عندي 500 ألف درهم وين اشغلهم او اسثمر ,,,

25 thoughts on “عندي 500 ألف درهم وين اشغلهم او اسثمر ,,,”

1. أخوي الكريم …

   الصراحة أشكر فيك رغبتك في الاستثمار والعمل الجاد لأنه لازم شباب البلد يفكرون في مصادر دخل ويقتنصون الفرص الموجودة سواء داخل او خارج الدولة .. وقلة من الشباب اليوم ما يفكر في الاستثمار والتجارة بل اعتماد على الرواتب وغير ذلك الفئة اللي تفكر في الاستثمار تريد احد ياخذ الفلوس ويستثمر لهم يعني ماشي فكر تجاري استثماري الا عند القليل … وأقصد الواحد يبحث ويجمع معلومات ويحاول انه يوصل بنفسه لطرق استثمارية لانه في العادة انه من يستثمر لك ياخذ نسبة من الارباح انته اولى بها لو كنت صاحب الفكرة والمباشر فيها …. وما في عيب انه احد يستثمر لك لك ن لابد من التفكير والمبادرة وفي البداية قد يسثمرون لك ولكن اجعلها نوع من الشرارة ولا تعتمد عليها كثير … وانتبه لازم تدرس الموضوع مع اللي بيستثمر لك في البداية عشان تكتسبخبرة المشاريع والافكار وخلك خطوة بخطوة معاه .

   عادة اللي عنده مبلغ بسيط لازم ينظر لموضوع زيادة رأس المال ويركز على الموضوع هذا من اجل انه يقتنص الفرص في المستقبل ..

   عموما اخوي طولت عليك وعلى الاعضاء … عندي فكرة للاستثمار خارج الدولة وتحديدا في الهند وفي مجال العقار واعادة بيع الاراضي بنسبة ربح اكبر من الامارات ولتكبير رأس المال ولازم الشخص يكون عنده القدرة للسفر ولو لأيام لمعاينة الموضوع عل ارض الواقع.. اللي عنده رغبةفي التعرف اكثر على الموضوع مراسلتي على الخاص

2. انا ما عندي فكرة
   بس
   عندي دعوة لك
   اسال الله ان يوفقك

3. سير اشتري في صكوك الوطنية

   علا وعسى وفالك البيرق

4. بالتوفيق ان شاء الله

5. نصيحه لك تزوج واشتري راحه البال

   بلا اسهم بلا بطيخ عيش حياتك

Comments are closed.