عندي ٤٠ الف درهم

9 thoughts on “عندي ٤٠ الف درهم”

1. مشكورين اخواني و يزاكم الله خير والله يوفقكم ان شا،الله

   اتمني اي حد منكم يعرف شركه بتعرض اسهمها للاكتتاب يخبرني

2. سويت نس يزاك الله خير اخويه والله يزيدك من خيره و فضله ان شا،الله

3. هلا اختي

   انصحج تدخلين بالاكتتابات

   كل شركة عندها نظام اسلامي بتلقين الشباب يكتبون عنها او انها ربويه او فيها شبهه

   وانتي اختاري اللي يناسبج

   وانصحج تدخلين بالحد الادنى يعني لاتحطين كل فلوسج بشركة وحده

   حتى اذا حصلتي على 500 سهم مب مشكله اهم شي انج ما تحطين كل فلوسج بشركة وحده

   وعاد انتي خلينهم وبعد سنه او اذا كان هناك ارتفاع كبير لاسعار الاسهم بالسوق كله بيعي

   والسنه اللي بعدها سوي نفس الشي وبها الطريقه بتقدرين تسويلج راس مال شوووي

   وشي بعد طريقه ثانيه انا مسونها

   طبعا بعض الناس كانوا يضحكون علي حتى بالمنتدى

   الحمدلله انا انسان عادي وراتبي بسيط ولا يتجاوز 4000 درهم ولكن الحمدلله ما عندي دين حتى حق سياره ولا حق اي شخص بها الدنيا

   اول شي رحت وفتحت حساب عند وسيط اسهم الظفره للوساطه وبعدين هم خلصوا اجراءات السوقين عشان ارقام مستثمر بسوق دبي وسوق ابوظبي وهذا كله بلاش وانا يالس بالدوام وكله بالفاكس بدون ما اروح عندهم او حتى اعرف مكتبهم

   وبعدين كل شهر من راتبي احط 2100 درهم بحساب الظفره للوساطه بمصرف ابوظبي الاسلامي

   واطرش لهم الوصل بالفاكس او صورة بالايميل

   وهم يضيفون المبلغ بحسابي اللي عندهم واشتري كل مره شركة وطبعا لازم ها الشركة اللي بشتريها تكون عندها هيئة شرعيه واسلامية وما عندي شركات تامين اسلاميه ولا غير اسلاميه لين الحين

   المهم 75 درهم هذي العمولة يعني يتم لي من المبلغ 2025 درهم

   2100 – 75 = 2025 درهم

   واشتري كل مره شركة مره تمويل ومره بنك دبي الاسلامي

   والمهم انه ما اشتري بشركة وحده مرتين الا اذا ما لقيت شركة اشتري فيها ارد ازيد الكميه بالشركات اللي عندي واللي هي تقريبا 9 شركات

   المهم بعض الشركات مثل تمويل وصل نسبة الربح لين الحينه 75% من راس مالي وما بعت

   ويوم احتاج ابيع من الاسهم

   مثلا قبل فتره بعت شركتين عشان اشتري اسهم اسكان تأسيس 20 الف سهم والسهم بدرهم

   طبعا كان عندي فلوس بالصكوك الوطنية ونقصني فلوس وزدت عاد من عندي من الاسهم المتوفره

   انصحج تحطين ها الفلوس بالصكوك الوطنية وتسحبينهم كل ما تسمعين انه شي اكتتاب وتشتري بالاكتتاب بالحد الادنى وتحتفظين بالاسهم

   لانه يمكن بعد 7 سنوات بتحصلين مبلغ حلو وربح طيب من كل شركة

   وبها الطريقة بتشتري اسهم بسعر السوق من راتبج وبعد بتشتري اكتتاب بدرهم

   وبما انه عندج راتب والحمدلله لا تبيعين الاسهم خاصة الاكتتاب اللي بدرهم لانه مثل ما تشوفين التوزيعات تكون بالقيمة الاسمية اللي هي درهم

   يعني مرات 15% ومرات 35% ومرات 0%

   وعلى حسب كل شركة

   وانتي اختاري اللي تبين تسوينه بفلوسج

   اختي نسيت اقووولج شي

   عاد مب كل الشركات يربحنج

   مثلا شركة الفردوس مخسرتني لين الحين

   وافكر ازيد الكميه فيها لانه اشتريتها اول ما نزلت بالسوق وكان سعرها مرتفع وقلت يمكن ترتفع اكثر بس نزل سعرها

