السلام عليكم
عندي مشكلة في الاند كروزر 2008 وراد الفطيم والسيارة ماشية الان 158000 ( مائة وثمانية وخمسون الف )
1/ البترول لا يعبي بالكامل … تم حلها في الوكالة مجانا لكون العيب مصنعي .
2/ الشفت فيه خلل ( قالوا ليس على الضمان ولكن سيتم تشحيم الشفت مجانا )
3/والمشكلة الرئيسية هي ( القير ) يا اخوان حسب ما قالوا لي الاخوان ….. لان السيارة فيها ركله او خضه او هزة قوية على سرعة 50-60 تقريبا على قير اربعه وقالوا لابد من تنزيل القير ومعرفة الاسباب وهذا سيكلف ما لايقل عن 20000درهم حسب ما اخبرني المختص …. ما اعرف شو اسوي اصلح السيارة في الوكالة ولا لا ….
واذا في احد في الامارات يعرف مكان مختص في الجير الاتوماتيك … ياليت يفيدنا … او يتصل بي على الرقم 971501099196 + ياليت يا اخوان طالب منكم الفزعة .
شيخي انا ادور كروزر 2008 واذا بغيت تبيع انا حاضر وموضوع الوكاله خله علي يبولهم واحد فاضي واخوك جاهز 0505844440
أخوية المشكلة مب من القير عندي موتر واحد من الشباب استيشن 2002 ماشي 350 ألف كانت فيه نفس المشكلة وسرنا عند الحرامي القسطاس واحد أردني مادري شو اسمه والثاني السوداني اسمه بوسمره وقال لنا أونة القير يوم تبدل آيل ينزل قطع حديد ولازم تبدل كلجات المهم قالنا بشتغل في الموتر وبيجهز اليوم الثاني قلت لربيعي خلننا نبدل بلكات وفلتر هوا وبترول ونبدل آيل القير وانشوف والحمد الله خازت الرقلة وأنا سرت قبل الاستيشن ابل آيل قير وأخوية نصحلي أياه وعندي برادو 2007 كوبي وقالي نفس الشي كلجات والقير ينزل حديد قلتله صلح وخذ عليه 5400 وجير الموتر لين الحينه نفس الشي يوم رديت له عقب ساعة قالي هذا كوبي يعني سبورت لازم يخشع القير واللي يقهر أن القير على كل نزلة جسر يرد أروحه غيار عكسي ويتم حاكر على الثالث والكامري بعد نفس الكلام قالي قلتله برايه بدل آيل بدلت آيل وفلتر والموتر ماشي جريب الـ200 ألف ما أشتكا الحمد الله من شي.. نصيحه لا تسير عندهم وأنت بكيفك..
اخويه اذا طلعت المشكله في القير سير كاراج قسطاس في الشارجه
ناس شغالين في القير وحتى لو بس تفحص السياره عندهم وبيعطيك التقرير الكامل حتى الاستيشن 5.7 يصلح عندهم شفت جميع السيارات عندهم ومعروف
وعندك دكسل بعد لهم فرع في دبي والشارجه
الله يعينك اذا الفطيم !!
وده البهوان وخله يفحصونه وان طلب منك بعد ينزل القير مر على التكنلوجيا اليابانيه انا مصلح عندهم الاف جي كنت داعم فيه
وشغله عدل رد لي الموتر وكاله ولا فيه اي شيء وشغلهم مضبوط بس سعرهم شوي غالي ..