السلام عليكم
اشحالكم؟
شو اقولكم يا جماعة الخير
اليوم عن طريق الصدفة شفت شي يتحرك بسرعة و ركب عالباب الغرفةفي الدور الثاني ويوم ركزت شفت هالعنكبوت الغريب وحجمه كبير جدا كبر كف اليد
مسكته بطريقة احترافية….وحطيت فالقوطي الزجاجي
وسلمنا من شره الحمدلله
والسموحة عالتصوير لان العيال
كانوا مسوين يولة وحفلة بسبب العنكبوت
اذا حد منكم يعرف نوعه او سام ؟؟؟؟ 
*****************
يسمونه: شبث و يقص العقرب نصين
اخوي الحمدالله انه الله سلمكم من شره لانه هذا العنكبوت يسمونه بوشبك
ولدغته اخطر والعن من العقرب يعني الواحد يلحق او مايلحق للمستشفى ويظهر في اوقات الصيف وفي الامكان الصحراوية او السيوح انته وين ساكن
وبعدين هذا العنكبوت لدغته اقوى من العقرب ومعلومة ثانية اكيد انه العقرب يوم يبا يروح او يرد من مكان يتكفل هذا العنكبوت بحمل العقرب على ظهره وتوصيل لاي مكان يرديه والاجر طبعا انه يقوم العقرب باعطاء هذا العنكبوت كمية كافيه من السم وحتى عند قتل هذا العقرب لونه اصفر بس بعد ماتموته يتغير لونه للاسود من كثر السم الي فيه
والله المستعان والل يكفينا ويكفيكم شر الحشرات
هو سام لدغته نفس العقرب تقريبا ويطلع بوقت الحر نشوفه صوب ساحة المسجد بالليل أيام رمضان يوم أنصلي صلاة التراويح ونسميه بالعاميه أبو نديس
مادري والله اذا سام ولا لا
بس العناكب السامه اغلبها اطرافها ماتكون سيده جيه
تحسها مشعره ومن شكلها وحشي
اما عن هالنوع ماعرف والله
وزين يوم انك زخيته
وتستاهل السلامه
على ما أظن أظن
نخنا متعارفين عليه انه نوع من العقارب
نعرف العقرب الي في ذيل
بس هذه يطلقون عليها يمل عقرب على ما أظن
يتواجد في الصيف والحر وله سرعه في الحركة أعوذ بالله منه
بس هل هو عنكوب أو عقرب الله وأعلم
والله سلمكم منه