4. السلام عليكم اخواني و خواتي عندي ٤٠ الف درهم ابا ادخلهم في الاسهم بس بشرط اتكون اسهم حلال ١٠٠/١٠٠ انا قالولي عطي بروكر و هو بساعدج بس ما اعرف اصلن كيف ؟؟؟ ممكن المساعده

   هلا اختي

   انصحج تدخلين بالاكتتابات

   كل شركة عندها نظام اسلامي بتلقين الشباب يكتبون عنها او انها ربويه او فيها شبهه

   وانتي اختاري اللي يناسبج

   وانصحج تدخلين بالحد الادنى يعني لاتحطين كل فلوسج بشركة وحده

   حتى اذا حصلتي على 500 سهم مب مشكله اهم شي انج ما تحطين كل فلوسج بشركة وحده

   وعاد انتي خلينهم وبعد سنه او اذا كان هناك ارتفاع كبير لاسعار الاسهم بالسوق كله بيعي

   والسنه اللي بعدها سوي نفس الشي وبها الطريقه بتقدرين تسويلج راس مال شوووي

   وشي بعد طريقه ثانيه انا مسونها

   طبعا بعض الناس كانوا يضحكون علي حتى بالمنتدى

   الحمدلله انا انسان عادي وراتبي بسيط ولا يتجاوز 4000 درهم ولكن الحمدلله ما عندي دين حتى حق سياره ولا حق اي شخص بها الدنيا

   اول شي رحت وفتحت حساب عند وسيط اسهم الظفره للوساطه وبعدين هم خلصوا اجراءات السوقين عشان ارقام مستثمر بسوق دبي وسوق ابوظبي وهذا كله بلاش وانا يالس بالدوام وكله بالفاكس بدون ما اروح عندهم او حتى اعرف مكتبهم

   وبعدين كل شهر من راتبي احط 2100 درهم بحساب الظفره للوساطه بمصرف ابوظبي الاسلامي

   واطرش لهم الوصل بالفاكس او صورة بالايميل

   وهم يضيفون المبلغ بحسابي اللي عندهم واشتري كل مره شركة وطبعا لازم ها الشركة اللي بشتريها تكون عندها هيئة شرعيه واسلامية وما عندي شركات تامين اسلاميه ولا غير اسلاميه لين الحين

   المهم 75 درهم هذي العمولة يعني يتم لي من المبلغ 2025 درهم

   2100 – 75 = 2025 درهم

   واشتري كل مره شركة مره تمويل ومره بنك دبي الاسلامي

   والمهم انه ما اشتري بشركة وحده مرتين الا اذا ما لقيت شركة اشتري فيها ارد ازيد الكميه بالشركات اللي عندي واللي هي تقريبا 9 شركات

   المهم بعض الشركات مثل تمويل وصل نسبة الربح لين الحينه 75% من راس مالي وما بعت

   ويوم احتاج ابيع من الاسهم

   مثلا قبل فتره بعت شركتين عشان اشتري اسهم اسكان تأسيس 20 الف سهم والسهم بدرهم

   طبعا كان عندي فلوس بالصكوك الوطنية ونقصني فلوس وزدت عاد من عندي من الاسهم المتوفره

   انصحج تحطين ها الفلوس بالصكوك الوطنية وتسحبينهم كل ما تسمعين انه شي اكتتاب وتشتري بالاكتتاب بالحد الادنى وتحتفظين بالاسهم

   لانه يمكن بعد 7 سنوات بتحصلين مبلغ حلو وربح طيب من كل شركة

   وبها الطريقة بتشتري اسهم بسعر السوق من راتبج وبعد بتشتري اكتتاب بدرهم

   وبما انه عندج راتب والحمدلله لا تبيعين الاسهم خاصة الاكتتاب اللي بدرهم لانه مثل ما تشوفين التوزيعات تكون بالقيمة الاسمية اللي هي درهم

   يعني مرات 15% ومرات 35% ومرات 0%

   وعلى حسب كل شركة

   وانتي اختاري اللي تبين تسوينه بفلوسج

Comments are closed.