سلام عليكم
الحمد لله اليوم العصر شريت لي نيسان 2009
من يوم شفته قلت بسيطه اكثر الموجود من سيياير بالبلد النيسان
يعني حاجه سهله
ومن زود الثقه كنت بقول بحصل نفس اللون ونفس الخطوط حق موتري
دفعت فلوسه وشلته للكراج مبسوط
ورحت سيييده للعهود الفرع اللي يبيع قطع نيسان خلف طوبى بالشارقة
وما حصلت الا نص فتك ما خلو فيه شي منتف من كل القطع
اروح المحلات الصغيرة بعد ما عندهم شي اللي بالطريق الترابي
رحت لمحل اسمه فيروز مقابل لسكراب محمد جاسم متخصص نيسان بس بضاعته يبغالها كلها سمكره ماعنده شي صاحي يبغالها تعديل ومعجون وذي السوالف
قريت موضوع ان بالذيد في سكراب جوي << على قول احد الاعضاء سكراب علي بابا خخخخخخخخ من اسعاره
قلت ما يهم لو حصلت رفرف ابيض وبونيت نفس اللون بادفع الضعف
تدرون الشتا جاي وانا عندي وسوسه من الصبغ
واروح عنده ومافي الا فتك اسود فيه له واجههة والرفرف اليسار مضروب والبونيت فيه طعجه والرفرف اليمين يعني مقبول ورحت بالذيك سلاتش بعد ما عنده
جاني احبااااط
انا يهمني قطع البودي اكثر من العفش الداخلي لانه متوفر نفس اغراض الفتك من 2002 لييين 2009
الغالين اذا حد يعرف مكان معين في ابو ظبي او العين او أي ديرة اي مكان
ممكن احصل عنده طلباتي
يعطيني رقمه واكون شاكر له
او حد عنده هالقطع باشتريه منه بسعر كويس << بدفع فيه اكثر من جوي
رفرفين امامية وبونيت ودعامية كاملة لون ابيض صبغ الوكالة
وشاكر لكم مقدما
وعليكم السلام ورحمة الله وبركاته
حياك اخوي
وعساك بخير
شو خلصت حكايتك ولا بعدك
لا بعدك ومحتاج شي اتصل (0508228664)
موفق بإذن الله … لك مني أجمل تحية .
ان شاء الله تحصل طلبك
وبالتوفيق ان شاء الله
ان شاء الله اتحصل طلبك الغالي
موفق بإذن الله … لك مني أجمل تحية .
وحيد الحال
جزاك الله خير وارسلت لك عالخاص وسلمت يالغالي
عاليين المقام
ياااخي تحرجني ماشاءلله عليك ماخليت شي
اليوم كنت في الذيد وشفت المحل اللي تقول عنه في سلاتش وجوي ومحل باسم شخص ناسي اسمه وعنده مثل ما قلت نيسان مقلوب ذهبي حاطه بالواجهه عند الباب
انا محتار اروح بكره العين او ابو ظبي
وانا يهمني اللون انه صبغ وكاله
وصادق يصير البعض يغشون مو بس يرفعون الاسعار
في سكراب في الشارقة حق امريكي اشسوفه يجيب قطع تجارية ويفكها من كرتونها ويرميها مع الغبار ويبيعها على انها اصلي
وسلمت يالغالي