السلام عليكم اخواني
اول مره اسجل في هذا المنتدى وعندي بعض الاسئله عن جامعة وولونجونج في دبي واتمنى الي عنده معلومات عنها يساعدني
انا حاليا ادرس بكلريوس ادارة عمليات في مسقط وبخلص الدراسه في نهاية ديسمبر القادم ان شاء الله…
سؤالي هو هل اقدر اسجل لدراسة الماجستير في جامعة وولونجونج في بداية العام الدراسي سنة 2010 – 2011 ؟؟ يعني اخلص بكلريوس واكمل مباشره ماجستير.. انا ما قريت في موقع الجامعه يمنع هالشي إلا لدراسة ال MBA الي لازم اشتغل سنتين بعدها اقدم لها وباقي التخصصات ما مكتوب شي.
سؤالي الثاني شو هي نوع الدراسة للماجستير في الجامعة، work course
او research study
وهل فيه بحث التخرج او لا؟
سؤالي الاخير شو رايكم في هذي الجامعه؟ اقصد من ناحية المرونة والسهولة في التسجيل للبرنامج وتسجيل المواد، هل تنصحوني فيها؟
اتمنى منكم تساعدوني يا اخواني لأني في مسقط الحين وما اعرف شي عن الجامعه إلا المكتوب في موقعهم ومبين انها جامعة زينه بس الله يعلم عن الداخل وش تكون،،
وشكرا 
هلا اختي precious
صدق كلامك وانا الحين جالس اكتب لهم رسالة بس حبيت استوضح اكثر من الاعضاء اذا عندهم خبره في هذي الامور،، اشكرك على العون
وصح هل اقدر اسجل معهم بورقة إفادة التخرج من جامعتي الحالية؟ لأن حفل تسليم الشهادة الاصلية بيكون في العام الدراسي 2010 – 2011 وانا ما اريد اضيع علي السنة لأني مقرر اكمل الماجستير فيها،، سؤال صعب والي عنده تجربه يخبرنا وله كل الشكر
الأخ هامور شرس ما قصّر بالإجابة بما إنه درس في هذي الجامعة..
بالنسبة لسؤالك..اغلب الجامعات لقبولك لدراسة الماجستير تتطلب خبرة أو بالأحرى إنك تكون يالس تشتغل..لأن اللي بتدرسه بطبقه على شغلك من بروجكتات..
ولكن نصيحة..بما إنك تبا تدرس عندهم..لا تضيع وقتك بالسؤال واتصل فيهم واسألهم عن هالشي وبيعطونك الجواب الوافي..يمكن بيتغاضون عن هاي النقطة..
أو حتى لو تدخل موقعهم عندهم تشات..وتقدر تتحاور مع الإدارة من خلاله وتسألهم..
اشكرك اخوي هامور شرس على ردك الرائع جزاك الله خير ما قصرت
كل الامور واضحه لي إلا السؤال الاول واخافهم يرفضوني لأن ما عندي خبره او اشتغلت في جهة معينة. لأن من شروط القبول لازم اقدم لهم السيرة الذاتية cv هل وجود العمل ضروري للتقدم للبرنامج؟
أنا درست في هالجامعـــــــــــــة والحمدلله تخرجت منها …. جامعة ممتازة جــــــــــــــدا والدراسة فيها سلسة وذات فائدة … وإمكانيات الجامعها وأسلوبها محترم لأبعد الحدود واحترامها وتقديرها للطلاب جيد
التعليم فيها بنظام الكلاسات والامتحانات وليس بأسلوب البحث العلمي أي مثل ما قلت work course
التسجيل فيها سهل وسلس وهذا شي طبيعي بما أنه بدرهمك المنقوووووش
عندهم مكتبة وقاعات انترنت وكوفي شوبات عالمية مثل ستاربكس وباحـــــــــة مطاعم وجبات سريعة وعدد كبير من قاعات الدراسة … وأنصحك بزيارة الجامعة لمدة يوم واحد وإلقاء نظرة على الإمكانيات والأأقسام وسؤال موظفي قسم التسجيل
الجامعة في منطقة الصفــــــــــــوح في دبي في قرية المعرفة …
بخصوص الماجستير … عندهم حسب علمي 8 أو 10 تخصصات منها إدارة الجودة ، إدارة الأعمال ، الهندسة ، الآي تي ، التجارة العالمية ، الموارد البشرية ، التسويق
للاستفسارات اتصل بهم على الرقم 043672400