدقا الفكرة ممكن تنجح لو كان عندك خدمة يحتاجها المجتمع.

   الله يوفقك و يوفق الجميع

   و السموحة

3. الافضل انك تسأل شركات النقليات وتشوف اذا بيحصلون شغل للباص ولا لا قبل ما تشتري.

4. خلاص عيل بكنسل

5. نفس ماقالك العراقي كنسل

   انا توني متذكر بعد عندي ربيعي ماخذ باص تقريبا قول صارله 8 شهور واقف مو محصل عقد

   الافكار كثيره للتجارة شوفلك اي شي ثاني وان شاء الله تحصل فكره طيبه

Comments are closed.