عندي 500 الف وابا ابني فيلا!! ساعدوني

One thought on “عندي 500 الف وابا ابني فيلا!! ساعدوني”

1. بسم الله الرحمن الرحيم

   بما انج بتدفعين من جيبج الخاص.

   انا اقترح شيئين:

   1- تبنين عظم:-

   يعني يبني المقاول الفله بالحجم والشكل اللي انتي تبينه(من قواعد وخرسانه وطابوق وتمديد الكهربا والماي والبلاستر بس واانواقص كالصبغ واثاث المطبخ والاطقم الصحيه والابواب والنوافذ تكون عليج

   الفايده:اثناء ما هو يبني تكونين انتي جمعتيلج شي تكملين فيه هالنواقص.وسواءا تخلينه هو يكمل او بنفسج تروحين للنجارين او الحدادين او الديكور والصباغين وتتفقين معاهم بيكون ارخصلج وايد.

   ملحوظه:الاعمال اللي يقوم فيها المقاول مب شرط علي ما قلت يمكن تزيد الاعمال او تنقص علي حسب السيوله اللي عندج.

   2- تصممين الفله بقيمه مثلا مليون تتعاقدين مع المقاول ويقوم بالبناء لحد ما تخلص فلوسج وتقوليله وقف لين ما اوفر مبلغ لحد ما تخلص الفله.

   اتمني اني اكون نفعتج بشي وربي يسرلج امورج وتتوفقين ببيت الاحلام.
   وحاضر لاي استفسار

Comments are closed.