السلام عليـــكم
لاحظنا في الفتـرة الاخيــرة زيادة اسعار العقارات في الفجيــرة حتى بدأت الجرائد تكتب
في هالموضوع ، بصراحة الملاك ما عندهم رحمـة في زيادة السعــر وللأسـف المكتب اذا عرض
عقار وكان غالي الناس يسبون المكتب مب راعي العقار لان على بالهم المكتب اللي يزيـد
بصراحة لازم نحارب الغلاء لو بالقليل هناك ناس ما يقدرون يدفعون مبالغ كبـيرة عشان يستاجروا شقة
او بيــت او يشتروا ارض ولا فيلا ولا محلات
كل الامارات نزلوا سعرهم الا الفجيـرة … لــيش على راسهم ريــشة مثلا ..
اتمنى من جميــع رواد هالمنتدى مساندتي في هذا الامـر
هيه و الله ياخوي
اسعار العقارات صاير مو طبيعي في الفجيرة
و كل مالك يتنافس مع غيره في رفع السعر
و كلنا نعرف مشكلة الكهرباء في بعض العقارات
الناس محتاية و يالسه تزيد على نفسها في هالقروض و الملاك ما يرحمون باسعارهم
الله المستعان
اسعار وهمبه من البائعين لمجرد ايهام الناس بارتفاع الاسعار ..
سير دايرة الاراضي وخذ كشوفات البيع والشراء بتشوف ان محد يشتري بهالاسعار اصلاً
بصراحه موضوع خطير جدا لانه بالفعل العقار بالفجيرة ما يسوي والاسعار خيالية وسبب ارتفاع الاجارات بانه ماشي كهربه العرض قليل والطلب كثر فعسب جيه ارتفعة الاسعار ومن فترة رحت اسال عن فيلا عسب الاجار جان اتصلة عالرقم الموجود رد علي هندي وجان يوجل الاجار السنوي 300 الف وبالشهر 25 الف جان اضحك جلت الظاهر انا برع الامارات
كلامك صحيح أخوي..
وأنتوا دوركم في الحالة ..
عدم عرض عقار المالك اللي يبالغ في سعره..للمصلحة العامة ولسمعة مكتبكم وللأرجاع الثقة بالمكاتب مثل قبل..
ومحاولة افهام الملاك ان هالشي يظر بالمصلحة العامة..وشي غير طبيعي..
واللي يزيد ويبالغ بسعر عقاره…تراه هو قاعد يرفعه على نفسه وعلى أهله وهو مب حاس لأن
لو راح من حد من اهله أو اخوانه يريد يشتري او يستأجر عقار بكون سعره غالي..والسبب ؟؟
سبحان الله ..
أحنا نزيد الاسعار وبنفس الوقت نقول الاسعار غالية؟؟
سلاااااااامي لك.. ^_^..
ومشكووور على طرحك الموضووع..
الي اعرفه كل العقارات بصفه عامه نزلت
اشمعنا الفجيره يعني؟؟