انا طرحت موضوع إذا حد بيبدل وياي بعطر مقابل عطري اوكي
وقلت إذا حد يبا يشتريه ماعندي مشكله .. وذكرت لهم اني ماعرف سعره لأنه واصلني هديه

وشخص كتب فالمنتدى سعر العطر 320

واحد راسلني في الخاص قالي ب270 بيشتريه .. قلت له توكل على الله وخذه

اليوم الثاني قالي إذا ب250 باخذه بعد ماقلت له اوكي ب270 كل ساعة يغير رأيه

عقب رد قال خلاص باخذه على 270 طرشه بدع زاااااايد

المهم .. رحت آراميكس وطرشت العطر .. قالولي بنوصله له يوم السبت لأنه بدع زايد بعيده

قالولي التوصيل ب40 …. وبنرجع لك الفلوس ب40 … قلت مب مشكله ولا يزعل الريال
آخر شي شوفوا رد علي

بوشراع

خلاص اخوي طرشه اب 270

أوكي … باجر بإذن الله بطرشه الصبح فالشحن أراميكس ..

عطني

بياناتك … يطلبون الأسم الثلاثي ورقم التلفون والمدينة

أعتقد انته قلت لي بدع زايد …. اقولهم بدع زايد ولا ابوظبي ؟

ورقمك موجود في رسالة ثانيه
باقي اسمك الثلاثي ..
بوشراع

الأسم …………………

050xxxxxxx

بدع زايد

طرشت لك العطر بالأراميكس … قالوا يمكن يوصلك يوم السبت

إذا ياك رقم غريب رد عليه لأنه مال الشحن بيتصلبك ..

بوشرااااااع

اخوي ارامكس مايوصلو بدع زايد انا لقيت هذا العطر اب 190 درهم

كيف تقولي اب 320 او 270 خلاص كنسله اذا اب 270 اذا
190 درهم طرشه والسموووووووووحه
يوم انه بيحصل نفسه بهذا السعر شو جابرنه يشتري مني وأنا من الشارجة

وغلا عيااااال بدع زااااااايد اني مارجع أستلم العطر من الشركه لو رجع … ولو خذه مابرجع أستلم الفلوس بعد هالحركة …….. مب ياهال أحنا عسبت كل ساعة يقولي رمسه
نصيحه لك تاجر اول اي شخص يبا يبيع ….. قبل لاتطرش السلعة أضمن فلوسك .. ولا هالصغارية عليهم حركات مالها دااااااعي
يالليت الأدارة تتخذ قرار بهذا الموضوع

هذا رابط الموضوع السابق

هذا رابط العضو


__________________

9 thoughts on “عيب ياعيال بدع زااااااايد خيبتوا ضني فيكم”

  3. الحمدلله تعاملت مع وايد ناس والصراحة نفس هالصغارية جابلوني بس ثنين

    الله يعينك حبوووب

  5. صـلي عالنبي اخوي ولــد البلاد ….

    هالحــركات تستوي وآآآيد خصوصا فالتـجارة الالكتـرونية..لاتتحسس وآيد منها….

    وانا صـارتلي كـذا مرة عشان جذه اخذ معلوماتهم واخليهم يطرشونلي مـسجات بالبداية عشان اعرف انهم جـادين…

    انا شـوري انك تاخذه من ارامكس وتتعطر وتكـشخ فـيه وتعـيش حياتك :d

    والسـموحة منك…

Comments are closed.