عيد الإتحاد

ياحـــروفي قومي لبي جيـــت أبكتبلج قصيــــــد
والقصيـــد اللي بغيته ما هو حب”ن” أو عتـــاب

ناظرت عيني وقــــالت مــــــا هو وقتك يالعنيـــد
لي متى وانته تعاني بين صــــــــــدات وغيــــاب

قلــت لا والله وقتي .. هــــذا هـــو وقتي أكــيـــد
واسمحيها لي لــعيدي وافتحيله ألـــــف بــــــاب

قالت احروفي تـــمــهــل حبه حبه بــــوالقصــيد
ما فهـمت اللي تبيه ولـــــو تــــوضح باقتضـــــاب

وشهـــــو هــــذا العيد ياللي به تنادي بالنشيـــد
لا ورب الــــكون تحــــكي ولاتقصـــر بالجــــــواب

قلـــت هــــذا عيــدي آنــــا وعـيد ابويه ولك بزيد
عيــــد أمي وعيد أختي وعيد ربـــــعي والشبـاب

هـــــذا هـــو العيد الذي بــه عــــيدنا مليون عيـد
وان بغيتي الـــــــــزود هذا عيد ديســــمبرأنــــاب

يــوم لــــم الشيخ زايـــــد كــــــل أيادينا بايــد
واصبحت هامـــــت بلادي فوق هامات الســـــــحاب

ناظــــري وجــــه الحضـــاره والتطور عالصعيـد
الســــياســي والثقـافي والــــرياضي بانــعجاب

قالت احروفي أبســــأل عــن سؤال”ن” هو فــــــريد
كيــــف يا خلي قــــهرتوا المستحيـــــل بــلا عذاب

كيف كنتوا وكيف صـــرتوا وكيف لينتــوا الحديــد
كيف تبـــــــني فـوق صحــــرى مننظرها فيك عاب

قلت ربي هـــو عطـــــانا زايــد اللي بـــه نشــيد

هو فخــــــرنا وهــــو أملنا وبالمعالي هو شــهاب

زايـــــد اللي قــــــال هيــا يا وطن قـــوم استزيد

بالعزيمـــــة والإرادة والتــــمســـك بالكتـــاب

قالت احروفي ولكــــــن حالكــــــــم أصبح شديد
لان زايد عــــــن سماكم غاب والباقــــــي سراب

قلت لا زايـــــد وربي حــــي في قلوب الـــــعبيد
ما رحل والكــــــل يـدري بانه ولكـــــنَّ غــاب

في خليفـــــــه وفي محمد عهدنــــا يبقى وطيـد
يا شيوخ العز سيروا دربـــــــــنا درب الصــــواب

مــــا نحيـــد ولا نفكر عـــــن درب زايد نحيــــد
وان شربـــــنا المـــــر يبقى مرنــا حلـوالشراب

هـــــذا هـــو عيد اتحــادي عيد دولتنا المجيد
غردي يا حـــــروف شعري والبسي حلوالثيـاب

يااماراتي سنمـــــضي للـــــمعالي مــن جديد
حقــنا مــــا دام فينا قائـــــد يهوى الصــعاب

يــــا إلـــه الكــــون فارحم زايـــد الخيرالفقيد
واجعل الأفراح تكسوا مــــــوطني دون الخراب

كل عام وانتم بخير .وان شاء الله يدوم عليكم الامن و الامان لمواطني ومقيمين هذا البلد المعطاء
وبارك الله فىالشيخ خليفه بن زايد ال نهيان واخوانه الشيوخ حكام الامارات
وارحم الشيخ زايد ومكتوم وأدخلهم فسيح جنانك و جعل قبرهم روضة من رياض الجنة