السلام عليكم
اشحالكم؟
شو اقولكم يا جماعة الخير
اليوم عن طريق الصدفة شفت شي يتحرك بسرعة و ركب عالباب الغرفةفي الدور الثاني ويوم ركزت شفت هالعنكبوت الغريب وحجمه كبير جدا كبر كف اليد
مسكته بطريقة احترافية….وحطيت فالقوطي الزجاجي
وسلمنا من شره الحمدلله
والسموحة عالتصوير لان العيال
كانوا مسوين يولة وحفلة بسبب العنكبوت
اذا حد منكم يعرف نوعه او سام ؟؟؟؟ 
الحمد لله على سلامه ياخوي ياريت لو تبلغ الجهات المختصه علشان يمكن في ارشادات يخبرونك عنها
شو تبااااااااه ميودنه لين الحين
اجتله
الحمد الله على سلامه اهل البيت
اليوم اتصلبي دكتور من البلدية وقالي اي جرأة تملك!؟
قال تعرف ان هذا العنكبوت هو الحشرة الوحيده التي تتفوق على العقرب وتستطيع قتله
والحمدلله ان ما لدغ حد منكم. وحركته سريعة جدا جدا
وقال الدكتور ان هالنوع يعيش في المناطق الصحراوية فقط شو الي يايبنه الى خورفكان
.قلتله يمكن المالك زاد الاجار عليه اهناك,ضحك الدكتور
وعطاني العنكبوت والحين عندي فالبيت حي
الله يبعد العناكب السامة عنا وعنكم
لأن اخويه شاف نفس العنكبوت عندنا..المشكلة مانقدر نرش لأن هالمكان كله فيه طيور..