عندي كشك في القرية العالمية …محتاج أفكاركم

21 thoughts on “عندي كشك في القرية العالمية …محتاج أفكاركم”

1. انا يوم كنت في تايلند

   احلى شي عجبني اهناك العربه المتنقله ويدزها شخص

   وفيها فواكه طازجه وباااااااااااارده

   انت تختار شو تبا من الفواكه وهو يقطعها لك

   والصراحه الكل كان يشتري من عنده

   واعتقد انك لو قمت بعمل هالفكره الطيبه راح تربح بأذن الله وتستفيد

   لاكن بشرط الفواكه تكون طازجه وطعمها حلو

   وبالتوفيج 🙂

2. أخوي الفارس
   اتصلت بالقرية العالمية وطابت كشك طلبو مني نوع النشاط؟؟؟ ولازم انتظر الى أخر شهر 10 علشان يقررو اذا بيعطوني ولا لا.
   ممكن تخبرنا شو سويت.
   جزاك الله الف خير وباركك في مشروعك

3. مشكورين اخواني وخواتي على أراكم ونصاحكم الجميلة ويعطيكم العافية والله يوفق الجميع ان شاء الله

4. اكسسوارات موبايل ونغمات وثيمات والعاب وموبايلات
   تقدر تشتري الاكسسوارات من سوق نايف صوب فواز الخطيب بيعطونج بسعر الجملة
   والنغمات والثيمات والالعاب تنزلهم من الكمبيوتر
   والموبايلات تتعامل مع محل معين ويعطيك الموبايلات بأسعار حلوه
   اما اذا بتبيع عطور ودخون وهالسوالف اعتقد بأن افضل انسان تتعامل وياه هي شمسة المهيري وما اعتقد بأنها بتقصر وياك
   والله يوفقك ان شاء الله

5. اشرايك ملابس رسميه حق الخدامات
   انا ما اطلع من القريه كل سنه الا وانا شاريه ملابس رسميه للخدامات بس
   اتكون مريحه ولعده مناسبات
   يعني لباس رسمي حق العزايم شرات الانجليزي (لونه اسود)
   او ملابس مريحه كاجول
   تره عليها اقبال..

   هاي فكره وفكره ثانيه

   حق الانجليزي او الوافدين اتحط ملابس اهل الامارات من براقع او مخورات او اشياء صدق تراثيه مب نص و نص
   لانه الانجليزي واااايد ايحبون ايشلون اشياء من البلاد ما اتكون منتشره في اي مكان وخاصه البرقع
   ايحبون ايزينون بها بيوتهم…
   واختي اتقول خاطرها ب اجآر من ايد مواطنه مب من سوريا وفوق اتقول عليها اقبال لانه شغلها نظيف..

   وبالتوفيق يارب…

Comments are closed.