السلام عليكم ورحمة الله وبركاته ..

اول شىء احب امسي عليكم بالخير .. واتمنى ان الكل مرتاح.

عندي موضوع مهم للنقاش واتمنى من الكل النقاش فيه و عدم تطور الموضوع ووصوله الى مواضيع ثانيه مب مهمه ..

موضوعي اليوم عن غلاء المعيشه الي صاير عندنا في الأمارات ..

السكن وارتفع .. ( مع اني ساكن حمدالله ساكن في بيت الدوله ) .. والغذاء وارتفع…. وكل شىء ارتفع .. بترول وغيره ..

تصدقون ان جار بيت خالي .. مدير عام كارفور .. انجليزي .. يقول ان وصلته اسعار سنة 2007 و في بضايع تم زيادة اسعارها 48% .. تعرفون شو يعني …؟ يعني لو شىء ب 10 يستوي ب 15 .. وهكذا ..!!

اسير مطعم واتعشى .. مثل مروش .. زمان كان الدجاج ب 15 الحين ب 20 .. ترا البترول ارتقع !!!!
اسير آكل ايس كريم من باسكن روبنز .. اول كان ب 10 الحين ب 12 ..
اسير السينما اوني اطالع فلم .. كان 25 وصار ب 30 .. وتوه ارتفع واستوى 35 ..!!!
ازيدكم ..؟؟!!!!!
مب يعني انننننا عايشين بالحافه بس صدقوني الأسعار تطلع يوميا ومحد يتكلم .. واذا اتكلمت يقولون انك مواطن .. تراه يبيض بيزات .. والله حاله…

9 thoughts on “غــــــــــلاء المعيشــــة”

  1. لازم نحن بعد نتغير وإنماشي الوقت اللي نحن إنمر فيه وإنعود عمرنا على التغيرات اللي

    إستوت إذا الأسعار إتغيرت لازم نحن بعد نتغير من كم سنة ماكنا نسمع عن كارفور

    خلونا نرد لجمعية الإتحاد والايس كريم من باسكن روبنز ب10 على إشوه خذوا

    أيس كريم غيره شي أشكال وأنواع واللي يقول كواليتي وماكواليتي تراه هو كله

    حليب وشكر وشوية كاكاو يعني مافرقت وايد والسينما نزل افلام من النت وإشترلك

    جهاز دي في دي وفك عمرك يعني دورلك حلول عشان تفتك من عقد الأسعار قبل ما

    عقد الأسعار تفتك منك عقب عمر طويل إن شاء الله وسلامتكم

  2. الغلاء موجود وبدأ يظهر جلياً يوم بعد يوم

    أخي المجنون لا بد من الاستغناء عن بعض الكماليات أو التقليل منها لكي تسد فرق السعر بالسلع الرئيسة

  3. عذاب الأمس .. صدقتي …
    اخوي بو سعود .. الله يعينا و يصبرنا .. بيي يوم اعيالنا بحسون بالي صاير .. !!!

Comments are closed.