السلام عليكم ورحمة الله وبركاتة ،،،اخواني اخواتي ــ صبحكم الله بالخير والسرور ،، لقد قمنا اليوم برحلة صباحية الى سيح السلم صوب فندق باب الشمس عند قرية القدرة ،، وكان الجو اكثر من رائع ولطيف جدا وبارد ، وكانت الغدران او الشطوط موزعة على الشارع يمين ويسار وشي منها داخل ماتنشاف من الشارع العام ،، واحسن يوم تتريق على اطراف الغدير فوق العرقوب تأكل وتتمتع بالجو الهادي و صوت الماء والعصافير ،، شدوا حيلكم وسيروا هذا المكان بتتمتعون انتوا وعائلاتكم ،،،،
،، اترككم مع الصور تراني مصور بالتلفون يمكن هوب واضحه والسموحة منكم ،،،
سبحان الله
تعرفين ليش ماحطينا وايد في الطبقة لأني انا الوحيد الي تريقت قرص ولبن اما الباجين تريقوا قرص و روب ،،
الحمدلله كان الجو رهيب،
حاضرين للقرص تعالوا صوب باب الشمس باجر وبنطرش القرص صوبكم ،،،
الله يسلمج اختي العزيزة ،،، وشكرا على مرورك الطيب ،،،
ماشاء الله ما حطيتو شي بالطبقة هههههه>> بالعافية
والاجواء رووعة صراحة ..يا سلاام بس
يلا اهم شي استانستو
خلاص عاد عليك قرص بلبن البوش .. لا اتعذر ^_^
..
تسلم عالموضوع
ربي يدومها من نعمة ..تسلم اخويه ربي لاهانك