غرقت دوبه دلما دانه 3 المخصصه لنقل البضائع والسيارات الى دلما مساء يوم الاربعاء وكان على متنها 9 اشخاص 5 من الجنسيه الهنديه و4 باكستانين
وقد عثر على باكستاني على قيد الحياه بعد ان جرفته مياه البحر الى احدى جزر الدوله
كانت العباره تحركت يوم الاربعاء الساعه 10،30 صباحا متجه الى جزيره جرنين لنقل سيارات محمله ببضائع ،عند الساعه السادسه مساءا فقد الاتصال بها
وقد اكد الناجي الوحيد ان العباره انقلبت بعد ان تحركت السيارات بفعل الرياح والامواج على طرف واحد من الدوبه ادى الى انقلابها
ولم تستطع فرق الانقاذ للتحرك للبحث عنها لسؤء الاحوال الجويه
الله يرحم الجميع
صح انا معاك على انهم عريفين بأمور البحر اكثر من هل البر
بس يوم انهم ظهرو البحر كان هاادي ماشي مووج
و بعدين هم للعلم .. ان الدوبه جديمه و امور السلامه فيها ما اعتقد لهذيك الدرجه اللي تمكنهم
من انهم يتمكنون من السيطره على هالمواقف
و الحادث صار بسبب حركه السيارات المفاجأه في طرف واحد من السفينه اللي ادى الى فقد التوازن فيها
و السموحه اخوي ^^
بصراحه مش عارف شو الي في مشاركتي الحلوه على قولتج الي خلاج تشتركين في المنتدى بس على قولتج عشان تردين علي !! هل هي كلمه حماقة !!
قلت الله يرحمهم برحمته وان الارصاد الجوية تحذر من ارتياد البحر ،، واعتقد ان هالعاصفه ما طلعت فجأة ،،يعني اهل الارصاد الجويه يقدرون يتوقعون حالة الجو لاسبوع جدام،، وتقدرين تسألين اي حد يشتغل في الارصاد،، بعدين هذيل اهل خبرة اكيد الي كانوا في العباره ،، يعني ما بيخفى عليهم مثل هالتفاصيل البسيطه وقوانين الامن والسلامه ،، يوم شافو الموج عالي كانو يقدرون يتلافون هالمصيبه ،، بس مثل ما قلت في مشاركتي الحلوه قبل ان هذا قضاء وقدر ،،
وللمرة الاخيره الله يرحمهم برحمته واذا ما غرقوا ان شاء الله يحصلونهم
إنا لله وإنا إليه راجعون
رحم الله جميع موتى المسلمين
إنــا لله وإن إليــه لراجعـون
السلام عليكم و رحمه الله و بركاته
بالاول مشكور اخوي عالخبر اللي هز جميع افراد اليزيره من صغيرها لكبيرها
و اشكر الاخ ريفي على وقفته الانسانيه مع سكان اليزيره
اما الاخ جنرال
انا بسبب مشاركتك الحلوة هذي شاركت بالمنتدى و اترييت التفعيل بس عسب ارد عليك ..
وردا على كلامك
صحيح ان الارصاد الجويه حذرت من ارتياد البحر في هالوقت
بس للعلم ان الدوبه ظهرت من اليزيره قبل هالاعلاااان
يعني هم هب عارفين ان الجو بيتغير بهالسرعه اللي لاحظتها انت و غيرك من الناس
و اكيييد بيظهرون دامها الوسيله الوحيده اللي تربط اليزيره و سكانها بباجي الدوله من بعد الطايره اللي امر فيها الشيخ محمد بن زايد ربي يطول بعمره
و الدوووبه من الاسااس تنقل سيايير و بظايع و تنقل ركاااب بعد
بس الحمد الله ان هالمره اللي ظهرت بها الدوبه كانت لجرنين مهب لجبل الظنه لان لو كانت ظاهره لجبل الظنه لكان عدد المفقودين اكثر عن هالعدد بواااايد
و لحتى الحيين الدوبه مختفيه مااشي اي اثر لها
صحيح في ناجي واحد بس البااجي مفقودين لحتى الحين
و الحمااقه خلها لاصحابها تراهم ظهرووو قبل اعلان الارصاد الجويه
و لو كان شي اعلان قبل هالحاله كان تكنسلت كل الرحلات اللي تربط اليزيره من باجي الدوله
ربي يرحم اللي توفوو و يرجع الناجين يااارب
وثانكس ^^