اخواني واخواتي
اعضاء منتدى الاوراق المالية
بصراحة هذي اول مرة اكتب فقسم المشاريع التجارية
وانا كلي امل انكم ما بتقصرون معاي بالنصيحة
الموضوع وما فيه اني صار لي فترة افكر اني افتح محل خاص لاثاث وفرش سراير الاطفال
وانا بصراحة احب هالسوالف … بس خايفة ومترددة ما ادري شي بالتجارة
وما ادري اذا هالنوع من التجارة مجدي والا لا
انا انتضر آرائكم ونصائحكم اخواني
وهذه عينات من الاثاث التي افكر في التجارة فيها
شوفوا وقولوا لي رايكم

24 thoughts on “عندي مشروع ومحتاجه النصيحة”

  1. الاخت العزيزه
    اول عنصر لاي مشروع هو الرغبه بالفكره وحبها وهذا من كتاباتك واضح انه متوفر
    بعد ذلك لابد من عمل مسح للسوق ولو بشكل بسيط وزيارة المحال التى عنده نفس الفكره وتسجيل ملاحظات عن الاسعار بلد المنشا طريقة العرض وغيرها من الملاحظات
    بعدين لابد ان تدوري على مصدر واخذ منه عروض اسعار
    وحسب راس المال الموجود من الممكن ان تحددي ان كنت تريدين ان تشتغلى من معرض او توزيع جمله من مخزن فقط
    اختيار مكان المعرض مهم والدعايه والاعلان

    هذا والله اعلم

  4. طبعا” امكانياتج الماديه لها دور في الموضوع يعني اذا امكانياتج ممتازه ممكن تحطين مدير للمعرض وانتي عليج التمويل والمراقبه الماليه.

    هذا الموضوع بختصار شديد وحاضرين اذا عندج اي استفسار

Comments are closed.