سلام عليكم
الحمد لله اليوم العصر شريت لي نيسان 2009
من يوم شفته قلت بسيطه اكثر الموجود من سيياير بالبلد النيسان
يعني حاجه سهله
ومن زود الثقه كنت بقول بحصل نفس اللون ونفس الخطوط حق موتري

دفعت فلوسه وشلته للكراج مبسوط
ورحت سيييده للعهود الفرع اللي يبيع قطع نيسان خلف طوبى بالشارقة
وما حصلت الا نص فتك ما خلو فيه شي منتف من كل القطع
اروح المحلات الصغيرة بعد ما عندهم شي اللي بالطريق الترابي
رحت لمحل اسمه فيروز مقابل لسكراب محمد جاسم متخصص نيسان بس بضاعته يبغالها كلها سمكره ماعنده شي صاحي يبغالها تعديل ومعجون وذي السوالف
قريت موضوع ان بالذيد في سكراب جوي << على قول احد الاعضاء سكراب علي بابا خخخخخخخخ من اسعاره
قلت ما يهم لو حصلت رفرف ابيض وبونيت نفس اللون بادفع الضعف
تدرون الشتا جاي وانا عندي وسوسه من الصبغ
واروح عنده ومافي الا فتك اسود فيه له واجههة والرفرف اليسار مضروب والبونيت فيه طعجه والرفرف اليمين يعني مقبول ورحت بالذيك سلاتش بعد ما عنده

جاني احبااااط
انا يهمني قطع البودي اكثر من العفش الداخلي لانه متوفر نفس اغراض الفتك من 2002 لييين 2009
الغالين اذا حد يعرف مكان معين في ابو ظبي او العين او أي ديرة اي مكان
ممكن احصل عنده طلباتي
يعطيني رقمه واكون شاكر له
او حد عنده هالقطع باشتريه منه بسعر كويس << بدفع فيه اكثر من جوي
رفرفين امامية وبونيت ودعامية كاملة لون ابيض صبغ الوكالة

وشاكر لكم مقدما

9 thoughts on “عندي فتك 2009 مدعوم ومتوهق”

  1. شي محل في الذيد على طريقك وانته ساير صوب سكراب جوي

    يوم بيكون سكراب جوي الاول على يسارك امش شوية جدام تقريبا اقل من كيلو وبتشووف اول محل من محلات قطع الغيار المستعملة

    يمكن اتحصل عنده بمبر كامل مع الشنب والكشافات

    لاني من فتره شايف عنده بمبر ذهبي كامل مع الشنب والكشافات بس سعره غالي

    البمبر مع الكشافات والشنب والحديدة اللي اتكون خلف البمبر كان طالب فيها 2000 درهم وهالكلام من 3 شهور تقريباً

    وبخصووص المداقير اعتقد يمكن اتحصل عنده بس المشكله انته طالب اللون الابيض وساعات تلقى نفس مطلووبك ولكن فارق اللون ..

    هذا رقم صاحب المحل واسمه علي 0561529898 وهذا الشخص اكثر شي يشتري القطع من سكراب جوووي

    وانا اشووف انّك بعض القطع خذها يديدة بكرتوونها واصبغها في كراج محترم وبعض القطع خذها من السكراب

    ……

    عندك في العين وايد سكاريب خاصة في النيسان ..(( سكراب شعلة العين )) ..
    وفي كم سكراب بس ما اذكر اساميهم

    بس اهم شي انك تفحص القطعة قبل ما تشتريها ولازم اتكون عندك خلفية عن الاسعار ..

    لانه والله في بعض محلات السكراب يبيعونك المستعمل بقيمة الجديد او بقيمة قريبة من سعر القطعة الجديدة

  3. هلا بأخوي الغالي ” فجيرة ”

    انا اشتريته لانه جا ببالي بحصله في كل مكان
    وباذن الله احصل

    وشاكر لك دعواتك
    وتمنياتي لك بالتوفيق

    اخوي اعفيني
    يا حبيلك يالغالي مسكت جوالي واتصلت على 181 واخذت ارقام محلات القطع
    وصادق والله اشياء كثيرة نشوفها في السكاريب اغلى من الوكالة
    مره طلبت قطعة وبعدين رحت وكالة اللبرتي وجبت ورقه عرض سعر ورحت السكراب اقوله يارجال انت تبيع اغلى من الوكاله وبيعني القطعه على الاقل نص سعر الوكالة تصدق مو راضي اقول ماراح انزل

    الذيد شفت محلين رحلت لهم وما حصلت طلبي
    لكن بالشارقة اذكن كان فيه واحد وقفل وصار محله حق سيارات وارد امريكا

    ولو عرفت احد في العين او او ظبي واماكنهم بطيير عليهم اذا تأكدت انو عندهم طلبي
    الرفرفين والبونيت والدعامية البيض

    وشاكر لك ثاني مره يالغالي

  4. مشكلتك بسيطه

    بس نصييحة نصييحة نصييحة

    قبل لا تشتري اي قطعة من السكراب

    اتاكد من سعرها فالوكالة او فقطع الغيار ومن اشهر قطع الغيار للنيسان (الامارات لقطع غيار السيارات + دبلن لقطع غيار السيارات + الرتبة لقطع الغيار ) وانصحك بدبلن لان قطع غياره اصليه 100% وتقدر تاخذ ارقامهم من البدالة

    لان السكراب ساعات يعطيك سعر من عنده ويكون اغلى من القطع الجديده بمراحل

    وطبعا جوي غني عن التعريف تقريبا ثلاث سكاريب عنده

    واحد فالشارجة واثنين فمنطقة الذيد وكل واحد يقوول انا خصوصا الي فالذيد
    يمكن انتة رحت عند سكراب واحد فالذيد

    وطبعا صناعية مصفح كلها نياااااااسين + صناعية العين

    صدقني النيسان والتيوتا قطع غيارهم الاصلية والمستعملة موجوده

    وتطلبها حتى من الكفتيريا ههههه ^_^

    وبالتوفيج اخووي

    واي استفسار ثاني انا حاظر ..

  5. الله يعينك ياخوي
    بس دامنه فتك ماعليه خوف
    بتحصل له سامان ان شاء الله
    والاعضاء هني مابيقصرون
    ولي يعرف مابيبخل عليك

    موفق بإذن الله … لك مني أجمل تحية .

Comments are closed.