اخواني واخواتي
اعضاء منتدى الاوراق المالية
بصراحة هذي اول مرة اكتب فقسم المشاريع التجارية
وانا كلي امل انكم ما بتقصرون معاي بالنصيحة
الموضوع وما فيه اني صار لي فترة افكر اني افتح محل خاص لاثاث وفرش سراير الاطفال
وانا بصراحة احب هالسوالف … بس خايفة ومترددة ما ادري شي بالتجارة
وما ادري اذا هالنوع من التجارة مجدي والا لا
انا انتضر آرائكم ونصائحكم اخواني
وهذه عينات من الاثاث التي افكر في التجارة فيها
شوفوا وقولوا لي رايكم
24 thoughts on “عندي مشروع ومحتاجه النصيحة”
Comments are closed.
تشوفي الله يسلمج
انا انصح والله تعالى اعلم انج تشتغلين بالمفرق وتنسين موضوع الاستيراد والوكالات والتصنيع في الوقت الحالي.
اوكي
بما انج بتشتغلين بالمفرق فأنتي بحاجه
1- معرض بمساحه معقوله في موقع ممتاز ” ليس المقصود بموقع ممتاز ان يكون معرض اثاث على الشارع العام في سوق الذهب” لا طبعا” . المقصود ان يكون في سوق الاثاث او اي مكان اخر من الممكن ان يقصده الناس لشراء اثاث ولا تبخلين على الايجار اذا الموقع ممتاز ادفعي بقلب قوي.
2- 1 او 2 بائع ماهر عنده خبره ممتازه في المجال.
3- طبعا من المفترض ان يكون هناك شخص مسئول عن المشتريات واذا انتي ما عندج خبره بيكون الموضوع صعب عليج شوي في البدايه و من الممكن انج تشترين اثاث لا يناسب الزبائن المتوقعين ولذالك خذي رأي البائع إلي عندج بستمرار في نوعية المشتريات .
4- تعرفي على الشركات ( شركات البيع بالجمله ) التي تبيع نوعية الاثاث الذي ترغبين في بيعه وعلى شروط الشراء من هذي الشركات على سبيل المثال شروط الدفع لان في شركات تعطيج بضاعه وتدفعين بعد البيع بفتره وفي شركات تقبل انج تردين البضاعه اذا ما انباعت وبعد ما يعرفون محلج هم بيعرضون عليج البضايع الي عندهم بستمرار
5- تسعير البضائع من اهم الامور ويحتاج الى دراسه جيده وخبره ممكن يفيدج البائع الي عندج حسب خبرته السابقه ومن المهم انه تكون عنده هذي الخبره لا تعتمدين على قدراتج الشخصيه في البدايه
بالتوفيق ان شاء الله
مرحبا والله …. المقصود هو لو تم تصنيعه محليا سيكون ارخص لانك ما بضيفين تكاليف شحن وغيره
وكذلك ستصنعين ذوقك وليس ذوق الاخرين وسيكون
متميز بذوقك وتصوراتك … وتعبك في التسويق وتعرف المنتج سيكون لك وليس لغيرك
اما بخصوص انشاء المعمل لايحتاج الى الكثير وانما فقط بعض الالات الخاصه بالخشب وايضا عمال فنيين
اسيويين لديهم هذه الخبره وتوفرهم لك بعض مكاتب
الايدي العامله وبظمان خبراتهم ….
والسموحه
مشكور اخوي المرر
بس كلامك يعني اني لازم ادور على ايدي عاملة لها خبرة فمجال الاثاث
بس شو الراي لو اتعاقد مع شركة مصنعة لهالاثاث
واكون انا الفرع مالهم فالخليج
هل الموضوع يستاهل
بالتوفيق ان شاء الله ….
اختي الفاضله حاولي ان تكوني راس المنبع ولستي وسيط بين منتج ومشتري … وذلك حسب مقدرتك الماليه …. يعني اتسويلك مصنع صغير خاص لاثاث الاطفال والي انتي تفضلينه وتصنعينه محليا وتسوقينه على كيفك وذوقك بيكون مردوده احسن مستقبليا …. وبنفس الوقت تاسسين قاعدة لبناء الطموح الاكبر …
والله يوفقك ويرزقك رزق الحلال
اخوك المرر