السلام عليكم
عساكم كلكم طيبين
بدخل في الموضوع سيده 
لي صديقه مواطنه تسكن في منطقه الفلاح تغيرت عليها الظروف ومحتاجه دخل اضافي
المهم هي ما تستخدم النت وايد فطلبت مني اعرض موضوعها وارد عليها الافكار والاقتراحات ان شالله اذا في امكانيه
هذا الموضوع مثل ما هي تباني انقله:
انا اختكم من بوظبي
السالفه من الاخر ان يتني ها الفكرة لان ما عندي راس مال وانا فعلا محتاية اصرف على عيالي لان ابو العيال فنش لاسباب طبية ولازم اساعد في المصروف… ولولا الحاجه ما فكرت ولكن طبعا الشغل مب عيب وان شالله اني اتوفق
الفكره هي:
اني اريد استخدم سيارتنا (سيارة البيت) فيي توصيل بعض الموضفات او الطالبات من والى دواماتهم
الفكرة بسيطه ومدخولها اتوقع بسيط بس لاني محتاجه اي مدخول زيادة فكرت فيها
محتاجه نصايحكم الله يخليكم. وهل لازم اطلع رخصه معينه لها الشي؟؟
لاني دوم اشوف اعلانات في الوسيط ناس تعرض خدماتها للتوصيل بدون رخصه ولا شي
وهل احسن اسوقها انا ولا اييب دريول او دريوليه
وكيف احصل ها الناس اللي بوصلهم (اقصد يكونون ناس ثقه ومحترمين !!
وهل عندكم اي فكرة عن اسعار التوصيل الشهرية
ساعدوني الله يخليكم ولا تبخلون علي واذا في اي شي انا غلطانه فيه انصحوني واعتبروني مثل اختكم.
انتهى
السموحه منكم ع الاطالة واتريا ردودكم
السلام عليكم
الصراحة فكرة حلوة واتا اايدها بهالشي
نحن البنات عادة نوزع بين بعض ارقام الي يسوقن … لانه وايد ناس تطلب حريم يوصلونهم … استر
وبالنسبة للقانون … ما مرة شفت او سمعت انه دورية وقفت وحدة لانها توصل ناس
ولو لا سمح الله وقفتهم … تقول اول ناس .. ربيعاتي … اكسب من وراهم اجر
ولا الشرطة مايخصها فالرحمة الي توصل … لاتها مب تابعة لشركة تكاسي
وربي يوفقها ان شاء الله ^^
والسلام خير الختام
شكرا جزيلا كل اللي مروا ع الموضوع
مشكورين ع الدعوات الحلوه وعرض المساعده يزاكم الله الف خير
الجانب القانوني محد عنده فكره عنه؟؟ يعني مثلا اذا وقفتها الشرطه وهي توصل الحريم ما بيخالفونها او يسحبون عنها السيارة؟
نفس اللي كنت بقوله. لازم تعطينا خط سير تقدرين عليه. يعني من وين لوين و هناك اعلانات كثيرة في مواقع و في الصحف. أنا مستعد أدور لك. بالنسبة للناحية القانونية الصراحة ما عندي فكرة بس بحاول أسأل.
أتمنى لك التوفيق.
هلا اختيه وانا بعد اشششجعج والشغل مب عيب بس الطراره عيب
وكل شي يبدى بخطوة وعندج منتدى سيدات الامارات ووووووووايد حريم يحتايون لمثل هالشغلة
والله يوفقج ويرزقج من حلاله ويفرجها عليج يارب