عندي 100.000 الف درهم وابا استثمرها بس نبا المساعده

28 thoughts on “عندي 100.000 الف درهم وابا استثمرها بس نبا المساعده”

1. أخوي ,

   اتمنى لك الخير بس عندي سؤال لك :
   هل المبلغ زيادة و لا هذا كل ماتملك؟
   عندك وظيفة؟ و لا راح تعتمد على المشروع؟
   انت تريد توقف على المشروع بنفسك و لا حد يديره

   أخوي انا ما اريد أطيل عليك, الأخوان مشكورين قاموا بالواجب , بس الواضح انك محتار و ما عندك قرار؟ أخوي التجارة شو ما كان نوعها فهي تجارة , يعني ما فيها ضمان , و على قولة الوالد يوم قال لي ( ياولدي اثنين ما فيهم خسارة , الأرض و البنيان ,,, ان كان حالهم الآن واقف فلابد يجي يوم و يتحرك) .
   أخوي المبلغ اللي عندك ما حد يقدر يضمنه الا نفسك , و من جاك بمشروع على حد قوله مضمون فأنا أقول لك نصيحة مشى عليها أغنى رجل في بابل ( على فكرة هذا كتاب يستاهل القراءة للي يحب يعرف بإختصار أصول التجارة) , النصيحة هي ( أعط الخبز لخبازه!!!) , المقولة واضحة و معروفة بس قليل اللي يبحثون عنها و يطبقونها , كمثال : اذا انت في الشارقة ممكن تروح لدوبي (ما عنده سيارة) و تقترح عليه انك تشتري سيارة و تدخل شراكة معه في التوصيل , هنا انت فدته انه يعرض خدماته لأناس اكثر و في المقابل هو ممكن يعجبه هذا الباب و يمشي معه فيه , طبعا يكون اتفاقك معه على اساس استقطاع شهري تحسب في عمر السيارة و فايدتك , ( مثال / سعر السيارة 60000, تحسبها على 3 سنوات / 36 شهر, يكون الشهر تقريبا ب 1700 , ممكن انت تطلب منه 3500 شهريا او أكثر لكن في نطاق المعقول , تكتب معه عقد و نهاية كل شهر هو راح يسلمك المبلغ , و لا تنسى ان السيارة لازالت لك, بعد نهاية ال 3 سنوات را ح تشوف ان ارباحك تقريبا بتكون 100% مضاف عليها السيارة , شو ما جابت لك السيارة عند بيعها بيكون ربح ) أخوي طبعا هذا مثال و المجال مفتوح لك و للأخوان للإبداع و ايجاد افكار ثانية.

   احرص أخوي على دراسة افكارك و فهم السوق و ترى الوعود ما تفيد في هذا الزمان او غيره, المهم انك تعرف البحر اللي راح تدخله و تعرف عمقه و نوع الرياح فيه, و ان قال لك احد عن تجربته سمعه بس لا تقنع نفسك ان فكرته ناجحه لك بعد,,, لأن رب العالمين لما وزع الأرزاق نوعها,, فممكن واحد يكسب من وراء مطعم ملايين و أخوه ما حصل الا الخسارة من وراه , لكن خساره مدروسة احسن من خسارة قلة الدبرة,

   و نصيحتي الأخيرة , لابد تسأل نفسك قبل ما تبتدي المشروع : هل فيه مخرج من المشروع او لا؟ يعني ان خسر في يدك هل ممكن تبيعه او لا؟

   اتمنى ان ما اطلت عليكم
   و السموحة

2. شكرا للجميع على مشاركاتكم الطيبه

3. موفق بإذن الله … لك مني أجمل تحية .

4. دور لك على ثلاث ابراج او اكثر ويكون فيها محلات فاضية وما في عدالها محل لكوي الملابس وافتح ما راح يكلفك شي وأجر المحل بعدها واستلم شهرين

5. مازال البحث جاري عن الانسب والافضل

Comments are closed.