الموضوع هذا يمكن يثير حفيظة البعض و لكن هالشي قاهرني و اذا انا ما برمس و غيري ما بيرمس عيل منو بيرمس؟
المكان = فستفال سنتر دبي
الكوفي شوب = بتيل
المحل المقابل = لاسنزا لملابس النساء الداخليه
طبعا لان فستفال قريب من مكان سكني..كل فتره اسير.. و احيانا اكثر عن مره اسبوعيا…
ملاحظاتي = نفس الشباب دوم في الكوفي شوب و عيونهم مبحلقه في المحل النسائي المجابل
في المقابل المحل النسائي متروووس بنات و حريم و مكانه صدق مكشووف و الاضائه الحلوه ..و الوحده يوم تشل قطعه في يديها..الشباب يشوفون من بعد ميل شو اختارت و اي لوون!!!
ليش كتبت الموضوع : كنت اتحرطم على واحد من اخواني ” لا تستغربون اخواني و لله الحمد واعين و متفهمين و نقدر نرمس في اي موضوع مهما كان”
قال انه يعرف واحد ” مب ربيعه بس يعرفه” هذا من رواد الكوفي المذكور..و كل يوم يسير له..و احلى حظ يكون في الايام اللي يلقى مكان فاضي في اول طاوله مجابله المحل المذكور!
مب قادره استوعب شو المغزى من اليلسه هاي! ريال ولد عرب و قبايل و يعرف المذهب ما بيداوم في الكوفي يوميا بس بسبب المحل المجابل!
و بالنسبه للبنات..ما يحلالهم الشوبنج الا في هالمحل مع ان وايد محلات ملابس نسائيه في فستفال و مستووره..بس حلاته يوم تشل القطع في يديها و توقف مجابله الباب..يلا شوفوا ذوقي حلو!!!
الموهيم لولا الحيااااء و لولا حشيمتكم جان خضت في الموضوع و شرقت و غربت..بس اتمنى ان الفكره تكون وصلت
و في النهايه التوضيح = الغلط يقع على المول نفسه و على شباب الكوفي هذا و على البنات اللي يتشروون من المحل بدون اي اعتبار للي مبقق عينه برع يطالعهم! عشان تعرفون اني ما ادافع عن اي حد منهم..الغلط يقع عليهم جميع …
و انا شخصيا خليت ربيعتي تدق للفستفال تشتكي عن هالامر..و قامو يستهبلون و يسوون عمارهم مب فاهمين..
اتمنى من الجميع باجر رفع سماعة التلفون و الاتصال بالمووول .. لان يد وحده ما تصفق و اتمنى منكم المساعده في هذا الامر..و ان شاء الله يتخذون اجراء سريع يوم بيشوفون خلق الله هابين فيهم ..لان مهما كان نحن عرب و مسلمين و ما نرضى بهالمصاخه اللي ياسه تستوي و اغلب ابطالها و بطلاتها من البلاد بعد..يتحرون محد منتبه لهم و لا يدريبهم!!
و اللي يشك في كلامي هكو فستفال..سيرو على الاقل يومين او 3 ايام ورا بعض بتعرفون عن شو بالضبط انا اتكلم..خصوصا الوجوه المكرره .. و وين العيون مسنتره!
و سامحوووووني 
شـكــ وبارك الله فيك ـــرا لك … لك مني أجمل تحية . ألف مبروك .. لقد سعدت بهذا الخبر
__________________
hلصراحة انا كنت يالس فية مع شباب اليوم، و ما يت عيننا على محل الحريم هذة.!! هاي المشكلة في اللي يطالعون ،و مب في المكان. لان البنات في المول كلة و اللي يبي يشوف، يقدر في اي مكان.
المفروض يغطون جزء من الزجاج.و لو البنت وياها ريال ما يتجرأ رجل يحط عينها عليها.
لا تعلــــــــــــيق
جد يلست في هالكوفي ========> يمدحون قهوتهم العربية
بس ما لاحظت في محل حريم ===========> حليلي وايد برئ
بنسير انجيك مرة ثانيه ==========> بس عشان اتأكد
والذنب عليج
الحين انتي سويتي دعايه =======> اتوقع باجر زحمة رهيبة في الكوفي وفي الوييكند ضرب نعل على الطاولات المجابله للمحل
الحل بسيط ==========> يغطون المحل بجلاد دعايه للمحل….
ولكممممممم هوووم سنيوريتا دوباي بيبي