السلام عليكم ورحمة الله وبركاته
اليوم يايبلكم صورة الفالودة ….. يم يم
بينما كان القناص مستلقي على الغنفة …… أتصل بي أحد الأصدقااااااء قالي يايب لك مزة حلوة
طلعت عن باب البيت أستلم المزة
الحبيب مسوين في بيتهم فالودة وحب يطرش شوي صوبي …..
حجم الصورة كبير جداً ….. لمشاهدة الصورة كاملة أضغط على الصورة وشكراً
بس الصراحة ماكلت ألذ منهااااااااااا …. شكلها في الصورة عادي على الطبيعة طعمها روعة
مادري شو مكوناتها … إذا ماخاب ضني
بلاليط + فواكه + حليب محلى + حريرة (( الحبة الحمرة )) الحريم يعرفونهاااااااا
ياليت من البنات يخبرونا شو مكوناتها عسبت نتفنن في البيت ههههه 
وفي مطعم إيراني قبل أحيد كان واحد يوديني عنده ياخذ فالودة إيرانيه ههههه أول مره أشوف فالودة تعصر عليها لومي … بدون اللومي دسمة وثجيلة تكون ….
بس مافيها فواكة ….. اللهم بلاليط مادري معكرونه المهم وشي أحمر مثلج مثل عصير رمان + ماي ورد الله وعلم
نفس هذي بضبط بس لونها أحمر شوي 
وفي أسكريم من نفس المطعم الإيراني …. رهيب … أسمه بستني … أسكريم بماي الورد يحط في الصحن 4 كور .. كورتين بيض وكورتين وردياااااات .. يم يم
وهذي علوم القناااااص ومغامراته
أنتظروا جديدي
هههههههههه
الله يعافيك ياخويه القناص
انا احب اغامر و اجرب اشياء يديدة…انا اي مكان فيه مغامرااااات اتحصلني اول وحدة موجودة
وين مكان الكافتريا يلي ايسون عصير فرش؟؟؟؟؟
انا اعرف عصائر فرغلي …..
انا بصراحة ما اقدر اسير ام القيوين و ما اندل اصلا…
انا يالله يالله اندل بيتنا و دوامي و الكليه
مع تحياتي
اختك عليــــاء
بالعافية علييييييييييج
هههههه الحين أكتشفت أنج مكافحة وتحبين المغامرااااااااااااات
عيل عندي لج كفتريااااااا تسوي عصير فرش روعة في الشارجة يم يم
وفي مكان يسوي كنافة لذيذة في أم القيوين …. بس على الطريقة المصريه
الله يهديييييييييييييييج ياعليااااااء الحريرة كانت فصورة الأوله إلي يايبينها من بيت النااااااااااااااااااس
الحريرة هذي أسمها الحبة الحمراااااااء …. يشربونها الحريم أكثر شي بعد الولادة … تنشط مادري تنظف ماعرف شو مهنتها بضبط … بس حلوة
أنتوا عندكم الحريرة يسونها شوربها وغييييير عننا
أما إلي عندج سلطة فواكة … وعلى الطرف فالودة إيرانيه هههههه
كيف بيحطلج الحريرة بدون الحليب؟ مايستوي
هني هني بالعافية …….
ولاتكثرين بالأكل عسبت ماتسطلين مره ثانيه
الله يرحمهااااااااااا يارب
شو نسوي ياسلبتوووووووووووووووه
حبيني نساعد العوانس ….. نعلمهم فن الطبخ عسبت يتيسر أمرهم ههه
شدي حيلج أنتي بعد تفنني بالطبخ …… ترى الريال يهمه بطنه أكثر من جمال المرأة
اليوم الله يسلمكم …طلعت ادور على الفالودة بس مب بين الكراجات الله يسامحه يلي في بالي
“” gtr30000″” و تأخرت عن الكليه كل منك يالقناص
هههههههههه
و الحمد الله حصلتها …بس شو فالوذة على كيف كيفك
بصراحة فنانه و لذيذة …بس ما بقولكم من وين
خخخخخخخ
ذقتها بصراحة رهييييييييييييبه
بس ياخويه القناص ما حطلي هذا الحريرة الكرز الاحمر….قلتله كثر من الحريره …طبعا هو ما فهم
خخخخخخخ
و الله اتذكرتك…..
و بخليكم مع الصور
(1)
[IMG]
[/IMG]
(2)
[IMG]
[/IMG]
(3)
[IMG]
[/IMG]
يمي يمي
بس اقولكم سطلت في الكلاس بعد هاذي الفالوذة ….بصراحة انا اليوم مخي كان مقفل..لا يرسل و لا يستقبل
خخخخخخخخ
مع تحياتي
اختكم عليــــــاء القمر