الموضوع هذا يمكن يثير حفيظة البعض و لكن هالشي قاهرني و اذا انا ما برمس و غيري ما بيرمس عيل منو بيرمس؟
المكان = فستفال سنتر دبي
الكوفي شوب = بتيل
المحل المقابل = لاسنزا لملابس النساء الداخليه
طبعا لان فستفال قريب من مكان سكني..كل فتره اسير.. و احيانا اكثر عن مره اسبوعيا…
ملاحظاتي = نفس الشباب دوم في الكوفي شوب و عيونهم مبحلقه في المحل النسائي المجابل
في المقابل المحل النسائي متروووس بنات و حريم و مكانه صدق مكشووف و الاضائه الحلوه ..و الوحده يوم تشل قطعه في يديها..الشباب يشوفون من بعد ميل شو اختارت و اي لوون!!!
ليش كتبت الموضوع : كنت اتحرطم على واحد من اخواني ” لا تستغربون اخواني و لله الحمد واعين و متفهمين و نقدر نرمس في اي موضوع مهما كان”
قال انه يعرف واحد ” مب ربيعه بس يعرفه” هذا من رواد الكوفي المذكور..و كل يوم يسير له..و احلى حظ يكون في الايام اللي يلقى مكان فاضي في اول طاوله مجابله المحل المذكور!
مب قادره استوعب شو المغزى من اليلسه هاي! ريال ولد عرب و قبايل و يعرف المذهب ما بيداوم في الكوفي يوميا بس بسبب المحل المجابل!
و بالنسبه للبنات..ما يحلالهم الشوبنج الا في هالمحل مع ان وايد محلات ملابس نسائيه في فستفال و مستووره..بس حلاته يوم تشل القطع في يديها و توقف مجابله الباب..يلا شوفوا ذوقي حلو!!!
الموهيم لولا الحيااااء و لولا حشيمتكم جان خضت في الموضوع و شرقت و غربت..بس اتمنى ان الفكره تكون وصلت
و في النهايه التوضيح = الغلط يقع على المول نفسه و على شباب الكوفي هذا و على البنات اللي يتشروون من المحل بدون اي اعتبار للي مبقق عينه برع يطالعهم! عشان تعرفون اني ما ادافع عن اي حد منهم..الغلط يقع عليهم جميع …
و انا شخصيا خليت ربيعتي تدق للفستفال تشتكي عن هالامر..و قامو يستهبلون و يسوون عمارهم مب فاهمين..
اتمنى من الجميع باجر رفع سماعة التلفون و الاتصال بالمووول .. لان يد وحده ما تصفق و اتمنى منكم المساعده في هذا الامر..و ان شاء الله يتخذون اجراء سريع يوم بيشوفون خلق الله هابين فيهم ..لان مهما كان نحن عرب و مسلمين و ما نرضى بهالمصاخه اللي ياسه تستوي و اغلب ابطالها و بطلاتها من البلاد بعد..يتحرون محد منتبه لهم و لا يدريبهم!!
و اللي يشك في كلامي هكو فستفال..سيرو على الاقل يومين او 3 ايام ورا بعض بتعرفون عن شو بالضبط انا اتكلم..خصوصا الوجوه المكرره .. و وين العيون مسنتره!
و سامحوووووني 
am sorry
هههههههههههههههههههههههههههههههههههههههههههههههههه ههههه
الله يهديك يا رحال ضحكتني ضحك على
عادي تحصلون واحد حاط عينه وامشغل الزوم
ههههههههههههههه
عادت جيمس بوندة في مغامرة جديدة
صح كلامج وبقول الحقيقة ترى في بعض البنات يعيبهم هالشي
والغلط انه ادارة المول اكييييييييييييييييييييييييييييييييد اجنبية
والحقيقة ان ما في اي حد بيسويلج ساااااااااااااااااااااااااالفة
بس الله يعين الشباب اسميج شوهتي سمعتهم
والله يكون في العون
1 في ناس تحجز الطاوله وتدفع فلوس علي الحجز
2 انصح الريال يدخل مع زوجته لانه في محلات يكون فيها البياعين ريايل
3 المفروض انه زجاج المحل يكون مضلل
4 في محل نفس قصة هذا المحل بعد في مركز سنشري الكوفي ومحل نعومي امتار مابينهم عادي تحصلون واحد حاط عينه وامشغل الزوم
5 حاسبو من غرف القياس لانها تكون فيها كيمارت اذا مب من المحل تكون من الموضفين
^
^
اظني حريم لوووول
/
نحن عدنا نفس قصتكم ختيه
المحل مجابل الكوفي
بس الحمدلله مغطاي يعني مايبين اي شي من داخل
ماخذين حريتنا شوي فالشرى لانه محد يشوفج ولا شي
ان شاء الله بس يسمعون لكم ..
عندي استفسار الي يشتغلون في المحل حريم ولا رجال