عندي مبلغ وابغي استثمره في وديعة …شو احسن بنك ؟؟؟ فزززعتكم

42 thoughts on “عندي مبلغ وابغي استثمره في وديعة …شو احسن بنك ؟؟؟ فزززعتكم”

1. الافضل لج انج اتشوفين البنوك الاسلامية ،، سواء انج اطرشين ايميل تستفسرين عن الودايع عندهم طبعا لازم يعطونج المعلومات الوافية ،، او انج اتروحين لهم واتشوفين كيف ..!

   بس في امكانية انج اتقسمين هالمبلغ ،، ( في الاسهم + مشاريع مربحة وموثوقة + وديعة + تصدقين فيهم ) لان الصدقة روحها خير وبركة …

   مب شرط الواحد يكون عنده مبلغ عشان يتصدق به ،، حتى لو كل شهر يخصص مبلغ يتصدق فيه او انه يكفل يتيم له اجر عظييم ،،

   فأول شي اتفكرين فيه خذي من هالمبلغ اللي عندج واتصدقي به ^_^ ..

   وعن العقارات والمشاريع صلي استخارة وان شاء الله لو في هالقرار خير بتشوفينه ..

2. انا بصراحة حطيت في مصرف أبوظبي الإسلامي وطلع لي تقريبا فؤائد 290 درهم لمبلغ 170 الف في شهر وبعدين سحبتهم وحطيتهم في دبي الاسلامي وديعة 3شهور بس بعدني ماسحبتهم ولا ادري كم النسبه اللي بحصلها لانه يعتمد على حالة البنك

3. شوفي اذا عندج راتب ثابت اشتري ارض بمكان مناسب عن طريق التمويل وخلي جزء من هذا المال (ال 250 الف) الدفعه الاولى. قولي 50 الف.

   والقسط خليه مبسط. يعني 3 ل 5 الف شهريا.

   وقسط ثاني لبناء منزل متوافق مع مواصفات الاسكان. وخلي جزء من هذا المال (ال 250 الف) ايضا دفعه اولى للبناء. قولي 50 الف. بيبقى 150 الف.

   وقسط مبسط بحدود 3 ل 5 الف شهريا.

   والباقي (150 الف) خليه احتياط في حال عدم توفر المال. تقدرين تسدين من هذا المال.

   طبعا يبالج تعرفين وين تشترين الارض ومن منو تشترينها.

   استشيري اكثر من مكتب عقارات واكثر من سمسار لان معظمهم يبالغون في الاسعار والحين الاسعار المفروض تكون داون.

   للعلم الحين استثمار اهل العقارات في بناء البيوت اكثر من الاراضي لان الناس تبا شي جاهز. ما تبا عوار راس.

   تقدرين تأجرينه او تبيعينه.

   واذا ما تعرفين تسوين هالطريقه, فافضل انج ما تغامرين لان يبالج حساب ارباح البنك وهل ستربحين من هالحركة ولا لا. يبالج تحسبين كل شي قبل ما تبدين في المشروع.

4. ليش ما تاخذين شقة استديو في انترناشنال سيتي و تكون شقة مؤجر احسن عن وديعة و ربح اكثر يعني ربح فوق 10% احسن عن نسبة ربح او على قولة بنوك اسلامية مرابحة والحين نسب وايد نازلة بسبت الازمة بنك دبي الاسلامي عاطوني 5.5% اقل عن قبل بعد عندهم برنامج اسمه برنامج “التكافل الإسلامي” بيعطونج ربح فوق 15% بس ما حددو النسبة عشان ما يكون حرام بس لازم اتخلين اقل شيء ثلاث سنوات عندهم .

   هذا اذا ما تبين عور راسي او ادخلي فالاسهم او تاجري في الذهب بس في هالشي ما يكون ربح مضمون

5. على فكره تجنبوا الاسهم الربويه
   وتذكروا قوله تعالى : يمحق الله الربا ويربي الصدقات

   وقوله صلى الله عليه وسلم : النار اولى بجسد نبت من سحت

Comments are closed.